神經Mee

Mee仔越大越靚女，但仍不改不時大發神經嘅性格。

愛被抱，但會突然發難，大大力醒你一拳半掌╮(╯_╰)╭

Free Fish4cats

三貓糧餉係上網訂，訂購時有得儲積分，

可以當CASH用，又可以換下其它Product。

今次就換咗1盒6包嘅 Fish4cats 比三貓試下。

之前都見有貓友係食呢個，好似唔錯。

希望班大帝鍾意啦！

貓肉閙鐘

每朝叫我起身係件難事, 老公會叫我起身, 但我9成都仍舊係唔郁
今朝老公又叫我起身, 我又係唔郁, 跟住MEE 仔牌貓肉閙鐘就走入房
MEE仔一入房就"喵喵喵" 係咁喵
我無動於衷，MEE 仔即刻跳上床, 又係咁"喵喵喵", 再踩埋嚟
一邊踩一邊喵
OKOK, 我忍唔住要模下佢, then, 我醒晒, hahahaha
MEE仔你實在太可愛了

呀DEE 睇咗醫生LA

昨天CHIU SAN帶咗呀DEE 去太平道睇醫生LA
之前一兩日佢唔係好去到小便，但去診所途中佢又賴咗尿喎。
Dr. Karen 幫佢檢查嘅時候，都話佢膀胱正常無大到，即刻鬆咗一口氣。
Dr. Karen話佢咁嘅情況，有三個可能； 1. 係非感染性發炎，2. 係尿結石，3. 係緊張。
唔通呀dee 真係知我哋緊張佢又緊張埋一份？
Dr. Karen開咗一隻消炎藥同要收尿樣本化驗。
昨晚食咗藥，佢又去到小便喎，正常返。
不過，就當我哋瞓緊覺嘅時候，衰仔就係我哋張羊毛被度賴尿呀，仲鬼咁大篤.....
因為Dr. Karen要朝早第一篤尿嚟驗，於是chiu san就晨早4點起身餵dee 飲水
等佢小便收集樣本。
今朝我就一早係返公之前攞咗去診所啦，而家等診所回覆。

Dee Dee 要睇醫生 >.<

呀dee 星期六（2/11）開始排尿有問題，先係尿有粉紅血色，再排尿困難，今日終於睇咗醫生，而家要驗尿再等結果，而家食住呢隻消炎藥先。
Dee 呀Dee ， 你要飲多啲，再多啲水呀！你唔飲我就餵你飲架啦！

vychiu wedding 之 DIY 迎親牌

之前係esd wedding 有人整迎親牌迎親，我又覺得唔錯喎，有迎親牌影起相上嚟畫面豐富啲吖ma，於是我哋兩個又學人DIY。

最初買晒咭紙托底，紅色畫紙，同金色畫紙，都買咗成120蚊，有啲肉痛，以為DIY會好平。真係越窮越窮呀！但就係欠咗支棍。唔想再用錢買棍返嚟了。

所以，料一路買咗係度但就無動工。chiu san都有攞過啲花藍個啲幼身竹返嚟，但一路又未諗到點去包裝靚支竹。直至，我哋屋企樓下，有店舖開張，有又量花牌唔要，俾我發現花牌下原來有啲好啱用嘅木棍，人家3支棍支撐一個花藍，我見啲花藍無人理，花都謝晒，好似垃圾咁比人放係一邊，我緊係做咗個垃圾婆，執垃圾。

哈哈，就係咁，執到棍，我哋就可以即刻開工la，完成品都ok架，影出嚟嘅效果真係唔錯呀！

vychiu Weeding 之 男禮@君臨 / Couch Potato Menswear

距離BIG DAY仲有30日咋!!!

一路以嚟，我都想物色多一套男禮比我男友，雖然佢成日話一件由早着到晚就算。但我都想佢多件衫換架MA！

上年一早就已經係金都地庫間「君臨」做咗一套黑色燕尾架喇，兩次 PREWEDDING 都係着佢。係一件簡簡單單，又不失隆重嘅男禮。

早兩個星期，我喺Facebook 見到一間賣男禮嘅，款色並唔係一般禮服，我覺得好英倫feel，不過唔係度身訂做嘅，分size 即場買走嘅。我比男友睇一套酒紅色嘅男禮，佢都好鍾意，於是就去試身仲即刻confirm買埋添。係要再搵人改褲腳，不過都係小事，最緊要價錢唔係話好貴，配埋bowtie同馬甲都係唔使2000蚊，我覺得唔錯呀，出去租都要la，何況租都未必有啱心水嘅。

終於都唔洗佢一件衫着成日la，無理由我一日換咁多次衫，佢只係得一套吖ma。