聖誕@KP HOME HOTPOT

聖誕，我同CHIU SAN去咗KP屋企HOTPOT，哈~ 好熱鬧呀！有成10 個人呀！一人買啲食物上去佢家，我同CHIU SAN同FAIFAI就負責買啲簡單嘅，因為我咩都唔識買，哈哈！買我最鐘意食嘅豬紅同芋絲，哈哈！好多嘢食呀！多到食唔晒！

我地一路HOTPOT，一路睇VCD，我哋咪掛住睇唔記得咗食囉！不過唔記得帶相機，無影到相喇~~~

下年都係咁開心過聖誕就好喇~~~~~~

平安夜@ 又一城

我開完Annual Party，就同chiu san會合喇！我哋一早訂咗票平安夜去睇《伽俐略》哈哈！我哋由佐敦行落去旺角行咗一陣街，就去又一城睇戲喇！

巨型聖誕樹，我今年第一次嚟睇你呢！今年小咗去周圍影聖誕嘢！唉，下年唔可以咁LAZY呢！要一早去影聖誕呀！

今次無450呀！因為唔太方便，一早又要開會又要準備ANNUAL PARTY嘅嘢！所以只帶DC出嚟咋，影出嚟，果然係有好大分別呢！

睇完戲，真好好睇！CHIU SAN同我去咗我家附近食夜宵，哈哈！好開心呀！雖然我哋無話好特別咁過呢個佳節，但仍然好開心呀！希望大家都有一個快樂聖誕喇！

公司annual party@24 Dec 08

今年公司嘅ANNUAL PARTY係我係呢間公司第一次參與，我身為admin，當然要負責bk 場地買禮物等等喇！但原來搞呢個party我覺得好好玩喎，比只參與出席更開心喎！

呢一日，全公司同事一齊開會，開咗一個早上，跟住就去開annual party喇！

我哋公司嘅annual party係Eaton Hotel舉行架！個場都ok架！

每枱都有呢個bear bear 架！我想攞一隻架！但走嘅時候，唔知點解無咗，應該係俾隔離枱嘅同事囉咗喇！嗚嗚......

買咗好多禮物呀！我哋一人有一份架！人人有份，永不落空呀！頭獎係wii呀！可惜我抽唔到呢！我抽到$200 Sogo 呀！都好喎！嘻嘻！

同事陸續到場喇！

我哋嘅大會司儀呀！

當然唔少得我嘅踪影喇！嘻嘻！

一陣呢度就好多人架喇，想攞嘢食唔係咁易呢！哈哈！

哈哈！人頭湧湧呀！

好多嘢食呀！好開心呀！

除咗抽獎，我哋仲有勁飲大賽呀！

我哋經過好幾個回合，最終由身旁呢位美女得勁飲冠軍呀！勁呀！好開心呀！有啲期待下年嘅annual party添 ！

超可愛嘅貓仔

我同事美眉有三隻靚貓，我第二次見佢哋喇！我真係愛死佢哋喇！

最靚仔嘅“肥牛”，佢真貓真係好靚仔架！

呢隻係“大虎”，係咪好靚女呢！

呢隻係“小虎”呀！愛死你呀！

左邊係“小虎”兩姊妹一齊瞓覺豬，好WARM呀！

“大虎”係POST王嚟架！

主人去街，佢哋就係咁望住個門口，好似好唔捨得主人咁呀！

OK懶啦

今期呀懶就勁啦，kitty 都仲未係OK到出現，佢就先行一步

今次冇呀奶份，次次都係懶＋奶，次次雞仔都冇份返家，所以今次要雞唔要奶，唔好怪我呀！！

點都要有張全家副的．．．有人記得這隻奶係邊到來的嗎??

答中有獎！！

睇清楚ｄｄ，有kitty 份加!!

跟我向日本出發嘅手襪呀

日子過得真係好快，上次先講話仲有百幾日先出發，到咗今日，都只係仲有34日咋，好開心呀！尋星期日同CHIU san去行街終於我都買到手襪喇！哈哈！呢對就係跟我向日本進發手襪喇！佢一定好暖啫！好開心呀，好想快啲到向日本出發嘅日子呀！

我嘅嫁妝呀~~

哈哈，我公司嘅美眉真係好勁架，原來佢會自己晒“咸鮮魚”架，上個星期我就問佢幾時晒兩條過我做嫁妝呀！點知，今日就有兩條嫁妝喇！哈哈！我梗唔會等到嫁先食喇，都唔知到時呢兩條嘢會發毛發成點！哈哈！我想快啲食吓係咩味！一定係好味嘅！

