太鼓の達人DS タッチでドコドン！

BANDAI NAMCO Games 宣布，將於 NDS 上推出知名太鼓音樂節奏遊戲系列新作《太鼓之達人 DS 觸控音樂祭！（太鼓の達人DS タッチでドコドン！）》，收錄任天堂經典遊戲樂曲，預定夏季推出。

《太鼓之達人》是 NBGI 音樂節奏遊戲代表作，以日本傳統樂器「和太鼓」為主題，結合多樣化的樂曲、簡單的操作與可愛逗趣的角色設定，獲得眾多玩家的喜愛。自 2000 年首度推出以來，目前已於大型電玩上推出第 9 代作品，並曾於 PS2、PSP 等平台推出家用版。

本次的《太鼓之達人 DS 觸控音樂祭！》是繼 PSP 之後再次推出的掌機系列作，也是 NDS 上首款作品，承襲各系列作一貫的內容，收錄橫跨古典、民謠、童謠、遊戲、流行與原創等多樣化的樂曲，並與任天堂合作，首度於家用版中收錄玩家們耳熟能詳的經典名作《超級瑪俐歐兄弟》遊戲樂曲。

除此之外，本作並加入眾多新遊戲要素，包括可以使用各種裝飾用道具替可愛的太鼓主角 阿咚 換裝，可裝飾的部位包括臉、身體、手腳、衣服、帽子等 5 個部位，讓玩家能替阿咚打造出各種逗趣的樣炕C遊戲也支援 NDS 的無線網路分享遊玩功能，只要 1 塊卡匣就可以讓 4 名 NDS 玩家連線對戰。

遊戲的操控方式目前尚未公開，預料將會搭配 NDS 的觸控螢幕特性來設計，詳情尚待後續分曉。

NDS《太鼓之達人 DS 觸控音樂祭！》預定今年夏季推出，價格未定。

超好味嘅日本玄米茶呀～～～ ( ＾ｏ＾ )

呢幾日喺公司好得閑，無乜嘢搞，於是成日飲茶，下邊呢包，又係我四月去東京時買嘅，真係好好味嘅！一沖出嚟，隔離位個同事都話好香呀！

除咗上次果包喺築地買嘅〔綠茶〕之外，仲買咗呢包。呢一包係最後一日喺〔新宿〕嘅〔伊勢丹〕落一層地庫買嘅。呢一層本身分咗幾個唔同嘅區別，一部份係賣便當嘅，有好多檔，有好多選擇，又靚，我諗啲日本人真係好鐘意食喇；一部份係賣和菓子，又係有好多檔，嘩！靚到根本唔會捨得食咗佢，包裝又靚，花多眼亂，所以無買。入返正題，地庫嘅一少部份係賣茶，我本身好鐘意飲玄米茶，看到茶已經衝咗埋去，見到玄米茶就唔理三七二十一，買！其實佢本身係散裝，一大個盒裝晒啲荼葉，每100g就500日元，咁我就要200g，我初時以為佢會袋入好佢就算，原來佢哋定咗一個袋就100g，所以要入兩個袋。等咗一陣，好奇怪佢將我個兩包茶放咗入個膠兜器皿入面，其實真係唔知佢做緊咩，佢一攞出嚟，眼前一亮，原來佢仲將我嘅茶用機真空處理及封口，個袋仲咁鬼靚添！

後面仲即刻貼返個〔賞味期限〕嘅貼紙，我覺得好新奇呀，counter 細細，設備齊全唔馬虎，日本呀！你真係一個好地方呀！

噴花

呢排學緊噴花甲，哈哈，都幾好玩，初初以為好易，原來都幾難控制，不過出嚟嘅效果都幾靚。
其實，支噴槍都幾重手呀，攞住係咁噴，隻手都幾軟架！個壓縮機仲重，次次返去上堂都拎嚟拎去，好重呀！
上面幅相係上堂嘅時候噴架，係咪都幾好咁呢！

NDS - Diner Dash

呢兩日開始玩個新game，Diner Dash。其實以前喺PC度玩過，都玩到停唔到手呀，所以今次玩都玩到停唔到手，好好玩架！

故事嘅大網係：
有一個女孩在寫字樓當一名文員，過著平平凡凡的生活，雖然繁忙得工作使得她透不過起來，可是也沒什麼好的辦法解決，突然有一天，女孩看到了一個即將售出的餐館，雖然這個餐館又破又小，可是畢竟可以當做自己的事業呀，就這樣一個美女餐館誕生了

……

要控制個女仔去安排啲客人嘅坐位、落單、上菜、埋單同埋執枱，仲要令啲客人唔可以唔開心，玩到後尾都幾難架！

攻略：

一、得分

開餐館的首要任務就是賺錢嘍，因為只有賺到了錢才能把餐館做得更漂亮，以吸引更多的顧客。在遊戲中，每一關都會有一個賺錢目標，只有達到了這個目標，才能有錢買新的東西佈置餐館，如果達不到的話就只好重來嘍……

每次為顧客服務，都會得到相應小費，以下就把所有賺到的錢換算為分數了。賺錢的方法有很多，例如：拿功能表、送菜、結賬、收桌子等等，都可以得到顧客的小費，當然顧客最後還要付用餐的費用，以下是得分一覽表。

點菜：20分
上菜：30分
結賬：50分
收桌子：40分
餐費：20分－120分（視顧客的滿意度而定）
上薯條：75分（第三關）
上麵包：100分（第四關）

二、加分（高分秘訣）

在遊戲中，假如重複同一動作的話，每次的加分都是成倍增加的。比如說，上菜的加分是二十分，那接著給第二桌上菜的話，加分就變成四十分了，如果連續上菜到第五桌的話，加分就變成一百分了，很划算的哦！不過薯條、麵包以及餐費因為是成本價格，所以不會分數翻倍的。

另外，讓客人坐與之相同顏色的椅子，也可以得到相應的加分的，第一次重複加100分，第二次重複加200分，以次類推。假如椅子被其他顏色的客人坐過的話，椅子以前的顏色疊加就消失了，椅子的顏色也會隨著客人的顏色而改變了。

因為，買單和結賬的得分最高，所以儘量把買單和結賬分開單獨進行，尤其在最後一撥客人離開後，先不收拾桌子，等所有客人離開後，一次收拾完畢，可以得到很多分數，往往過關就靠最後的這些撿來的分數^o^

三、顧客滿意度

每桌客人下面的“心”代表這桌客人的滿意度，當顧客等得不耐煩的時候，滿意度就會逐漸降低，而當玩家很快地滿足顧客的要求的時候，滿意度會大幅度增加。

十個“心”是最滿意的，低於三個“心”，顧客就會感到憤怒，當所有的“心”都消失了，那顧客就會生氣地離開餐館，玩家就會因此而被扣除分數。最後顧客付的餐費也是依據顧客的好感度來決定的

每離開一桌客人扣除的分數：

第一關：－500分
第二關：－500分
第三關：－750分
第四關：－1000分
視察員離開扣除分數：－4000分

在遊戲中有一些道具是可以增加顧客的滿意度的：

咖啡（果汁、啤酒）――每關的樣子都不一樣，但是作用是一樣的，就是可以拿給顧客喝，增加顧客的滿意度。缺點是：一次只能拿一杯，中間需要等一段時間。

招待機――從第二關開始出現的，去招待機旁去招呼等待的顧客，等到招待機的心滿了，可以提高所有等待中的顧客的滿意度，這對於有很多等待的顧客時，是很有用的呀。缺點是：需要耗費的時間比較長，而且中間不能做其他的事情，否則前功盡棄了。

薯條（麵包）――餐館越開越大，提供的食品也越來越多了，從第三關以後，顧客可以額外點薯條（麵包）。滿足顧客的要求，顧客的滿意度會大幅度提升，假如置之不理的話，好感度會下降很多，很可能會氣跑客人的。而且這種食品是單獨付費的，可比一頓晚餐賺得多，所有說一定要儘量滿足要求哦。

 

[溏心風暴] - 程亮死了

前晚同尋晚[溏心風暴]講到程亮同常在心之間嘅感情結局，講到常在心終於send咗封email俾程亮話原諒佢，但可惜程亮亦為咗常在心，日思夜想為她解決工作嘅困難，頻衝紅燈而最終撞車身亡，而未能讀取常在心嘅email。眼淺嘅我，真係喊到差啲收唔到聲。

