近日，我發現自己肥到同一個生咗幾個細路嘅師奶嘅標準身型無乜分別，影相個樣越嚟越衰，衰到自己都無辦法接受，為咗令我係日本之旅嘅相好睇啲，我又要開始減肥大行動喇~~~
有相為證架！肥到咁，好肉酸，所以post呢張出嚟，警惕住自己唔可以再係咁！
今次，我放棄以往用食嘅方法去減肥，因為我實在太鐘意食喇，要我唔食得呢樣又唔食得果樣，太辛苦喇！我今次決定做運動！
其實我開始做運動已經差唔多有一個星期喇，初初我每日只做呼拉圈，但就做足30分鐘，唔做開運動嘅我，己經好苦架喇！但只做咗2日，chiu san就話覺我條腰無咁肥
經chiu san建議，我每日做埋提腿動作，每日都只係30下，遲啲諗住慢慢加下數。就咁我而家就好勤力咁係屋企做30分鐘以上嘅運動喇！
最開心嘅係，今日我有個同事問我係咪瘦咗，佢話我個pat瘦咗呀！嘩！好開心呀，因為佢係唔知我有做運動減肥嘅情況下，都覺我瘦咗，勁開心呀！
嘻嘻！既然有成果，我要繼續努力！減多啲，到去日本嘅時候影啲相靚啲先得！
09東京之旅預備篇之 ANA - Smart Check-iny講過可以上網check-in揀機位, 我終於證實咗係得架~~~~
步驟1: 去返ANA嘅website http://www.anaskyweb.com/hk/c/index.html, select 下圖紅圈位置, 開始我嘅網上check in喇~
步驟2: 入到去, 再按下圖紅剪咀所示位置, 如果想知多啲資料, 可以按 [For Details]
步驟3: 入到去要login先做到checkin手續 (如下圖), 有分member 同 non member, 咁我當然係non member喇~~ 照指示做, 好簡單咋喎~ 不過入名嘅時候, 記得唔好有space位呀, 我就係有space位, 試咗好多次唔得, 經同事提點我先成功login咋~~~
步驟4: 成功login後, 己經好smart咁見到我同chiu san個名係喺一齊, 確定資料無錯, 按[To e Checkin] 喇
步驟5: 入到嚟呢度, 我心情超興奮呀, 自己可以揀位呀, 感覺超爽呀~~~ 我當然揀咗個唔係機奕位嘅window seat 喇, 嘻嘻!揀完按[Next]
步驟6: 跟住入埋email, 掂~
yeah, 完成~~ 好開心呀~~
有好多地方想去，可惜得8日，好辛苦先draft到以下8日可以分配到嘅行程(並不順日子)。
1. 迪士尼
2. Hello Kitty Land + 池袋
3. 新宿
4. 原宿 + 表參道 + 青山
5. 橫梹 + 涉谷
6. 吉祥寺 + 下北沢 + 淺草
7. 代官山 + 惠比壽 + 六本木
8. 上野 + 東京 + 秋葉原
其實我想一日最多去三個地方，其實咁樣都好趕吓，要再諗諗。
距離我哋嘅東京之旅雖然仲有74日之久，但我已經開始為呢個期待嘅旅程作出準備。(11 Jan (日) 出發，18 Jan (日)回程)
我一向都為咗唔知幾點去機場而煩，又想坐窗口位，又唔想咁早到機場，因為我哋坐零晨機嘅，星期六都仲要返工架，放工返屋企執下嘢食吓嘢，又要休息吓先出發好啲架嘛，因為落咗機，有排先可以有地方休息架嘛！
好彩而家科技發達，可以網上Smart e Check-in，我坐ANA架，我上到 http://www.anaskyweb.com/hk/c/index.html，咦！都有呢個服務架喎！太好喇，當我e Check in 之後，仲可以揀位架喎，哈哈，太好喇，唔使再為幾點到機場而煩喇！不過啲機票係chiu san度，等我問佢攞返啲資料後，先確定到係咪真係可以咁方便！