我終於都都有自己嘅電腦喇

 我尋日同chiu san死迫難迫，係電腦節終於都買咗我第一部自己嘅私人電腦喇，係一部LENOVO嘅NOTEBOOK嚟架。

我屋企其實一路都係一部電腦三姐弟用，好多時返到屋企都爭電腦用架，唉~~ 呢個問題一直都好困擾我，無電腦用好似斷斷腳一樣架嘛。

而家我用緊自己部NOTEBOOK寫BOLG架，哈哈，好開心呀！以後唔使爭喇！

深水埗旺角行

今日我同chiu san去咗深水埗，為12月嘅電腦節作個預習！哈哈！我哋睇中咗一部laptop喇！等到時有無得再平啲！嘻嘻！

睇完laptop我哋就由深水埗行過去旺角！沿途都玩下相機咁喇！嘻嘻！

我哋係恭和堂買咗支13.5嘅豆漿，係貴咗啲呀，但都幾好味喎！唔似平時果啲溝水嘅~~

仲俾chiu san發現好古舊嘅恒生銀行，哈哈！好似返咗六、七十年代咁呀！

好耐無試過自拍合照喇！

行吓行吓，嚟到旺角郎豪坊喇！yeah！原來好近架咋！

呢度嘅聖誕佈置整好喇！好嘢，好靚呀！我前面呢舊係國際象棋嘅棋子嚟架！

跟住我哋去咗新世紀，呢度有好多白色嘅xmas tree呀，好開心呀！

我哋要繼續周圍去影聖誕佈置呀！yeah~~~

我買咗好多面膜呀

女人唔保好易無呀！但我都以家先開始行動呀！好似遲咗啲喇！

前一兩個星期，我無意中係"屈人寺"度發現啲9.9兩塊嘅面膜喎，我見我個鼻成日有脫皮嘅情況，就買啲嚟TRY TRY佢！

我就係買咗上面呢兩款喇！右邊MG果隻我覺得ok喎，連用三日，我鼻上嘅瘡瘡同脫皮現象好咗好多喎！而左邊果隻，係包埋一對眼膜，都係9.9兩pack喎！咁抵我梗係買佢喇！眼仔都好重要架嘛！

之前趙孫雲雲講過"我的美麗日記"好用喎！尋日都終於俾我搵到喇！起初我都唔知買邊隻好，咁啱xmas佢出咗box set，裏面有齊晒咁多款，我可以款款都try吓，試啱就買果隻，好好呀！

一個box set有兩盒，每盒有11塊！

仲送一塊"白金保濕面膜"呢！保濕啱晒我呀！

火車驚魂~~未定

尋日係chiu san屋企坐火車返家途中，就嚟去到火炭站嘅時候，突然火車響按，跟住就聽到"pong"一聲，因為我坐係第一卡，即使我係聽緊 ipod 都聽得好清楚，之後架車就慢慢停低咗喇，當時我好驚，好驚唔知撞到呢係咩，我即刻唔聽歌，等火車嘅廣播，我心裏諗千萬唔係係撞到個人呀，我會好驚架！

過咗幾分鐘，車長廣播喇，真係撞到人呀！好驚呀！新聞雖然不時都有啲咁嘅事，但親身經歷，原來係好好好好驚，我驚到手都震埋，但我見其它人就無乜咩，應該係我怕事同細胆喇，我仲要担心埋個車長，佢應該仲驚過我呀！我即刻打俾chiu san、媽咪，同KP，講佢哋知我好驚！

我當初以為有排搞喇，點知大唔使15分鐘，架車就開返去火炭站，轉另一列火車！當我離開咗火炭，我就唔驚喇！

到今日睇新聞，原來係撞到個六十幾歲嘅伯伯，俾火車撞到去路軌以外，急救一小時不冶。唉~~~

希望以後都唔好再有啲咁嘅事發生喇！

媽媽嘅薑蔥炒蟹

尋晚，媽咪整咗我其中一樣我最like嘅佢嘅拿手好餸俾我哋食，薑蔥炒蟹呀，好味架，我覺得媽咪整嘅薑蔥炒蟹係最最最最好味架！

本來炒咗兩隻，一家四口一人半隻喇，哈哈，呀B唔返嚟食，妹子唔舒服，哇哈哈，我差唔多食咗一隻多啲呀！好味到不得了呀，於是我尋晚只係食蟹，其它咩都唔使食喇！飽晒！YEAH，呢張相都係我食到得番一半嘅時候醒起未影相，將零星嘅蟹組合番咋！其實隻碟嘅另一半係吉架！HAHAHAHAHA！

我公司有個美女廚房

近日KT大人屋企買咗個焗爐喎，咁佢就發揮佢嘅煮食天份，差唔多日日都包我哋嘅早餐，有咩食？真係豐富到你唔信呀！

有芒果蛋榚！好多芒果呀！「賣飛佛」呀！

又有粟子蛋榚，哇哈哈！好香架！我唔太好粟子都覺得好好味呀！

呢啲麵包係咪好靚仔呢，唔係買架，係KT大人一手一腳整架，賣相一流呀！有吞拿魚味喇，午餐肉味喇，肉鬆香喇！雖然肉鬆味有啲硬，不過味道係OK架喎，尤其係吞拿魚包呀，又係「賣飛佛」呀！

有無見過咁多生果嘅果撻呀，哇哈哈，我真係超辛福呀！

仲有萍果批，其實仲有雞批，曲奇餅，心太軟，但我掛住食唔記得影相囉，哈哈！仲有PIZZA架，遲啲再POST返出嚟！

KT大人醉心於煮食，我真係大為佩服呀！兩日前佢整果撻時俾焗爐燙傷咗隻手，佢嘅高人男友即下令暫定食物生產呀，所以呢個星期唔會有得食住喇！不過整親係要休息下喇！美女廚房下個星期再重出江湖喇！