曾幾何時，我一路睇一路鬧程亮賤格，仲講過如果我係常在心，我一世都唔會原諒佢。但隨住劇情嘅發展，佢哋兩個人之間由情侶變做朋友，再由朋友重燃二人嘅愛情出嚟，程亮願意係常在心背後精神同實際上無限量咁去支持佢，好難得，好珍貴，好感動，最後期望過二人開花結果。可惜劇情就係要呢段感情無花無果，程亮就咁死咗。

最最最感動嘅係，程亮死前一刻，不理傷勢，用盡最後一口氣，搵電話打俾常在心，話佢知自己幫佢搵到工作上嘅解決方法嘅一幕，真係令人好心痛。我無法想像如果我係常在心，我會點樣。

雖然只係電視劇，但世事何嘗唔係咁不能盡如人意咩？真係要珍惜眼前人呀！

但係人就係咁，唔珍惜，跟住後悔，之後又繼續唔珍惜，又繼續後悔．．．．沒完沒了！

公公，你安心睡吧

５月２９日的凌晨２：３０，公公離開了我們，公公像睡著的走了。可幸的，在他在生的說能對他說出我和他的回億；可恨的，我不知道他是否聽到。

公公，我應承了你會好好照顧媽媽，我會努力做好自己，一定做到。我記得你曾經同媽媽說過，要我比心機讀好ｄ書，我應承了你我會努力；在我近來面對如何已為大的壓力，原來在你的面前，是如何的輕。

我曾經想像過，你的離去對我的打擊有多大。原來發生的時後，如何都冇法控制自己的眼淚。在我長大的路程中，雖然相處的時間不多，但我對你是有莫名的深刻回憶。可能是你帶給了我們 - 我、家姐、嘉華、嘉偉 小時候很多快樂的回憶。雖然只留低很碎裂的回憶，很難重組一次是如何，但我仍然感覺到這種歡樂。你買的膠飛機、雪條、益力多等，還好像昨天買給我們似的。小時候什麼都覺得，有就有，點解會有這個問題，點會諗到。長大後，先明白到公公你係好愛錫我們，而我們又對你做過什麼呢．．．．不孝的我已然無法對你作出感謝，在最後的一晚，心裏有一句話是我很想講的，但冇講到，我果時只覺得你一定會起來的，但一切都太遲了。

由順利邨搬到錦英，我們４隻馬騮頭長大了很多，相處時間開始變得小了。

我仲記得每逄星期日一次＞每隔星期日一次＞每個月一次＞每年一次 -  去婆婆到，
細過的時候為了打機而去，長大很為了去而去，近幾次先真正為了你們而去，
人是長大了很多，但心智還是小朋友，這一樣希望你原諒我吧 ^.^.......

公公，多謝你～！

天真的我現在只能為你祈禱，希望你能去到一到永遠幸福、安樂的地方

天氣變幻無常

呢幾日，天氣變幻莫測，唔知點解，公公嘅病程亦好似跟天氣而變化，各人嘅心情亦因此起伏不定。就如四舅父所言，大家嘅心情就像過山車一樣，突然升得好高，又可以突然跌到好低。

前兩日太陽普照，公公精神也不錯，今天下起大雨，公公嘅身體情況就變得好唔理想。個天真係識得同大家開玩笑。

今日放學，去到威院已經夜晚11點幾，但我真係好想去睇吓公公，所以去睇咗一陣，我就走喇。見到昭昭嘅神態，我知佢好心痛，我都好心痛，其實我想係昭昭唔開心嘅時候，喺身邊陪住佢，但我無能為力，唔知點做好。我唔會明白昭昭呢一刻嘅感覺，我只想默默咁去支持佢。

