今日下畫，有個電話打嚟
一開始，佢想我send返啲相俾佢哋，梗係無問題喇！我每次都會影底啲相做profile架嘛，俾返佢哋當然no problem喇！跟住佢就同我講，佢會兩年後結婚呀！恭喜晒呀！到時想搵返我幫佢化喎！仲話如果到時我換電話號碼或聯絡，一定要話返佢知咁話！
我真係好開心呀！經過上個星期一個不開心經歷，我一直耿耿於懷
2007年11月30日 星期五
2007年11月29日 星期四
四周年紀念日
今日係我同chiu san拍拖四周年呀，但因為今晚我要返學，所以我哋尋日就
返工，我哋喺尖沙咀等埋一齊去旺角，我放工嘅時候，係中環爭取時間，去GODIVA買咗小禮物俾chiu san。
呢啲就係chiu san嘅小禮物喇！
你睇chiu san收到幾開心，笑到見牙唔見眼呀！
仲好心急即刻拆嚟食添呀！
跟住，我哋就坐巴士去咗旺角食「峰」壽司呀！我哋最愛食日本嘢呀！好好味呀！
好開心呀！跟住我哋就去咗影我哋一年先影一次嘅卡片相呀！
由我哋認識第一年開始，我哋都有影架，希望呢個習慣，可以年年都繼續，直到我哋頭髮斑白。
係影卡片相嘅時候，俾chiu san發現咗佢最鐘意嘅relax bear呀！佢即刻抽咗個呀！不過扭嘅時候有小小阻滯，個蛋蛋係10蚊嘅，要入兩個五蚊，但我哋入咗好多次，佢都嘔返啲五蚊出嚟，最後，仲食咗我哋兩個五蚊添，咁唯有叫人喇！好彩，個staff好似一早就知啲機有問題咁，佢check都唔check，就開咗架機，任我哋揀。哈哈！好彩姐！
呢一日，真係好開心呀！咁快就4年喇！其實好似好快，但感覺又好似已經好耐，一齊經歷咗好多嘢咁。哈！好矛盾呀！不過最開心嘅係，我覺得我同chiu san好似越嚟越sweet
沙田 金沙西日料理
2007年11月26日 (星期一)
呢日因為媽咪有好節目，同啲師奶一齊去大澳，所以無煮飯，於是我哋就約埋係沙田 金沙西日料理 食晚飯喇！亞妹話幾好味喎，又試吓先！
我哋一人叫咗一個set，每set有魚生，日式蒸蛋，菜沙律，一個面或者飯，同埋一球雪榚。
就係呢三片魚生喇。唔可以話好好食呀，不過好過無咁解喇！
個蒸蛋係唔錯呀！
呢個係我細佬個餐碗海胆魚生飯，佢個餐成七十幾蚊架，貴就貴咗呢個飯，不過得三片海胆，又唔新鮮，啲魚生又舖唔晒啲飯。我一定唔會再order。
呢杯雪榚，我無食到，因為太飽喇，俾晒我細佬食。哈哈，佢發育時期嘛！
總括而言，啲嘢食好一般，我唔會再去囉。不過難得一家人齊晒人坐埋一齊食飯嘻嘻哈哈，係幾開心架。我哋一路食，一路講我哋細個啲趣事，真係笑到眼水都出埋呀！
2007年11月28日 星期三
不愉快的星期六~~by vy
上個星期六，我都仲未病好，但因為一早約咗個準新娘去試妝，咁病都要去架喇，何況化新娘妝係我最鐘意做嘅事。
本來約咗6:30係尖沙咀試，佢6:30先打嚟話要遲啲到，啱啱先放工，唉~ 咁無計，咪叫佢快啲嚟囉。佢差唔多7:20分先到，真係大失預算呀！佢去到尖咀話唔識路，諗住問佢喺邊度，着咩色衫，去接佢喇，佢又發晒脾器咁，都唔知佢想點，地址佢一早就知架喇，又話呢樣又話果樣，唉~ 搞到差唔多7:30先開始化。