我仲發現只要我係網上Smart e Check in 之後，只要print個2D Code 出嚟，到時去到機場只要去 ANA 嘅自助櫃位 scan 個2D Code，就可以攞到個登機証架喇！嘩！好方便呀！
真係期待74日之後嘅日子呀！
26 Oct 2008 (Sunday，晴)
我、chiu san同埋我公司嘅KT大人、美眉一齊去慈善步行，去米埔大步走呀。哈哈，好開心呀，我咁大個女第一次去米埔呀，所以好興奮呀！而且每個參加呢個大步走係都要搵500讚助，又做善事，又有得行，一舉兩得呀！
呢度啲風景真係好靚呀，靚到唔係好相信自己係喺香港呀，好外國feel呀！感覺好舒服，雖然好曬，好熱，烈日當空，成身汗呀，但勁好feel呀！
哈哈！係呢度以為自己係荒野、沼澤呀！哈哈，勁開心呀，我哋好似大鄉里出城咁，係呢個咁靚嘅大自然勁影相呀！
有時會有呢啲清幽小徑，好舒服架！不過好小昆蟲，我都好驚架！話說大會整個行程嘅原定時間係大約2小時，但我哋行咗2小時，因為掛住影相嘅關係，只係行咗無一半嘅路程，哈哈！唯有剩下嘅行程，行快少少喇！
除咗勁靚嘅大自然景色，好多好細緻嘅都好靚架！啲花，靚到好似假嘅一樣，仲有嘅好得意嘅果實，仲有好多好多，影咗好多呀，放唔晒上嚟呀！
雖然行得好慢，好攰，好熱，好曬，但一路行，美眉不停發笑彈，連chiu san都俾佢引得捧腹大笑，所以不經不覺3小時我哋就行畢整個行程喇！
平時唔做運動嘅我，行得都幾辛苦呀，但我好想再親親大自然，去行多啲呀！要計劃下次嘅大自然步走先得！
Hello, 好耐無寫blog喇, hehe 有好多想寫返呀, 而家手又未好返, 屋企電腦又打柴未整好, 有排先追得返晒呀!!!!
講返尋日先, 我同我同事冰妹去咗做免費facial, haha 我咁大個女第一次去美容院做facial咋, 係咪好多人都估唔到呢, 今時今日都仲有女仔咁唔顧自己個樣唔去做facial.
其實我好懶架, 又唔願花錢去做喎, 所以一路都無呢個習慣, 有時諗, 食咗去好過喇~~ 今次去做, 全因為"唔使錢".
話說上個星期有個電話打嚟, 話有免費facial做喎, 我都諗咗一陣, 好喇, 試吓喇, 反正唔使錢, 我仲問可唔可以叫埋我個朋友一齊免費做, 對方話可以喎, 就梗係一齊去, 以免佢勁sale我哋吖嘛, hehe~~~
於是, 我哋就去咗旺角享受免費嘢喇~~~yeah, 原來好舒服架~ 我仲瞓著咗添呀~~~ 之後, 我哋成功無俾錢走人, 哈哈~~
原來咁舒服架喎, 我都要諗諗去做吓facial變靚啲先~~
星期6渡過了6小時急症室日子後,終於見到DR
他說vy大人的手根內起左水泡,可能要做小手術
不過一切都要骨科決定,於是轉介了骨科
但因為假期,要等到星期一先可以知幾時先有得睇
我的經驗,點快都要差不多半年.....嗄~~~
去完日本返來都未必有得睇,希望有轉機啦
10.1國慶日，對我哋嚟講，無乜特別意義，但多日假期，實在好開心。仲要係星期三，返兩日放一日先再返兩日半，呢個星期實在舒服得多喇！
我哋無乜特備節目，但去咗荃灣食我哋最愛嘅米線，都好幾個月無去喇，再食返都係咁好味呀！不過食咗咁多次，無影相喇。
食完米線，我哋又返咗沙田喎，哈哈，我哋坐架巴士返到禾輋村，原來我哋好耐無嚟呢度，係呢度我仲諗返以前我細個係度返稚幼園嘅嘢，好似唔係過咗好耐咁喎，哈哈！
其實呢頭都無咩行，我哋最後都係返咗新城市行，仲俾我撞見我表姐同佢個契女BB，個BB好得意架，我梗係發揮我金魚姐姐嘅本能，抱咗一輪喇！哈哈！(張相執過吓嚟，嘻嘻，你哋睇唔睇到執咗啲咩呢？)
至於晚餐，我哋去咗食素呀！(用手機影嘅，所以啲相衰咗少少)
好味呀！
