前兩日，係公司終於唔係太忙，可以check吓email(私人果個)，一check就發現有個女仔add咗我，初初睇，好似唔識佢架喎。後來再睇真啲，有啲面熟喎，突然覺得佢好似我小學一個同學仔，但又唔係好肯定喎。(大家請記住，小學畢業之後，我再無見過呢個同學仔，果陣時只得11才。十幾年前果樣同而家個樣，簡直係差咗十萬九千里遠度喇！)於是係face book到留吓言，確認一下對方身份先喇！
哈哈，無錯喇，我無估錯呀，佢就係當年同我最好嘅朋友仔呀！好開心呀，真係可以係face book搵返佢喎，我哋仲即刻交換咗msn同電話， 仲相約埋下個星期出嚟聚聚添！好期待呀，我諗我要執執個樣先，唔好太殘咁去見佢先得，以免唔認得我呀！哈哈！唔知到時我哋會點樣相認呢，我相信係大家嘅印象中，仍然係當年薯頭薯腦嘅樣子呢！
真係開心呀.....
回覆刪除過左咁多年都見得返...
[版主回覆05/17/2008 22:59:00]係呀，係face book相認果刻都真係好激動下架！