遲咗成個鐘，梗係要更加快手喇！一開始，諗住先試褂妝頭，問佢想點整，佢話唔知呀，我問佢係咪要淡淡的，自然嘅，佢話係。好呀，都預咗佢答咩都唔知架喇，大部分都係唔知自己要咩架喇。咁我咪化個淡淡嘅妝俾佢先囉！
其實大家都明白，唔係所有新娘都好似medol咁靚架，因為係女孩子都會做新娘架喇，所以我從來都唔會嫌個女仔難唔難化，而且待嫁嘅女孩子係最美嘅！
可惜，我第一次覺得佢唔靚，點解？化到差唔多成個妝嘅尾聲，即係對眼，佢本身唔係話好精靈果隻，有少少腫，本來淡淡嘅黃色，已經好靚(我覺得喇)，佢本來都無意見，點知佢老公個家姐，一行埋嚟，就豪不客氣，勁串咁講一句「嘩！唔得呀，無色嘅！」我解釋俾佢哋知，日妝係淡淡哋，佢又話要自然，所以咪咁化囉！佢家姐又話「都無理由淡成咁！」我無好氣呀，而家都唔興成塊面七彩喇，咁娘，咁問佢想要咩色又唔知，同佢解釋佢唔用得粉紅呀，紫呀咁，又唔出聲。唉~ 幫佢轉色都轉咗六、七次，最後都係要鮮黃鮮綠。即係老遠都知你化咗眼影個隻。其實佢唔係話眼耳口鼻都好靚嘅女仔，咁當然唔會想好突出去化唔太靚嘅地方，佢又話要好紅嘅面，要我加紅佢。又嫌我隻唇膏唔夠紅，又唔同我講，佢哋自己係度話當日唔用我啲唇膏咁話！
都算喇！我已經好辛苦喇！既然同意咗隻眼，就set 埋個頭喇，著褂，係要比較端莊，咁我又幫佢set 晒一頭長髮上去，佢自己婚妙都方便啲。其實set完都預咗佢唔鐘意，再等佢俾意見喇！問佢邊度唔好呀，其實點呀？佢又唔出聲，俾書佢睇，都搵唔到佢想要嘅！我又不停set咗5-6個俾佢睇，無一款鐘意！又係黑晒面咁！唉！又話要放啲落嚟遮包包面，放咗落嚟又話放落嚟唔放便著褂，又呢樣又果樣，全程黑面。後來佢搵到雜誌有張相，叫我整。我一睇，果個係周文奇呀！人家名模呀，set 咩都靚架喇！而且呢個頭我都啱啱先幫佢整完佢話「唔得」架！咁我就同佢講，呢個佢唔會有咁嘅效果，亦唔會遮到佢個包包面。佢大不滿，面更黑。唉！我都想面黑呀！不過我無，仍然友善地問佢想點呀？唔知佢係咪聾嘅，又或者係啞嘅！全無反應。最後好難先完成。因為佢哋餓喇，要食嘢，走人，我先收工！唉~ 終於收工。
我真係好唔開心，我鐘意做新娘，唔係淨係為咗錢，仲有我係好想用我嘅專業，去令一個女仔靚靚咁出嫁，開開心心咁！呢啲係錢買唔到架！今次，我仍然用為佢化一個合適佢嘅妝容，你唔鐘意唔緊要，我明白唔係個個makeup artist都同個新娘子夾得嚟架ma，如果唔係就唔使試妝喇！不過，佢哋唔係好識專重別人，一唔鐘意就「好唔得！」，又或者吱吱雜雜咁聲，我都忍你，可能我係我嘅錯，我唔夠技術。但今次我又唔覺我化得佢唔好呀！一個褂妝頭，同咗我兩個半鐘。唉~
好彩佢無即日confirm我，我諗我都唔會接架喇！我都唔想佢嫁都唔開心呀！其實當時我真係覺得佢唔靚。可能佢全程面黑嘅關係喇~ 不過，呢幾日我睇返啲相，其實佢都係幾甜嘅(化妝後)。其實靚唔靚係內心嘅！唔靚唔梗要呀，你笑，一定係令人歡喜嘅！
化完呢一個job，我一路行返屋企一路喊！好彩已夜深，無乜人！一來，我病到七彩都走去化，己經好攰；二來，我好怕真係我唔夠好，令佢咁唔開心；三來，我又唔覺得我真係差到如此地步呀。總之好傷心呀！
