第二站就係原宿。我哋又好快咁去坐JR山手線由涉谷去到原宿，唔知點解，唔係返工放工嘅時間都好多人喺[駅]度。
嚟到原宿，就會見到多啲身穿校服嘅學生。係竹下通出口出，一出原宿駅，梗係第一眼見到竹下通呢個招牌入口喇！行咗入去無耐，就見到原宿好出名嘅PAN CAKE店喇，仲要係有兩間添，其實係相嘅左手面仲有一間架，不過我見呢間係粉紅色咁靚，又好似比較多人幫親，就揀咗呢間喇！我哋食咗一個係士多啤梨朱古力味架，好好味架，連個PAN CAKE皮都係甜甜哋架！
好緊張呀，即刻過馬路去行吓。竹下通入口同原宿駅就只係隔開一條馬路，好方便耶！正當我準備過馬路之際，俾我哋見到....，梗係嚟個偷影喇！
行咗出去竹下通，就走咗去搵表參道喇，其實表參道啲嘢唔係好啱我地行，但一場嚟到，梗係要嚟睇睇喇！我地就嚟到呢個OMOTE SANDO HILLS喇，都係參觀一下咁啫！致在留底兩條腳毛係度咁囉！
睇吓我買咗幾多嘢，咁大個女都未試過一早買到咁多嘢，好開心呀！
跟住我地又行返出去表參道，有間KIDDY LAND，有好多精品，當然包括我最愛嘅HELLO KITTY喇，即刻入去搜括返啲喇，仲順便買埋龍貓手信俾細佬。跟住又返去竹下通到，買下衫咁，就準備向下一個目的地出發喇！
呢度係OMOTE SANDO HILLS嘅後街，連後街都咁靚喎！
跟住我哋行咗入去裏原宿入面，[巡視]一吓我地嘅業務，哈哈哈，咁諗會開心啲。呢度啲舖都幾靚架，唔影相都唔得喇！
呢間舖專買[箸]用品，好別致架，但我哋無買到，因為係香港，屋企人唔會同你用筷子托，所以欣賞咗一輪，空手而出喇！
由於買HELLO KITTY買得太開心，又仲係落緊雨，又心急去下一個地方，又唔記得影相喇！唉~~~
沒有留言:
張貼留言