火車驚魂~~未定

尋日係chiu san屋企坐火車返家途中，就嚟去到火炭站嘅時候，突然火車響按，跟住就聽到"pong"一聲，因為我坐係第一卡，即使我係聽緊 ipod 都聽得好清楚，之後架車就慢慢停低咗喇，當時我好驚，好驚唔知撞到呢係咩，我即刻唔聽歌，等火車嘅廣播，我心裏諗千萬唔係係撞到個人呀，我會好驚架！

過咗幾分鐘，車長廣播喇，真係撞到人呀！好驚呀！新聞雖然不時都有啲咁嘅事，但親身經歷，原來係好好好好驚，我驚到手都震埋，但我見其它人就無乜咩，應該係我怕事同細胆喇，我仲要担心埋個車長，佢應該仲驚過我呀！我即刻打俾chiu san、媽咪，同KP，講佢哋知我好驚！

我當初以為有排搞喇，點知大唔使15分鐘，架車就開返去火炭站，轉另一列火車！當我離開咗火炭，我就唔驚喇！

到今日睇新聞，原來係撞到個六十幾歲嘅伯伯，俾火車撞到去路軌以外，急救一小時不冶。唉~~~

希望以後都唔好再有啲咁嘅事發生喇！