第三天 - 日本東京 -東京迪士尼 (26/4/2007) 之二

入去喇入去喇！啲日本人唔知點解，一入閘，就跑跑跑，好趕架，於是我哋又唔知點解又跟佢哋跑跑跑。

係香港迪士尼，想同迪士尼人物影相，要排隊，好浪費時間，所以無乜點影到，係東京，唔使排隊，見到佢，你走埋去，佢就會同你影相。於是一入去，[鋼牙]已經係度同大家影相，於是我地就不顧一切咁，走埋去同佢影咗一張相喇！嘩！好開心！好興奮呀！雖然我唔係鍾意迪士尼，但迪士尼就係咁神奇，可以令到我好開心，好興奮！

跟住又有一個小矮人，唔知佢係邊個，唔理咁多喇，反正我都鍾意[雪姑七友]，影咗先喇！YEAH！！！！

喺個[世界市集]入口影返張相先！

呢度就係[世界市集]喇，有頂架！嘩，好多人入緊嚟呀！我哋都要快啲行先至得喇！

係咁好嘅陽光下，見到咁靚嘅[睡公主城堡]，更要留影喇！你睇CHIU SAN幾開心！

呢度啲SHOP都一樣咁靚喎！

跟住落嚟，我哋又襯唔係咁多人，即刻跑去玩[巴斯光年的星際歷險]！最衰入面唔影得相喇！

喂！巴斯，你好嗎？

玩完[巴斯光年的星際歷險]，我就發現我唔見咗張PASS，OHHH~~點算呀，好有紀念價值架！搵呢搵去都搵唔到，肯定係一入嚟掛住影相，跌咗都唔知喇！正當我失望之際，有個迪士尼嘅工作人員走埋嚟問我咩事，我話佢知我唔見咗張PASS，佢就好好人咁話我知，我可以去補領返，唔使錢架！YEAH！即刻放下心頭大石，本來想即刻去攞返，點知見有樣野無乜人排隊，唔使等，不如玩咗先，反正唔急！於是我地係唔知玩咩嘅情況下，入咗去等，開始先知，原來係睇戲嘅，呢度係[微縮世界探險]。嘩，原來真係可以好真實，呢啲好似係叫4D呀，載咗佢哋提供果副眼鏡，啲嘢好立體，真係好似身處其中咁，又真係好似有好多老鼠係我隻腳走過咁！正呀！


玩完，係個佈景版度影吓相先！


之後我地就走補領返張PASS，跟住又跑返去繼續玩喇。依然係喺[明日世界]，最可惜係[太空山]維修中，無得玩，真係幾失望架！

於是我哋就去咗玩[星星火箭]，即係呢架↓

本來係上面係唔影得相，我地偷偷地影咗一張，勁呀！你睇chiu san幾興奮！好少見佢笑到咁開心呢！

玩完，見到頭飾，又走埋去試載，不過唔拾得買，同埋買嚟好似唔係有用，我都唔係鍾意迪士尼公仔。於是又放返低。

跟住我地當然又跑去玩第二樣野喇，就係我身後嘅[大賽車場]喇！自己玩一架車，yeah！！

.....待續