Wedding 淘寶 之 香港 prewedding 男禮小背心 - 收貨

呢件小背心我都幾鐘意，因為質地好軟，唔係硬到死果啲，唔錯
好彩我男友着上身都幾好睇，不過入面要着淺色衫先得
因為昨天我男友着上身時入面着咗黑色恤衫，感覺好黑，痴埋一舊無乜嘢睇咁。

taobao website: 
http://item.taobao.com/item.htm?id=14897659066

Wedding 淘寶 之 香港 prewedding 婚紗 - 收貨

呢件婚紗唔係度做，我只係買咗M碼，都有啲寬 

但佢有足夠嘅紙口位俾我自行修改，等我修一修會好啲 

但佢整體都唔錯喎，有少少硬，只係少少啫，可以接受 

佢裙擺都幾靚幾豐滿，有內置裙撑嘅 

最唔滿意係拖尾位置啲布少咗啲囉 

但用嚟prewedding 就絕對無問題嘅 

我都好滿意架喇！

綁帶位因為chiu san唔識綁，所以整到好肉酸，果度唔關條裙本身件事嘅！

Wedding 淘寶 之 香港 prewedding 短禮服 - 收貨

收貨喇，呢件仿vera wan嘅短禮實在太合身啦！十分之鐘意呀！ 

佢啲料着上身都感覺好舒服，軟軟的。 

連我男友見到都話：又幾好靚喎！ 

初初都有担心唔好睇，因為我係甲組腳人士 

我試埋對candy blue 高跟鞋，又唔覺得咁肥喎。 

我好滿意呢件衫呀！唔知我啲姊妹着唔着短裙呢？ 

着嘅話，我又係呢度訂先。真係好靚好滿意呀！

 

大個女喇

三隻貓仔都大個囉，呀dee同呀mee都大隻過家姐小虎妹喇。
呀mee嚟緊星期六會嚟個成人禮喇。
haha, 就係絕育，七個月大喇。
其實好心痛佢要開刀，不過都係一次姐。
mee mee 你唔使驚，我哋會陪住你架！

FREE PHOTO BOOTH PROPS 和其他素材

對於香港prewedding 嘅主題雖然有大概嘅概念，但道具方面，我真係唔叻，所以周圍睇下人哋點搞。
見到有人share咗呢個website: http://catchmyparty.com/printables
裏面啲嘢都幾靚，有好多主題嘅，唔係專for 結婚架，不過有情人節主題，細心啲搵，會搵到啲wedding 啱用嘅，可以用嚟會PHOTO BOOTH PROPS 或者prewedding嘅道具，雖然唔知我會唔會用到，但都記得底佢，可能有用得著嘅一日。hahahaha

Wedding 淘寶 之 香港 prewedding 男禮小背心篇

再嚟男禮小背心，平平哋RMB53
等Chiu san係唔使帶太多嘢情況下，都有得轉下款

Wedding 淘寶 之 香港 prewedding 婚紗篇

影prewedding嘅婚紗，唔一定要好高質素，
所以見啲準新娘都係喺淘寶買，

我今次都買返件，我又係揀咗好耐，
又要平，又要合自己心意

又要係實物拍攝嘅，又要好評嘅，
淘寶其實要好有心機先得。

呢件就係我淘咗嘅婚紗！RMB322.60，等收貨中！
揀後邊綁帶款，係因為如果尺碼差少少
都可以係綁帶果度綁緊或綁鬆去就，唔錯。

Wedding 淘寶 之 香港 prewedding 恤衫篇

又淘咗件黑色恤衫俾chiu san，唔知佢著咗效果會點呢？
其實呢件只係小試牛刀，質素好的話，可能會訂俾啲兄弟著。

呢件RMB49。

Wedding 淘寶 之 香港 prewedding 男鞋篇

除咗我自己嘅，我都要為chiu san 預備嘅，
想幫佢找到全白波鞋影prewedding，
又俾我搵到一對chiu san 鐘意嘅款喎！

陶寶真係好偉大，對波鞋只係RMB45。同樣等收貨中。

Wedding 淘寶 之 香港 prewedding 女鞋篇

為咗我訂定嘅短禮服，我又要搵一對鞋去襯，又去淘寶搵搵。
又可以shopping一番，實在開心。

我心目中嘅鞋，無論色同樣，都竟然俾我係淘寶搵到，
仲只係RMB49，正！又買咗了，等送貨中。
呢隻色我覺得真係唔錯喎，Candy color係賣飛佛呀！

Wedding 淘寶 之 香港 prewedding 短禮服

為咗影一輯同日本prewedding 不一樣嘅香港prewedding，我除咗要考慮地點，仲要考慮衣著方面 嘅配合，諗咗好耐，心中想要嘅未必有，參考別人嘅，又未必適合自己，最終都係上淘寶睇睇有無心水又能配合到嘅衫。

最終俾我睇到呢件仿vera wang嘅短裙，我覺得呢條好靚，又可以度做，雖然價錢都唔平，RMB320，但係係同類嘅制作中，評價好高，於是我就決定呢條係我其中一條香港prewedding嘅衫喇。

佢哋制作都好認真，要俾成10多個唔同位置嘅size佢，俾咗佢，仲好認真咁幫我check 下我哋size有無問題，叫我呢度再度，果度唔對路又再度，來往多次msg先至confirm，confirm晒所有嘢，先至叫我去俾錢。服務唔錯，話5-7天就會起貨喇。

我上星期四先落order，今日就發貨俾我喇，真係好快手。而家期等緊收貨呀！

新娘試妝

今日幫一個幾年前化過嘅伴娘試妝，佢都好滿意，順利完成。好開心啲舊客仲記得我！
其實一路我都仍然好鐘意做化妝，不斷有留意新嘢，不斷返學進修下自己，係無乜人識我，但我仍然好淘醉當中，希望仍然可以KEEP住有得做就好啦！加油!!!
http://blog.yahoo.com/_G74SNSPMM37OXVM7UTFEPAZSOQ/articles/930740/index

我哋今年結婚喇

終於都2013年了，終於可以大聲講"我哋今年結婚喇!!!!"ha ha
的確，係進入2013年第一件事，我的確講咗"我哋今年結婚喇!!!!"

由2011年9月開始籌備，由"兩年後結婚"，講到"下年結婚"
到"今年結婚喇"，心底裏真係好期待2013年嘅來臨

如果2013年11月23日係我嘅嘅BIG DAY

咁2013年就係我哋嘅BIG YEAR

HAHAHA, 我好無聊呀 !!!

2013年第一張合照