噴槍練習 ─ 失敗咗

今日，襯病好都七七八八，又成日落雨，chiu san又要返工，邊度都去唔到，於是乖乖咁喺屋企練習一吓就嚟考試嘅噴甲，不過效果就唔係好理想。

下面呢個主題係[和風]，我自己覺得最好嘅一個。

下面呢個主題係[結緍]。

下面呢個係[夏天]，最差嘅一個。(因為突然落大雨，支槍係咁噴水

)

做到咁，都唔知用邊兩個主題去考題好，唉~~~

唔知大家有無咩意見呢？

病咗

今日阿vy病咗，乜都做唔到喇！

GODIVA - Milk Chocolate Strawaberries

今日有個同事送咗盒GODIVA嘅朱古力俾我食，話報答我幫佢整到隻手咁靚喎！嘻嘻！好開心呀，個同事又會咁客氣，不過睇嚟佢真係好滿意咁喎！哈哈，真係大收獲，我咁大個女都唔捨得買啲咁貴嘅朱古力食，而家終於都食到喇，又真係幾好味喎！

清新小白花

今日lunch time，幫個同事油甲油同畫花。因為佢連油甲油都未試過，甲都未修過，所以只係同佢修一修吓個甲型，同畫啲簡單啲嘅花。

完成了的法式甲

終於都完成喇！不過睇怕都要練習多啲先至得喇!!!

未完成的法式甲

尋晚終於都得閑拆咗之前嘅甲，因為想咗好耐要轉款，但尋晚只能拆晒啲甲，唔夠時間再做晒一套甲只做咗左手手指尾咁多，係法式嚟，係時候要練吓啲法式，好彩尋晚都做得幾好今晚繼續！！！

美甲vy

By vy

喱士

呢兩日手痕想整甲

，不過屋企超齊人，唔想搞大工程，所以睇吓指甲書。
但越睇越想整，今晚唯有喺無花嘅甲上畫啲喱士簡單啲。
不過啲畫工就真係有待改善喇！我已經每隻手指畫咗好多次都先有咁嘅效果，其實真係唔見得人。請大家多多包涵。

左手係咪靚過右手好多呢！不過都係好麻麻。

不過我自己覺得有畫好似好睇過無畫咁，夏天feel多啲。唔知大家係咪咁諗呢？定係真係肉酸到洗咗佢好過呢？

主角介紹

因為chiu san好鐘意呢啲公仔，所以我得閑就會畫吓。而家將公仔放埋上嚟blog，因為呢啲公仔係我哋生活嘅其中一部份。

係時候介紹一下主角喇！

溫馨小提示：係畫得好差架，我知只有Chiu san鐘意睇。
希望大家睇完唔會噁喇！

無聊畫作 - '精緒低落'日

係根據尋日精緒低落有感而畫，哈！超低能！

By vy

端午節 ─ 飛龍在天

尋日，好開心，因為我哋由相識第一年開始，就話要去科學館睇睇，一講講咗３年幾４年，終於我哋襯尋日端午節，公眾假期，去咗科學館睇〔飛龍在天〕。

chiu san講笑咁話，原來去日本仲易過去科學館，至少去日本一講就去得成，科學館講足４年先去到。

嘩！天氣好得不得了呀，晒到呢！仲多人呀！我哋去到科學館，決定買〔半年票〕。原來有博物館套票，例如我哋尋日就咁買即日票的話要ＨＫＤ４５，只可以即睇科學館，但我哋買咗半年票之後，可以半年無限去所有物博館，都係每人只需ＨＫＤ５０咋。多ＨＫＤ５，任睇，我哋緊follow喇！

好多人都好似我哋咁諗，於是出現〔“長龍”野生動物園〕！

排咗咁耐，終於可以入去喇！睇吓chiu san 心急到呢～

入到去有啲年表咁嘅圖，心急嘅我，影咗兩張相之後就一支箭咁走咗入去睇化石，邊仲有心機同佢睇年表呀！

終於見到恐龍化石喇！

腳印都有？！

嘩！有得掂架呢舊，哈哈，好開心呀！不過唔知係咪真架呢？

跟住下面呢啲，我只係見到舊石上面有啲印，原來就係畫出嚟果啲生物嚟架！勁呀！

終於有企係度嘅恐龍骨喇！影呀影！

呢度仲有得印紀念印添呀！我都有印呀！

睇完恐龍骨仲有得玩遊戲添！勁多人呀，所以無排到。

睇完化石，睇返科學館嘅常設展館。好細個果陣嚟過一次，果陣時玩得好開心，所以一直都好想再嚟回味一吓，唔知係咪有啲嘢無咗，又有啲嘢係新嘅，真係都有好多嘢唔同咗。

我哋係呢個腦筋挑戰站都玩咗好耐。好多都唔識玩，玩都頭都大埋呀

！

以前個石磨同粟米磨真係可以磨架，而家無lur，可能而家啲人無公德心，搞到周圍都係，所以俾人封咗喇，好失望呀！

玩完一輪，去埋睇特別大隻嘅兩隻〔化骨龍〕。真係好好好大隻呀！

經過CANTEEN，好香呀，於是我哋就坐低食咗個ＴＥＡ喇！千祈唔好期望呢度啲嘢好食，不過行得耐真係需要食物嘅支援。

好快就行晒喇，其實都已經日落黃昏喇，係時候各自返家做節喇！去詢問處攞返我哋個半年證先(因為由俾錢到攞證要待２小時，走人時順便攞埋)。