今日返到公司，同個同事講開呢套戲，原來係有好多「謎」，希望我哋有朝一日可以解開呢啲「謎」！
謎１． 話說主角們見到海入面有好多因海難而死嘅靈魂，點解有啲係喺海度浮吓浮吓，而有啲又會一個人坐喺一隻船仔度呢，有咩分別呢？呢個係一個「謎」！
謎２． 點解海魔會突然死咗喺海灘呢？呢個又係一個「謎」！
謎３． 點解鬼船長會係八爪魚樣，而William變咗做鬼船長之後，又會同之前一樣咁靚仔，唔會變八爪魚樣呢？呢個又係一個「謎」！
謎４． 嗰個好有權威，喺九大海盜會議中，重申《海盜法典》好重要，而打扮又好似Jack (Jonny Depp飾)嘅男人，究竟係邊個呢？有人話係Jack 嘅爸爸，有人話係Jack嘅哥哥，究竟佢係邊個？呢個係一個謎！
究竟有無人可以解開呢啲「謎」呢？
沒有留言:
張貼留言