vychiu's Wedding 之 姊妹裙 - Bridesmaids4in1

上星期五放工， 終於搞掂埋心頭大石， 就係姊妹裙。

因為我唔想姊妹裙太普通，粉色唔會揀，我一早就揀定咗桃紅色架喇！

星期五放工，我同chiu san約埋伴娘KP，去咗尖沙咀一間Bridesmaids4in1度睇。

呢間係我個姊妹之前結婚都係喺呢度造，我見啲款同質哋都唔差，試咗上身好好睇喎，於是好快手咁落咗單la！最緊要朋友之前用過無問題吖ma。

下面呢款係姊妹嘅，會另加返吊帶

伴娘會係下面呢款，會造返桃紅色同埋加黑色腰帶

vychiu's Wedding 之 Decoration - 同Oscar會開傾主題

7/6 我哋又約埋decoration 嘅Oscar 出嚟傾埋我哋個主題，終於都要開始諗要咩主題啦，haha.

之前一路未定要咩主題，因為唔想咁一般，想有返啲我哋嘅特式。係見Oscar 之前幾個鐘，我先諗到用咩主題。Hahaha！好彩，唔係都唔知人哋點幫我design。

因為我唔係一個浪漫嘅人，又更加唔係一個斯文同好lady嘅人，我總係好似仲未長大咁嘅，hahaha，所以唔想用懶浪漫嘅設計。唔多襯我哋兩個囉。

要我諗用一隻color 去做主題color 我又唔想；好多人用粉色做主題color，但我都唔係一個咁粉嘅人，我鐘意繽紛啲嘅嘢。

最後我決定咗想要七彩繽紛嘅遊樂場為背景。Hahaha。

好彩，Oscar聽到之後無覺得我哋好古怪，仲覺得呢個主題好開心添。

而家就要等待Oscar出個draft
design俾我睇喇，好緊張呀！

Oscar仲會幫我design 埋我哋嘅帖，成件事就會變得一系列啲啦！

小虎妹終於都識得打交喇

今朝睇小虎妹同呀dee打交睇到唔捨得出門口。

點解會睇到咁入神? 因為小虎妹獨覇屋企三年，無機會打交。

到呀dee呀mee嚟咗，先發現小虎妹係原來唔識打交嘅。

 

小虎妹觀察咗呀dee呀mee好幾個月，由初初驚佢哋呢兩隻小怪物要喱埋

到習慣咗有兩個細佬妹，遠距離觀察佢哋打交

到開始同呀dee 打交，係, 小虎妹只係會同呀dee打交。

 

但小虎妹一路都唔係好識打，係咁易拍下呀dee 個頭就叫打咗架喇！

今日，終於見到小虎妹使出"沙田無影腳"
(攬住呀dee 個頭，用後腳連環踢佢) 哈哈哈！

對住身型同體重都係小虎妹一倍嘅呀dee

小虎妹終於都應付到喇，終於似係到打交喇！哈哈哈哈！

 

不過，佢哋唔係堅打嘅，佢哋無鬆起啲毛架，

仲打到好開心。我哋都好安慰小虎妹嘅進步。

 

小虎妹好叻女呀！雖然呀dee 呀mee 已經嚟咗九個月先識適應到8成！kakaka