2009東京血拼之旅 第六日 (第四回@東京迪士尼樂園)

睇完巡遊，都開始日落西山喇，AIYA，仲有好多嘢未玩架！今次玩唔晒喇！無計喇，攰到咁，真係跑唔起喇！

玩唔晒都要繼續玩，玩得幾多得幾多。

今次我哋都係無玩CHIU SAN身後嘅過山車，因為無開，哈哈，其實CHIU SAN好想玩架！佢都有少少失望架！

無得玩都無計，影下相喇！

去城堡附近玩先！

我覺得呢個花圃好靚呀！啲花花好靚呀！

玩TEA PARTY就最好架喇，有得坐，哈哈~~

小小世界我又係好鐘意玩嘅！

玩完少少世界，出嚟仲撞見仙女婆婆同小木偶添，哈哈，好開心呀！

呢個城堡，真係好靚，尤其係黃昏嘅影照下，影出嚟份外有味道！真係好想即刻飛返日本再玩多次呀！

續...............................................

2009東京血拼之旅 第六日 (第三回@東京迪士尼樂園)

哈哈~~ 上一篇日本之旅都係一個月之前寫喇，再唔快啲寫埋佢，我真係會唔記得架！

-------------------------------------------

霸好位，巡遊都差唔多開始喇！巡遊都無咩好寫，大家睇相喇！我係好鐘意睇巡遊架！

七彩繽紛嘅花車，真係睇到好開心，下次嚟日本都要再嚟呀！

續........

考試合格, 31/8再開動

8月24日，我哋個日文course 公佈成績喇，雖然我對自己都充滿信心，唔會唔合格，但去睇成績嘅時候，都仍然好緊張。

上到去學校，啲成績post晒係課室出面嘅走廊，全部嘅班都係呢日公佈，高中低班、中小學暑假班都係喺呢度公佈成績。

係走廊一列一列嘅成績單，要搵返自己果班自己個名，有名即係合格。真係有啲似睇日本卡通啲學校放榜，哈哈！

搵呀搵！搵到我哋果班喇，順住班號睇，我哋係23, 24號！終於都見到喇！我哋兩個都合格呀！哈哈！我就即刻入課室報名喇！

第二個學期就開始喇，會係31/8開始。好期待，但今次得我一個報咋，chiu san唔報喎，唉，係有啲可惜，但佢嚟緊出年會再讀佢嘅會計，無計喇！一心不能二用，又無咁多錢呢！我唯有自己加油喇！

兩口子去迫電腦節

星期日去左會展學人執平野，有時間同有彈藥去迫下又幾好喎,話晒節省都幾多彈藥, 行左１個圈唔夠就買左３樣野，"奧利飛利"LCD電視 , PHILIPS 19" LED Mon 同埋 Brother Printer ,有好多野想買..例如ipod speaker , window 7 等等............行左一個半小時就走人,真係好多人,見到好多毛,見到好多人影毛,見到好多人望住影毛d人個樣流晒口水 =.=""......總之就一有毛出現的地方就迫到死下死下咁

買磚深圳半日自由行

下晝收工快快趣一度行一度吃個飽去沙田同裝修師父會合

因為我地唔識路,由裝修師父帶路去深圳買磚,師父話最好搵d識得門路的人去買,

就算買左d次貨番來,師父知道要點做ma~

用左大約2個半鐘,終於簡好晒啦,好期待個完成品係點!

而家只係差大閘,牆身顏色同埋洗手間的未決定!

裝修中的堡壘

今日，我哋上咗去睇裝修嘅進度，拆屋拆到第三日喇，果然變咗一間爛屋，HAHA

本來兩間房嚟架！

中間條線，就係本來隔開房同廳嘅牆，呢幅牆成四吋厚呀，我哋會再起幅牆，令幅牆變得三吋，再將牆向房果面做入少少，令個廳大啲。

本來係房，變咗垃圾崗喇，HAHA

本係係廚房呀，而家真係睇唔出呀！

YEAH~~ 拆得七七八八喇，就嚟開始整新嘢喇，好緊張呀！

我哋嘅堡壘呀

8月4日，我哋終於收咗樓喇~~~

8月17日，我哋間屋開始裝修喇，第一日就係拆屋，哈哈，我哋尋日有上去睇過呀，一日就拆晒啲門呀, 櫃呀，好心急快啲拆晒啲嘢，咁就可以快啲開工，好想快啲入伙呀！