2009東京血拼之旅 第二日 (part 5) @ 池袋 TOKYU HANDS

本來呢日夜晚我哋PLAN咗去涉谷架，但我哋臨時改咗行程，改咗去池袋先~~

5點幾，我就到咗池袋喇！天都黑齊晒喇！

影咁多地方都無入去嘅，得個影字，因為我哋好有目標架！直向目標進發！

就係要去睇HELLO KITTY囉~~~~無買到嘢，但有用500YEN去抽KITTY，結果抽到電話繩一條！

睇完KITTY，向TOKYU HANDS出發喇！裏面有好多層，但我哋一上就上到最高嘅一層，因為好想去睇下佢哋.........

睇旅行書話呢度有貓仔睇喎！專登嚟同佢哋打個招呼！哈哈！不過佢哋唔係咁想同我哋打招呼咁囉！一定係因為唔識聽廣東話喇！叫極都唔睬我哋！瞓到豬咁呀！

呢度有好多種貓仔架！有銀灰色嘅虎斑！

有全黑色嘅，高高在上，唔落嚟玩架！

又有瘦瘦嘅，不過呢隻困住嘅，無得出嚟架！

我最鐘意呢隻，因為好似我同事隻貓仔呀！好可愛呀~~~

佢哋又唔會一齊玩架喎~~~ 自顧自架喎~~~

咪睇佢咁肥呀，好輕易咁行過呢啲攞設，正當想讚佢嘅時候，佢一個轉身，掃低咗幾個，哈哈~~~~

呢隻同CHIU SAN對望，唔知大家個心諗緊咩呢？CHIU SAN一定想帶晒佢哋返香港喇~~

玩咗一輪貓仔，係時候行下TOKYU HANDS其它層數喇~~~ 好似無乜嘢啱我買，最尾我係地下果層買咗啲手信，同買咗個有JR新宿駅月台廣播音樂嘅鎖匙扣！哈哈！

續..........

 

2009東京血拼之旅 第二日 (part 4) @ 原宿> 新宿

我哋要離開表參道，返去新宿小休一下先得喇~~~ 今次俾我無心咁見到地鐵嘅入口喎，我記得開咗一條新線【副都心線】喎，記得呢條線係新宿有個出口好近我哋酒店架喎，於是就決定試下坐呢條新線喇！因為太攰，見站就衝咗入去，記唔得咗影相喎！

落到去又記得影相喎！我哋係喺【明治神宮前駅】上車架~~~

如CHIU SAN所指，我哋只係坐兩個站，係新宿三丁目落車嘅~~~

話咁快，又返到新宿喇~~~

呢個新駅係幾靚，好光猛！新線果如然唔同啲呀！呢度又暖啲，好過由新宿駅西口地面行返酒店呀~~~

不過， 要返酒店，就要行呢條長長又無嘢睇嘅地道囉！不過都ok嘅，至小感覺上乾淨又安全！

差唔多去到地道嘅盡頭，終於去到我哋要去嘅E2出口喇，因為我哋酒店近花園神社吖嘛，呢度出啱架喇~~~~

返到酒店，小休一陣，CHIU SAN食咗藥，YEAH~ 精靈返晒喇，再換埋早上係原宿買嘅新褸，成個醒精晒呀！準備向一下個目的地出發喇~~~

係出發之前，又返咗嚟新宿，又差唔多三點喎，就更係要去思出橫丁食個TEA喇！

呢間食手打拉麵嘅，上次都嚟過，係唔錯，所以今次都要再嚟食多次喇~~

即叫即炒嘅拉麵，係你面前炒好香架~

熱乎乎的，正到痺呀！睇到都流口水架！

又係好好味嘅餃子~~~

除咗炒拉麵，都唔少得湯嘅拉麵喇~~~ 全部都O~ I~ SHI~

好~ 食飽飽~~~ 去新宿駅搭車喇~~~ 落到去JR駅，又俾我哋見到......

有牛乳喎~~~ 我叫CHIU SAN try try佢喇~~ 因為我唔飲牛奶架，所以我唔try喇~~~

哈哈~~ 原來係牛乳味益力多！哈哈~~ 好味呀~~~

飲飽食醉，出發喇~~~~續

2009東京血拼之旅 第二日 (part 3) @ 原宿

嚟喇~ 嚟喇~~竹下通我嚟喇~~~

今次嘅竹下通景點，換咗新衫喎~~~~~好得意呀，用氣球砌咗個女仔出嚟呀~~~

呢度果然係景點呀，張相見到樣嘅，大半都係外國人呀！哈哈！而且都一樣係人山人海嘅~~~

嚟到原宿，好肚餓呀，原來我哋未食早餐架！好餓喎，求其食啲嘢喇！於是我哋就係就近嘅LOTTERIA係漢堡包喇！

我哋嘅早餐呀！

呢個包好好味，好彩入咗嚟食！

呢個薯仔，個LOOK好搞笑，味道一般喇~~~ 或者一人一個包都FULL晒喇~~~其它嘢都唔係好食得落喇~~~包括呢個薯仔~~~

雖然話飽，見到PANCAKE又忍唔住要來一客先得喎~~~~

食飽飽，開始我嘅購物活動喇~~~ 原宿係我嘅血戰中心， i love harajuku~~~~~

係竹下通行行下，突然有嘢係天空跌落嚟打中我隻眼喎，放心，唔係雀C，係霜呀，哈哈，唔落雪落霜喎，好開心呀！就係因為凍嘅關係，啲舖頭又好熱，chiu san開始唔係好舒服喇~~~~~~

行完竹下通，當然又左一袋又一袋嘅血戰嘅印記喇~~~ 攞到手斷咁滯呀！準備向表參道出發喇~~~~ 途經曾經大排長龍嘅 H & M喎，無入去睇呀，香港都有嘅，唔浪費時間喇~~~~~

又經過 Laforet，又都無入去睇，一心向表參道出發吖嘛！

呢個十字路口，好多人都經過過喇，其實無乜好影，都無乜人會係度影相，我但第時我老人痴呆唔記得呢度點樣，一定要留個影喇！

你哋睇，有相為證架，chiu san真係好唔舒服架，個鼻都紅晒架！仲有呀，我哋兩隻手都攞晒嘢架！一條竹下通我哋都搞成咁，真係會斷手架喎！

嚟到表參道喇！上次嚟嘅時候，兩旁嘅樹好似有葉架喎，而家咁凍，甩晒LUR，不過一樣咁靚，而且呢度一樣咁多人喎~~~

旁邊啲巷仔都好別緻，但今次我哋無行到呀！因為嚟到呢度已經攰到要死喇！但我哋都行到去KINDY LAND喎！因為我最期待嘅KITTY就係KINDY LAND吖嘛！

嚟到KINDY LAND，真係令我太驚喜喇，因為一大個KITTY就放係門口咋，好鬼靚呀！好開心呀！開心到即刻走埋去影相喇~~~~仲有大量KITTY精品，開心死我喇~~