明天去吃韓燒!

vy 大人展開了12天的西抽減肥法，以上次的成績來看，今次減應該有１０磅８磅啦！！
她的餐單裡，一定要有西抽，因為這個東西是整個過程必要的，冇了他就不成事，他會同其他食物產生化學作用，有助清化之餘，又可以消滅之前的肥膏，但如果不依照餐單來吃西抽，作用不大，可真是神奇啦~!~!!
差不多每天我都做魔鬼，叫大人吃米線啦，其他佢好中意吃的東西，但大人竟然意志堅定!!我呢隻魔鬼就咁失敗了．．．．．．為有請佢吃韓燒啦!!!

 因為成個餐單，除了有炭水化合物的東西外，乜都吃得．．．當然甜野都唔得啦～所以呢個方法真的不錯!!!

不過有害之處同樣在西抽，因為佢會影響荷爾蒙，長期食用會增加婦科病的機會，所以今次希望係大人最後一次，為靚瘦最最後一次！！！

不過，過左４日，大人塊面就真係瘦左!!!可喜！！

我的小學同學開心一聚

先前係facebook相認嘅小學同學，我哋真係有約出嚟食飯架，我好期待呢一次嘅見面架，話晒十幾年無見喎！

我哋約咗呢日放工之後去沙田嘅金沙食飯，去到沙田就收到佢嘅電話，十幾年後第一次接到佢嘅電話，佢叫咗我個英文名，哈哈，真係有啲唔慣呀，以前係叫全名架喎，所以我都係叫佢叫返我個全名，有親切感多啲囉！

我哋一坐底，叫好嘢食，就係咁不停傾，講吓細個啲曳嘢，講吓而家，講吓屋企人，講吓男朋友，講吓日本，有十幾年嘅話題，一晚真係講唔晒呀，佢而家已經係一個教師呀，好勁呀！細個果陣真係估唔到架！

我哋真係有講唔完嘅話題架，本來食完以為會係新城市散喇，但我哋真係太茌捨難離，我哋行返屋企，我哋一路由新城市，行去沙燕橋，再行過沙角邨，最後佢都係送我返到沙田圍站，當時已經夜深喇，真係要散喇！唯有下次再傾過！

我和我的要好小學同學呀！

返到屋企，太多回億係腦湧出嚟喇，搵返啲我同佢嘅子學班相出嚟。我同佢嘅合照，想信只有呢兩張班相呀，以前唔興影相嘛！

呢張係五年級嘅班相。(無記錯的話，哈哈！)

右邊係我，右邊係佢呀！中間果個我都唔記得咗佢係邊個喇！

呢張係六年級嘅班相。？(都係呢句喇，無記錯的話，哈哈！)
你哋估唔估到邊個係我同佢呢

上面呢張，最左嘅係佢，最右嘅係我呀！睇唔睇到呀？
放大佢會唔會睇得清楚啲呢！自製嘅一張兒時合照呀！

 

深水埗一日遊

18 May  2008 (星期日)

呢日無無聊咁，chiu san問我今日去邊呀，我諗一諗，衝口而出一句「不如去深水埗行吓」就咁，我哋開始咗「深水埗自由行之旅」。可能有人問，去深水埗都好寫？無錯，因為我好少去，就算係都唔行得耐，所以好想去見識吓！

一落巴士，就見到深水埗郵局，做咗咁多年郵局，雖然至今已離開咗，但仍然有呢個無病，就係見到郵局仍然雀躍要去影相做留念。尤其係比較舊嘅局，好似呢間，我好鍾意佢個牌仔。

就係呢個，好舊，好正，佢舊到、細到幾乎唔會有人在乎或見到佢嘅存在，但我就喜歡。

轉入一個街口，給眼前嘅景象吸引，因為眼前嘅根本就似一條食街。正合我倆意，為食的我倆。

我哋揀咗呢一間，好香，真係忍唔住入走去食。 (PS: 嚟之前我哋已經食咗嘢！)

果然又真係好好食喎！呢個係chiu san嘅！蝦籽撈，雖好味，可惜chiu san去蝦蟹敏感，最後都係肚仔痛！可惜，下次無得再嚟食喇！

呢碟係我嘅，水餃撈，同樣好味呀！仲有蝦子添！正！

當然嚟深水埗，唔少得嚟黃金巡視吓業務喇，果然好多人，不過唔啱我哋行，好快就閃人喇！

下一站，係鴨寮街，我真係未嚟過架，好新奇呀，咩都有得賣架，玩具、零件、鑽地用品，總之有好多好多嘢睇喇！咁大個女總算見識過喇！

因為星期日嘅關係，好多舖頭都係無開，包括賣衫嘅！唉，唯有睇係四圍環境！又俾我發現咁大間當鋪喎，又會有咁多人攞嘢去當嘅？

總之呢度有好多好舊嘅嘢喇！

又無端端有間醫局喎，而家仲有醫局嘅？

中途經過一個好靚好大嘅公園，咁啱啲鳳凰木開花開得好靚呀！

行咗半日，終於見到嘅現代嘅嘢喇！就係起到好高嘅住宅，真係好高，同嘅舊嘅屋一齊，好一個新舊對比呀！

就咁，深水埗之旅就咁完喇，我哋咁就離開嘅個咁得意嘅地方喇！

與KP飯聚、行街、收眉

15 May 08

同KP去食飯，兼幫佢收眉！係沙田地下，食咗我最鐘意食嘅壽司，行咗一陣，就去咗KP屋企收眉同睇電視！

呢碟壽司係新產品，都OK喎！

原來呢個好出名架，又真係幾好味，下次叫CHIU SAN試吓先，佢一定鐘意呀！

之後上咗KP屋企，發現佢開始為呢個星期柬埔寨作準備！我好八卦咁睇吓佢準備咗啲咩！

一打開，竟然係一儲食箱！真係估佢唔到呀，佢話係帶去柬埔寨食架喎！乜果度饑荒咩？

Today: Yesterday:

work @ mircosoft

14 May 08

今次係第二次嚟呢度，係嚟做啲宣傳活動嘅！

Mircosoft 真係有錢，呢個office嘅境真係好靚囉！居高臨下，又望到海境，真舒服！

有朋友仔話想睇吓我個斯文look呀，就影俾大家睇吓喇！唔係返工，我真係唔會咁着呀！

重點係，我真係肥咗好多，肥到個樣都變咗啲呀，口腫面腫咁，連眼都細埋！
睇完呢幅相，我就決定咗六月開始減肥喇！朋友們，記得為我加油呀！

Today: Yesterday:

動物之森 - 金水壼、金彈弓篇

呢排，我將封存咗好耐嘅NDS同PSP，攞返出嚟玩。今次就要講吓NDS先！

有睇我個BLOG嘅人，都知我有玩「動物之森」，呢隻真係一隻令人沉迷又耐玩嘅一隻GAME。

為咗攞金水壼，我就用咗一個月時間，日日都要開呢隻GAME澆水，同朋友仔傾偈，明明話只要15日就有金水壼，點解我玩咗1 個月都無，最後原來要去TOWN HALL講下嘢先有，唉，激死！不過最終都攞到，你睇佢幾開心！

攞完金水壼，竟然俾我攞埋金彈弓喎，哈哈，呢個真係好意外地得到，原來金彈弓會自動係個天啲氣球度架，用舊果個，就咁就彈咗佢落嚟喇！YEAH！意外收獲呀！

Today: Yesterday: