CHIU san 轉工事件簿編輯 之 二

上回講到 chiu san為咗轉唔轉工而心煩，而家終於有結果喇！
chiu san係揀咗....轉嘅，哈哈。chiu san四月十四日就last day喇！新工就係四月三十日先至返！仲放自己一個星期假添，可以溫書也！

Game Show Make Up

今日應承咗個師姐去一個類似PS 系列嘅Game Show幫手化妝，時間好緊逼。

0800係中環返工，0930由中環出發去寶林，1000開始化妝。2個鐘，3個化妝師，化10個女仔，仲要啲女仔遲到。好彩個妝唔使諗，全部個tone一樣，copy，copy，同copy。YEAH！1200準時交人。

去到後台，仲見到一早化好妝，set好頭嘅鍾嘉欣，原來佢真人真係幾靚，面尖尖，同上咗電視嘅包包面好唔同。

1310返到中環，去M記買嘢食，1320返到公司。時間啱啱好。

有得化妝，好開心，不過好攰耶！

好想睇嘅一套戲

呢排無咩戲好睇，好彩無乜時間，但就好期待

睇到JONNY DEPP嘅〔加勒比海盜 - 魔盜王終極之戰〕呀！！快啲上畫就好喇！！

Ｏ～點解一個海盜都可以咁型架！！

CHIU san 轉工事件簿

今日chiu san發生咗一段小故事…

 

話說，今日[六國酒店] [人事部]打電話給chiu san，[人事部]果位人兄就同chiu san講，呢個星期五驗身，16/4號返工，不過唔可以係 24-28/4放假。吓

，見工果陣明明同

chiu san未來老細講好咗，24-28/4呢段期間可以俾佢放假架嘛，而家先至反口，唔係嘛，chiu san呢段期間有私人嘢搞，一定唔可以返工架嘛，咁即係無得返工！！

 

chiu san

即刻唔知點算好，即刻同佢現在嘅老細報定案，如果[六國]唔請佢，佢現在嘅公司可唔可以繼續做，事關[辭職信] 一早遞咗俾老細。

 

係呢個時候，神奇嘅事就發生咗，[六國]個未來老細打俾chiu san，同chiu san講，幫佢爭取到30/4先返工，無問題，仲叫佢俾心機做。另一邊廂，現任公司個大大老細又同chiu san講，如果佢唔走，出年公司會開個主管位，到時好大機會會升佢。

 

WOO~~

好吸引呀，而家chiu san即刻放心晒喇

，仲有兩個選擇俾佢添，哈哈，呢啲咪係所謂嘅

[船到橋頭自然直]囉。

 

但chiu san而家又心大心細，唔知留定走，咁出年升做主管又真係好吸引，但[六國]嗰邊又係chiu san所要的…

 

真係唔知點選擇好喇！

 

欲知後事如何，請看下回分解！

化妝真係好開心呀

化妝真係一樣我最最最鍾意嘅工作呀, 上個星期, 我個客 (已成為朋友仔) 臨時即日叫我幫佢化妝set 頭. 事源佢果晚要食佢公司嘅annual dinner, 本來佢諗住自已化妝set 頭, 但佢啲同事個個都走去[金都]搵人化, 所以佢諗諗吓, 臨時叫我幫佢搞囉.

本來都幫唔到佢, 因為臨時臨急, 都唔知係邊到搵啲化妝品返嚟, 但又好想扮到佢靚靚咁喎, 唯有諗下計仔喇

, 最終叫咗媽咪幫我拉個化妝喼出嚟尖沙咀俾我, 我自己就請咗一個鐘頭假, 去尖沙咀幫佢扮靚(佢係尖沙咀某酒店食dinner).

雖然時間趕急, 地方所限, 但出嚟嘅效果, 一樣咁好喎!!!

呢度就係我地秘密化妝間, 估唔估到呢度係邊度呢???

第二日佢仲同我講返, 佢啲同事個個都讚佢個make up & hair靚, 佢好開心呀, 我仲開心呀, 因為化得佢靚雖然係我嘅本份, 但我會有一種滿足感, 所以我想以makeup為我嘅終身職業係無錯架!

無聊的粉末信

d人真係無鬼聊，寄乜鬼野粉末信丫！搞到全世界都驚餐死！ 佢寄一封信架d粉落去好簡單，但又要搞到d郵差嚇餐死，又搞到出動police 同消防員，浪費人力物力，d人直頭係浪費公帑喇，做埋d無聊野，無貢獻，又無成效，正白痴！唯恐天下不亂！

六角我來也

雖然萬麗酒店係比六國靚好多，但學到的野，六國可能多好多～～
我由３月２３日早上１０：３７分成為暫時六國員工，因為未簽約～～
加油，未來一大片光明！！！

20070317家姐大日子

家姐嘅招牌手勢

, 家姐係咪好靚呢!!

家姐同姐夫呀, 簡直係天作之合

, 天生一對呀!!!
家姐又出招牌手勢喇

詠詩, 查理, 家姐, 我同露花 (過咗氣嘅隻郵組之花呀

)

我地四個自製同家姐姐夫合照呀, yeah

於新娘房內的絶密照呀, 官方照無架

家姐 & 查理仔

明天就係家姐大婚之日喇，尋日去咗家姐新屋到幫佢做法式甲，等佢明天靚靚咁出嫁，佢緊張待嫁嘅心情，我都feel 到呀

，呢對係家姐對手呀，係咪好靚呢

尋日我都好開心呀，

因為我哋好耐無一齊出嚟傾下偈食下飯咁喇，尋日就做齊喇!

我哋都好耐無一齊合照喇!(查理仔 - 家姐 - Ayumi)

CHIU終於去睇醫生喇

尋日chiu終於搵到陳醫師幫佢睇下佢24小時都痛

嘅腰背痛喇, chiu都拖咗好幾年先睇醫生, chiu真係人能所不能呀, 直頭係超人呀!

尋日個診証過程係首先, 把脈

, 好容易耶!

跟住就......針灸

, 哈哈哈哈, chiu's個背脊好似萬箭穿心咁, 好得意呀!!!

跟住就做推手, chiu俾醫師扭嚟扭去, "咯咯"聲, 好爽咁呀!

今日chiu嘅腰背痛終於唔痛喇, 好野!@!今晚chiu仲要飲苦藥, 不過苦口良藥呀, 咁就會藥到病除呀!!!