今日，我幫blog友 yo yo做甲，首先要多謝yo yo嘅欣賞找我做甲，希望佢滿意喇！
今次 yo yo 揀咗 法式甲 + 五瓣雕花 ，佢鐘意清清哋嘅款呀！
本來yo yo之前做咗gel 甲，因為我怕拆gel甲，所以叫yo yo之前拆咗先，yo yo好好人，之前去拆咗先，但當我一睇佢對手，似乎除咗面頭果啲色，成層厚底gel仲係度，仲拆到一忽忽，於是我又要幫佢拆，早知係咁我就唔叫佢出去拆喇，仲要用佢多咗錢，十萬分唔好意思呀！於是由拆甲 (我用銼拆咋)，加埋整成套甲，就由3:00 整到 7:00。用咗4個鐘
要多謝 yo yo俾咁多耐性俾我整。還好她似乎好像很喜歡那五瓣花呢！
仲有呀！yo yo個BB好可愛呀，係超可愛至啱，係一個愛笑嘅肥BB呀，連我佢都會跟我傾偈、跟我笑。玩咗一陣BB，我覺得我賺咗好多呀！
yo yo，你都就嚟開始學甲喇，雖然我唔係高手，但如果有唔明嘅地方，你都可以問我架，我會盡力解答你架！
合計:         |
沒有留言:
張貼留言