距離big day倒數仲有84日
前日，Oscar Wedding 俾咗個backdrop 嘅draft design我哋睇啦！我真係要讚一下Oscar 同佢老公嘅心思同design，真係合晒我哋嘅心意，一打開個file，我真係“嘩！”咗出嚟架，我從來無諗過出嚟嘅嘢，完全係我嘅心意，靚到不得了，話係draft，但整體design都無乜嘢係要改，只係logo 個名我哋俾咗啲commet，同埋加返我家三貓入去，呢個係我之前無request嘅，唔關佢哋事。
見到個咁靚嘅backdrop，我真係好心急想見到真身，同埋好期待photo corner嘅design。
日子漸近，我哋都仲未選擇photo corner上面嘅相 ，要快手啲啦！
另一方面，成長片段嘅相，我哋大致上都揀咗一堆出嚟，但仲未仔細認真咁揀要邊幾張，成條片得24張相，我哋都變咗有選擇困難症。
睇嚟要加把功喇！
去伊甸園辦擬結婚通知書之前，因為我要去佐敦買嘢，買完嘢，我哋去咗恆豐中心食拉面。
唔知係咪因為已經差唔多三點嘅關係，唔使點搵位就有位。
第一次嚟，花多眼亂，六間咁多喎，好彩我對博多拉面情有獨中，無選困難嘅出現，KAKAKA。
入到去，每人有個白色牌仔，俾你ORDER 嘢食用嘅。ORDER咗嘢食，拉面店會俾另一個牌你嘅。咁就可以返位等，等到個拉面店俾嘅牌仔震，就可以去攞拉面。走嘅時候，先至去出口，攞住白色牌仔去俾錢的。
呢度真係似係日本食嘢，好自助，茶水都係免費自助嘅。啲師父都係日本人，但我都係聽唔明佢講乜，真慘，讀咗4年幾日文，乜都聽唔到。
總括嚟講，我覺得好好味呀，Chiu san佢果碗佢直頭大讚呀！
下次要再嚟呀！
距離big day倒數仲有88日咋！
去伊甸園辦擬結婚通知書之前，途經百利，我哋就去買埋我哋睇中咗嘅敬茶茶壼套裝。
我個人好得意，其實唔係思想好傳統嘅人，但有啲嘢我又好堅持用啲好傳統嘅嘢，好似褂同敬茶茶壼。
我哋睇中嘅，同一般紅白色嘅唔同，係金白色嘅，仲要比一舨嘅貴啲。不過都只係$168啫，哈哈。
好開心買到心水敬茶茶壼，有時啲嘢，貴嘅都未必係你心目中想要嘅，真係難得買得心頭好呀。
距離big day倒數仲有88日咋！
上個星期六(24/8)，去咗伊甸園搞擬結婚通知書LA。
因為搞擬結婚通知書係4點至6點，我哋帶齊我哋兩個及証婚人(即係我哋呀媽)嘅身分証副本，我哋大哋4點左右去到尖沙咀嘅伊甸園。上到去好多準新人架，係晒個hall度等，呢個hall都係比人註冊嘅。但我哋見到呢個場，即刻話好彩無揀呢度，因為個場我哋唔鐘意，係就係大好多，但感覺好娘，點都唔夠玻璃教堂靚囉！
都等咗一陣，工作人員叫我哋名去對下啲資料，比埋HKD305，再等律師同Chiu san宣誓，咁就搞掂晒，可以走人喇！而呢張擬結婚通知書有效期去到24/11/2013架！
咁就KO埋呢個 item 啦！
距離big day倒數仲有88日咋！
上個星期六(24/8)，去咗伊甸園搞擬結婚通知書LA。呢日行程緊密呀！做咗好多嘢呀！
Chiu san星期六係要返半DAY嘅，我就等佢差唔到放工先出去。
因為前一日朋友KP唔記得帶佢屋企鎖匙，嚟咗我哋屋企瞓咗一晚，所以11點左右瞓醒咗就同佢去食早餐，同埋約媽咪攞佢身分証嘅副本。因為做擬結緍通知書要我哋兩個嘅身分証副本，同埋証婚人嘅身分証副本。食完嘢又再返上屋企，因為Chiu san一度懷疑佢有佢媽嘅身分証副本，所以我返上去搵，但我又搵唔到。無計，於是KP就去返工，我就出發去佐敦同Chiu san會合啦！後來Chiu san又搵到佢媽嘅身分証副本，於是就齊晒資料LA, 唔晒後補，GOOD!!
因為搞擬結婚通知書係4點至6點，之前我想去喺佐敦嘅GINGKO MAKEUP嘅開倉買嘢。做返化妝，有好多嘢要買，洗咗好多錢，有開倉緊係要去掃下貨，慳得就慳。
我係開倉都買到唔少嘢呀。之後我哋就去恒豐食拉面。
之後就向尖沙咀出發伊甸園搞搞擬結婚通知書啦。
途經百利，我哋去買咗敬茶茶壼套裝。
終於都去到正題，哈哈，去到尖沙咀嘅伊甸園喇。上到去好多準新人架，係晒個hall度等。我哋見到呢個場，即刻話好彩無揀呢度，因為個場我哋唔鐘意，係就係大好多，但感覺好娘，點都唔夠玻璃教堂靚囉！
都等咗一陣，工作人員叫我哋名去對下啲資料，比埋HKD305，再等律師同Chiu san宣誓，咁就搞掂晒，可以走人喇！而呢張擬結婚通知書有效期去到24/11/2013架！
咁就KO埋呢個 item 啦！
今個月16號收到囍帖廊嘅email通知，我哋嘅帖印好啦，可以去攞啦。
好開心我哋嘅帖終於都出世，好心急去攞。我哋尋日放工就即刻去攞啦。落order 同攞帖嘅地方唔同，落order 係舖頭，攞就係上樓的。
攞咗帖，見到帖嘅真身啦，感覺好實在，就快要派帖啦，剩返三個月咋！
因為我哋係珍珠冰白咭印，總係會有少少色差，但我仍然好喜歡屬於我哋嘅帖。真係好鐘意呀！
其實我哋仲想印自己嘅利是封，要等我哋wedding 嘅logo出咗先咗印，係返呢度印大約$1.4一個，需時3個星期左右，我哋等logo出咗再算。
另外，攞帖之前我哋順道去埋映月樓攞最新嘅新菜單。係時候要計劃請幾多人，要幾多圍，要開始問人嚟唔嚟啦！有種“打到嚟啦”嘅感覺囉！哈哈！
今次尤特高掛8號時吹唔正我哋屋企，風平浪靜兼無落雨，但就賺咗半日唔使返工。但尋晚已經落咗8號球，反而有風有雨。
唔知係咪有FEE FEE FU FU嘅風聲，mee被嚇襯，今朝chiu san起身發現呀mee瀨尿，搞到成個窗台都係，佢今朝起身就搞咗一輪清潔先返到工。呀mee真係寧舍細擔嘅，小小聲都驚，但今次真係估唔到佢會驚到瀨尿。又會細膽成咁嘅！
距離big day倒數仲有100 日咋
但就係尋日8號風球高高掛，偷得浮生半日假，準備返工嘅時候，有兩個姊妹同時話唔做得姊妹，一個有咗，一個整親條腰。唉，其實我好體諒呢兩個朋友，但個心係果一刻都真係實咗架。衫又落晒訂，我朋友又唔多，臨時都唔知邊度搵兩個肯做姊妹嘅朋友。
不過我都會加油，唔想因為咁影響到心情，我已經調節返個心情，我要祝整親腰嘅姊妹快啲好返，腰背痛真係好辛苦；有咗嘅就真係要好好休息，生個肥肥白白嘅BB呀。
其實我呢個有咗BB嘅朋友，今次真係三年抱兩，我都係好羨慕佢，其實由睇住佢生第一個B，我已經被佢感染，搞到我都心郁郁想生個B。今次佢有第二胎，我真係FEEL 到佢幸福到爆，佢唔使返工，專心照顧BB，老公勁鍚。係咪幸福爆燈呢。HHAA
至於我哋生唔生呢，有好多問題要決解到先再算。首先，完婚再算。KAKAKAA
距離BIG DAY倒數102日
尋日收到伊甸園嘅EMAIL，約我哋去交資料辦理“擬結婚通知書”。又幾好喎，唔使我哋問都會自動約我哋去交資料。其實呢排我都諗緊點搞“擬結婚通知書”架啦，因為我一早MARK咗係月曆度要搞，但又無從入手。好彩唔使自己搞，都鬆咗一口氣。
終於都搞好請帖嘅design同confirm咗printer 果邊印緊啦。
帖，其實酒樓有送，最初都話用佢送果啲嘅，反正賓客們睇完就會掉。但搞結婚搞咗年幾，我哋真係要求越嚟越高，已經接受唔到佢哋送果啲款，於是有諗過用佢送嘅，再upgrade上去揀靚啲嘅款，但係，去到果間嘢，啲款又揀唔落手。於是把心一橫，唔用佢呢個優惠。
之前係婚展都有睇過下，有啲較為特別，或者較為靚嘅款都要HKD14-15一張，好貴呢，又無話有一張揀到我哋好好好鐘意嘅，所以遲遲都決定唔到點做好。
後來同Oscar Wedding傾開，佢哋可以加幾百蚊幫我design張帖，我哋覺得OK吖，朋友介紹印帖嘅囍帖廊又唔係貴，可以獨一無二，又可以特別啲，至少啱我哋心水，而成個婚宴主題又可以一致啲，於是就拜託Oscar Wedding幫我哋design 張帖啦。
七月頭個draft design 出咗嚟嘅時候，我好鐘意，因為佢用咗我好鐘意嘅嘢做主題，唔係hello kitty，哈哈哈哈，估我唔到呢，哈。由個draft 出俾我哋睇，到final version，我改咗好多次，改完又改，改完又改，但Oscar 佢哋都照改，絕無呀之呀佐咁，真係唔該晒Oscar wedding佢哋。希望收帖嘅人會有驚喜，希望佢哋都會覺得特別啦。
帖嘅design confirm 咗之後，就攞個file去囍帖廊度印。佢哋真係好專業，佢哋唔係我攞個 file 嚟就照印，佢會提我啲字眼啱唔啱，位置會執一執，等等。有啲用語佢唔講，我又真係唔識呀。執好改好，佢會send返個file俾我睇下先，我哋 OK 佢先印，我覺得佢哋堅係好呀。我哋印單卡、珍珠紙、雙面同彩色嘅，連珍珠色信封，唔使HKD10一張，比我哋之前預算平。我哋仲打算印有自己logo嘅利是封添，呢啲係後話啦，但至少搞埋呢個item，又鬆一口氣啦。
