慶祝last day at UCC

離開公司門口，有種莫明嘅開心，哈哈，以後都唔使再理啲不知所謂嘅嘢喇！於是chiu san又同我去慶祝一下。梗係佢最鍾意嘅UCC喇！明天開始新一頁喇！期待呀！

Today: Yesterday:

Last day in Hongkong Post

係最尾一日，如常一早返到公司做我最憎做嘅報紙，不過今日有啲特別，因為我有豪同事送我一份麥早餐，哈哈，好飽足呀！

 

 

另外有同事送咗盒我最鍾意嘅日本士多啤梨，係日本嘅，美國嘅我唔鍾意架！哈哈！我係日本怪呀！

 

Lunch 之前，我拜託豪同事陪找去惠記買咗啲雜糧俾大家食，呢日個天都為我走得甩而流淚。哈哈！我咁大個女都未識過一次過買咁多零食呀！

 

Lunch ，有最後一個farewell飯局，今次係同其他section嘅同事食。

晏晝，我就開始得閑喇，開始同其他未知我走嘅同事道別，佢哋大多都話我點解唔早啲講佢哋知，要同我食飯呀！哈哈，我就係唔想大家破費嘛！

 

仲有呀，ella送咗把kitty 遮俾我呀，好靚呀，一直以來我都唔捨得買嚟用架！

咁樣，就結束咗我係香港郵政7年嘅生活喇！

Today: Yesterday:

甘味鳥冬

今日chiu san要補堂，上佢呢個team最後一堂，4:00放學之後，我哋去咗沙田食飯，之前聽人講西田嘅甘味烏冬好味，於是我哋就去咗試下。

我哋叫咗佢所謂嘅人氣之選，chiu san呢個係蟹肉烏冬，不過啲触肉好勁雪味。

我係叫咗豬軟骨烏冬，chiu san話啲豬軟骨味呀！不過，我哋就覺得啲烏冬都係赤丸好味啲，呢度無咁彈牙架！

之後，chiu san仲陪我行咗一陣街，仲買咗兩件新衫俾我返工呀！好開心呀！chiu san仲應承我佢考完試再陪我行街呀！真想快啲到4月13日chiu san考完試呀！

Today: Yesterday:

攝影 功課一

得到查小姐嘅指導，開始學習影相喇，而家交功課先！

首先主角係kitty，一張全身嘅！唔小心影埋隔嚟隻唐老鴨。

跟住，嚟一個大個

再嚟另一個角度嘅大頭！

既然影到隻唐老鴨，就影埋佢喇！先嚟個正面全身

影埋佢唔同嘅角度喇！

我自己就幾鍾意下面呢隻，影埋佢個影，好特別咁！

波都影一下先。

不過唔知點影個波嘅close up！

再嚟kitty。首先係正中正面全身

右下角正面全身

一連串close up

可惜都唔知自己影咗啲乜，俾啲意見呀！

Today: Yesterday: