家中稀客

尋晚，我屋企有個稀客嚟食飯，果個咪Chiu san囉，好開心呀！

Chiu san嚟我屋企食飯做乜會咁開心？點解佢係稀客？因為Chiu san 成日都要溫書，搞到個人攰晒咁，佢怕被我媽咪見到個攰樣喎！同埋佢成日要溫書，好忙，嚟一嚟我屋企食飯，基本上係無晒成晚時間，咁佢又無咗一晚嘅時間溫書。所以Chiu san 好少上嚟我屋企食飯囉。所以佢尋晚上食飯，我好開心呀！

其實，我唔使Chiu san 成日上嚟架，屋企太細，多一個人，就會逼好多，同埋因為我都好鐘意二人時間

，佢耐唔時上嚟食吓飯，同我屋企人聯誼一下，就好足夠喇，話晒將來都係一家人，點都要聯絡一下感情嘛

！

尋晚亦係TVB 40周年台慶嘅大日子

，個個都趕住返屋企睇台慶，我同我細妹都係睇TBV 大嘅，所以我哋都唔例外。其實我係一個早瞓嘅人，我睇到咁上下，我已經好眼瞓

，不過，一年先得一次睇，梗係睇晒先瞓喇！不過最好笑果part，我走咗去沖涼，即係阮兆祥扮歌果part呀！唉~激死！