謎 － 加勒比海盜：魔盜王終極之戰

今日返到公司，同個同事講開呢套戲，原來係有好多「謎」，希望我哋有朝一日可以解開呢啲「謎」！

謎１．　話說主角們見到海入面有好多因海難而死嘅靈魂，點解有啲係喺海度浮吓浮吓，而有啲又會一個人坐喺一隻船仔度呢，有咩分別呢？呢個係一個「謎」！

謎２．　點解海魔會突然死咗喺海灘呢？呢個又係一個「謎」！

謎３．　點解鬼船長會係八爪魚樣，而William變咗做鬼船長之後，又會同之前一樣咁靚仔，唔會變八爪魚樣呢？呢個又係一個「謎」！

謎４．　嗰個好有權威，喺九大海盜會議中，重申《海盜法典》好重要，而打扮又好似Jack (Jonny Depp飾)嘅男人，究竟係邊個呢？有人話係Jack 嘅爸爸，有人話係Jack嘅哥哥，究竟佢係邊個？呢個係一個謎！

究竟有無人可以解開呢啲「謎」呢？

水晶法式甲

尋日幫我個friend整法式水晶甲，因為佢今晚要去飲。
哈

！我諗我要幫佢整多啲練習吓！

加勒比海盜：魔盜王終極之戰

尋日終於都睇咗[加勒比海盜：魔盜王終極之戰]喇！好開心呀！等咗好耐喇！不過，就無第二隻咁吸引，咁緊張。可能期望太大喇！不過仍然係好戲，尤其係Jonny Depp喇！I'm Lovin it!

 

第二天日本東京涉谷．原宿．池袋自由行 (25/4/2007) - 總結

等我總結一次第二日係涉谷．原宿．池袋嘅行程同費用先

09:30　新宿去涉谷－JR車資　　　150X2
09:40　涉谷早餐　　　　　　　 　880
10:50　claire's耳環/傘/頭飾　　  　1570
11:30　UNI-QLO衫　　　　　     　6890
12:00　ASBEE波鞋　　　　　    　7935
　　　  夾公仔　　　　　　　     　900
12:30　涉谷去原宿-JR車資　 　      130X2
　　　  原宿Pan-cake　　　        　380
13:15　shoku-raku-en糖果　　       376
14:20　KiddyLans龍貓手信　　      472
　　　  HelloKitty　　　　　       　6562
15:15　JeansMate衫　　　　　      8190
15:30　原宿去新宿-JR車資　　　　130X2
16:30　新宿西口午餐-咖哩飯　　 　1280
17:00　新宿去池袋-JR車資　　　    150X2
17:00　池袋SanrioHelloKitty　　    2205
18:25　AnimatePostcard/手信　 　 891
　　　  JeansMate牛仔褲/袋　　 　15435
  　　　夾公仔2　　　　　　　　　400
  　　　扭蛋x2　　　　　　　　  　200
  　　　大八爪魚丸　　　　　　　  385    
　　　　　　　　　　　        Total:57771(日元)

 

是日午餐 ( ~ o ~ ) [媽咪愛心上海粗炒]~~ 一番。O~ I~ SHI~

今日我嘅午餐(飯盒)係：登登登！[媽咪愛心上海粗炒]

睇落係咪無咩特別呢，不過係媽咪第一次整呢個菜式呀，無師自通，值得嘉許呀，因為好好味呀，唔好睇啲粗炒無街果啲深色呀(只不過人家果啲係加咗色咋)，不過就好夠味呀，仲有我哋最鐘意嘅[蟹柳]添呀，街無得食架！嘻嘻！

食咗咁大兜粗炒，都要飲返杯茶，以下出場嘅係：
登登登！日本[綠茶]

如果心水清，應該會記得呢包茶其實喺我之前其中一個blog有出現過，不過超細粒，因為喺我去[日本][築地]其中一樣戰利品呀！我喺公司嘅時間仲多過喺屋企，所以放喺公司得閑享受吓。好唔好味？o~ i~ shi~，鐘意綠茶嘅朋友，去[築地]嘅時候記得買返包嚟試吓喇，一包都有排飲呀，有成250g架！

一個咁休閑嘅lunch又結束咗喇！

竟然去咗食[元氣] ( - _ - )!

尋日，chiu san好想食壽司，於是我哋就走咗去價錢大眾化嘅[元氣]食。已經喺日本食過好嘢嘅我哋，對佢已不太大期望架喇，但估唔到個結果.....

一坐低，chiu san就攞咗佢至愛，[玉子燒]壽司，呢個都ok，不過不失，話晒都係熟食。

跟住梗係我嘅至愛喇，老實講，我係第一次食[三文魚]食唔到佢有味囉。但喺咁多件壽司入面，佢已經係最有魚味同最有光澤喇！

[蟹籽]壽司，亦都只係不過不失，要一提嘅係，啲醬油好咸，完全係食醬油，唔係食魚。

跟住chiu san想回味一下喺新宿[北澤俱樂部]嘅帶子壽司，於是就攞咗呢個[帶子]壽司，OPPS~~~~呢度兩件先等於人家一件，味道就.....都係唔想講。

最後，都係要叫呢度最出名嘅[軟殼蟹手卷]，幸好呢個還有好嘅水準，全靠呢個，我哋終於都有啲嘢到肚喇！

最後我哋又叫咗一客[八爪魚]壽司，OPPS~~~啱啱喺冰箱攞出嚟一樣....食到無晒心機。於是我哋決定埋單走人。

雖然只係百二蚊埋單，但仍覺得好唔抵。結果，我哋就決定以後唔去[元氣]，因為我哋認為壽司並唔係咁樣，壽司最緊要係新鮮。

為食嘅我哋，食過好味嘅嘢，就食唔返平較平凡嘅嘢，還記得，好耐之前，我哋仲覺得[元氣]好好味，睇怕以後都幾難好有咁嘅諗法喇！

祝公公身體日益健康 壽比南山

24/5/2007　晴

chiu san 公公身體一日比一日好，醫生話，公公好叻，康復進度超出佢哋嘅預計，已經可以自己呼吸四成，儀器只輔助五成，所以有信心公公可以用一部唔使插喉嘅輔助器呼吸。終於，喺各子孫嘅靜候下，公公拔咗喉，以面罩形式嘅輔助器呼吸。喺呢一刻，每個人面容立即鬆容了。

公公可以講嘢同飲水喇，佢嘅精神都好好呀，我同chiu san入去睇公公時，佢好精神呀，仲好開心咁捉住我同chiu san隻手，我諗係佢自己都好開心，知道自己係好咗好多。

希望公公良好嘅進度會一直維持。祝公公身體日益健康，壽比南山！

日本紙巾

喺日本，啲人真係好鐘意派紙巾，周街喺度派，如果係派錢就好喇

！我見到佢哋派，我都會攞架，因為佢哋派乜都好，總會係笑容滿面，朝早派，佢仲會同你講〔日晨〕，咁當然係日文喇，我會好樂意接受，而且仲有紙巾用添！總之就好好禮貌；同香港果啲比，好似你欠咗佢咁，黑口黑面，將啲傳單〔界〕埋你隻手到，擺出一副〔你唔攞就係你唔啱〕咁嘅樣，咁樣就係人都唔攞喇！

上個月去日本時，就係有呢種感覺，所以喺日本都有攞佢哋派嘅嘢，有啲無乜特別嘅已經用咗喇！而家就留返兩包喺度！

下面呢包呢，係喺〔築地〕時，喺駅附近有個叔叔派架，係一間籌司店嘅宣傳，雖然唔會去呢間店到食，但當然作一個紀念都唔錯吖！

如來除咗一般日本街頭會有紙巾派之外，日本嘅政府有會用呢一招架喎，我哋去到成田機場準備返香港，過咗關之後，工作人員會立刻派包紙巾俾你，哈！原來係要話你知有咩唔可以帶入境，有咩要檢疫等等。但唔知點解係喺我出境嘅時候先派俾我囉？？啲紙巾咁得意，邊會捨得用吖，睇完又留嚟紀念囉！

牙仔又唔痛喎~~

想點呀..今次吃左panadol 又唔痛啦喎~~係唔係玩先???
係唔係知道我要去牙醫殺左你先知驚唔痛先??
呀.............訓左冇2個鐘.....今天仲要返學....