果晚仲半夜醒咗瞓唔返添！唉~咁大個女，第一次咁樣呀！佢張相，我唔post出嚟喇，因為佢都唔鐘意！不過我俾我啲朋友，屋企人睇！佢哋話我都唔係化得差喎！過咗兩三日，心情先平靜下來。
我係咪太認真呢？好似係一件好小嘅事，我唔開心咗兩三日。不過，我會繼續努力，為所有搵我幫手嘅準新娘開開心心咁出嫁架。
2007年11月24日 星期六
2007年11月22日 星期四
2007年11月21日 星期三
又要返工又要返學嘅日子
尋日，開始咗我又要返工又要返學嘅日子，其實，第一堂係喺上個星期四已經上咗，不過果日我係放緊病假嘅情況下返學，感覺上無咁辛苦。至少我係瞓到黃朝白晏，又瞓埋晏覺先去返學，精神奕奕咁返學。
我返工，8:00返到中環，六點幾已經要起身，唉~所以我係長期唔夠瞓，都唔知咩鬼公司，要人返八點。其實工作量唔係好多呀，尋日，上晝好彩都得閑呀，諗住下晝5:45放工即走，趕去食個下午茶(要慢慢行，以免腰又痛吖嘛)，再行過金鐘返學，我返學果度，搭車去都係要行，因為啱啱係車站與車站之間，玩晒嘢呀！
不過，世事永遠唔會咁完美呀，5:00我老細打出嚟，話要即刻出個新聞稿喎，初初我諗都ok呀，仲有九個字先放工，一定搞得掂喇！我見隻稿得英文，咁無計喇，諗住俾新聞署譯中文喇！咁我就整memo，執好啲格式，準備俾新聞署，點知，大老細話要我哋個中文主任譯埋中文先俾新聞署。吓！唔係嘛，都唔知譯唔譯得切，大佬呀，我要返學呀！我就同我個AM講，我要返學呀，唔遲走得呀！我呢個AM真係好好人，其實唔係第一次架喇，我有事唔留得太夜，佢會叫我教佢做，叫我走先。尋晚又係，佢同我講，如果我放工前都未有，佢留後，由佢執埋啲手尾出俾新聞署。真係大感激呀！其實真係只有佢先會咁做呀，其它經理，就真係經過乜都唔理果隻喇！
好彩，好快就返咗個中文譯本，我就拿拿聲搞掂佢喇！俾埋大佬細簽名，點知老細係咁係度講電話，理都唔理我份嘢，佢唔簽，我出唔到架！我個AM都唔係咁熟，我想整埋先走呀！大人~
等到5:45，我正諗住交低俾我個AM之際，電話就係呢個時候響，玩咩，我知實係大老細打出嚟，咁就要聽埋喇！太好喇！佢話隻稿出得喇！最終我同個AM一齊搞掂咗喇！但我都係走先，留佢一個收尾真係有啲唔好意思，不過無計喇，真係唔該晒佢呀！
跟住我就去咗百味(日本拉面店)食咗個下午茶餐，好抵呀，HKD15有個雞扒飯，都OK架，食得太飽上堂會合眼瞓架。我食食吓發覺，原來無chiu san陪食飯，個感覺有啲
跟住我就行過去金鐘，今次我行一條我未行過嘅路過去，好彩又俾我行到過去。YEAH!!!!! 襯仲有小小時間，去百佳買支水就返學喇！
其實上一堂，上完都唔知聽到啲咩，我係咁架喇，小時候返學都係咁，上親呢啲學術性嘅嘢，就係唔入腦，好彩MISS有重溫上堂嘅嘢，咁就好好多呀！
今次，真係有合晒眼瞓呀！但我因為唔係好舒服，
幾經辛苦(加上唔係好明miss講咩)，終於都放學，尋日最期待就係呢一刻，因為chiu san尋日又要返學，佢放學之後嚟接我
好似好充實嘅一天，咁又過咗喇！
訂閱：
文章 (Atom)