牙痛 = 發燒

嗄......冇端諯隻智慧牙出世......出世還出世，仲乜鬼要撞隔離隻牙仔喎！話晒隔離隻牙仔都係你大佬呀！冇大冇細！仲搞到我成晚訓唔到！
而家我可以見到隻新牙仔個頭係ｄ牙肉裏出左來，但係要用牙籤  "了" 開ｄ牙肉就清楚見到，
最初白色一塊以為係 "飛知" ，點知一督落去係硬的-----------係牙仔來咖！
跟住再搵個痛源，發現大牙仔同新牙仔之間，有一個地方硑撞了，再督落去痛到呢~~~~！
所以懷疑就係呢度打緊交，跟住再睇下仲有冇其他地方痛啦，結果係條利隔離的牙肉，
如果督落去的話，真係痛到呢！！！！！！！！！！！！！

點算.....好眼訓.....但係痛到訓唔到>.<！我都出名係欄訓，點知會搞到我訓唔到喎！
呵......本身放工果時，vyvy 大人買左panadol 比我吃，第一次吃果時的確止到痛，但跟住就不見其效，現在係4:16am，唯有試下去訓啦......明天一定要睇牙醫啦～～好貴呀!!!鳴...........

NDS 新GAME呀！

嘩！有新GAME呀！未有得玩，睇住相先！

有分男仔版同女仔版喎！

好似好得意咁喎～～～

好想快啲有得玩呀！

http://www.s-f.co.jp/soft/ds/dekitayomama/ 

New Super Mario Bros

尋日，行街經過有扭旦，見有得扭NDS筆喎，我又想要一支，咁就用咗十蚊扭。

點知扭咗呢條魚，佢叫pukupuku，我都唔識佢....好過無喇！

第六天 - 日本東京 - 東京 成田機場 香港 (29/4/2007)

終於都嚟到日本之旅嘅最後一日喇，我哋係呢間五星級豪華酒店瞓咗一晚，加上自己已經攰到不得之了，第二朝舒服到唔舒得起身，但始終都要起身喇，因為10:30酒店有巴士載我哋去機場。

一起身，俾眼前嘅景象吸引住，嘩~原來我哋間房對住嘅係一個一望無際嘅海呀，嘩~人都癲呀，靚到無法形容呀，一片藍天碧海，咁大個女真係第一次見。(只係我見識少

)

望落去酒店地下，一片園林美景，好舒服呀！


望過啲，就有啲酒店設施，環境優美呀！

個泳池正到呢~~~不過唔好睇出面陽光普照，其實好凍，絕對游唔到水架。

睇睇吓，另一邊有舊雲喎！

噢~~唔係雲嚟架，原來係富士山呀!!!!!哈哈，我哋真係好彩呀，無去富士山都可以睇到富士山，賺晒喇!!!!!

梳洗一番之後，落去食早餐，免費嘅，好多日本人係度食呀，因為佢哋多數都係喺度住一晚，食完早餐之後，就去迪士尼玩，所以好多人呀！食完，我哋再周圍行吓(只限酒店內，因為出面好涼)，呢度有個教堂仔，俾啲新人喺度行禮架，我都有想像過將來我同chiu san喺度行禮嘅情況，哈哈，好感人呀！但無可能喇！日本太遠喇！

參觀完，就搭巴士去成田喇，我哋係坐港龍機15:30起飛。

去到機場，又周圍行，仲有幾千日元，梗係唔放過任何shopping嘅機會喇。又俾我發現好多hello kitty嘅限定版，掃咗少少咁喇，又買咗啲草餅咁喇，嘻嘻！滿載而歸！諗起我哋仲未食晏，於是去搵嘢食，我哋去咗一間可以面對停機坪嘅餐廳。好失落咁食埋我哋喺日本最後一餐。

點解咁快最後一餐！我唔走呀！
呢碗係我嘅，我堅持，我堅持最後一餐都要食拉麵。

chiu san食意粉~~~超細碟，佢一早應該同我一樣堅持，咪唔會咁細碟囉。

日本最係一張相照。笑吓喇....不過真係好唔拾得同埋好攰呀~~~~~

上咗機喇，今次真係要走喇.....


飛起咗喇，回望日本國土呀，好唔捨得呀，淚水就快要走出嚟喇！


就咁，日本就咁慢慢我我嘅視線範圍消失喇.........

呢個就係我哋旅程嘅最後一幕喇，港龍飛機餐一份。