2009東京血拼之旅 第六日 (第二回@東京迪士尼樂園)

玩嘅時候，影唔到相，行shop就勁影相，哈哈！因為真係勁靚呀！

我最最最鐘意係呢套杯，我仲記得當時我講過，如果有自己屋企，我一定會買返香港架！哈哈！

行海盜間shop，勁多嘢好玩呀，chiu san買得幾開心呀！今次我哋行shop行到好興奮呀！係shop都入去行呀！好開心呀！

我哋又係時候去食飯喇！好有情調架呢度，周圍黑麻麻架！只係影到小小相咋！

周圍玩周圍影，又差唔多時候去睇巡遊喇！

啲日本人仲買埋飯嚟食添，又幾識嘆喎！

我都有霸位架！

續...........

2009東京血拼之旅 第六日 (第一回@東京迪士尼樂園)

嚟到到程嘅第六日，我哋去東京迪士尼樂園，適逢今年迪士尼廿五周年，哈哈，好開心呀！一定要買返啲紀念呀！

本來我哋諗住坐巴士去迪士尼，上次坐過係四十分鐘就去到，點知，我哋大安旨意，慢慢去食早餐先再慢慢去新宿南口坐巴士，點知，最尾果班車開走咗喇~~果陣只係九點~~ 咁早就開咗尾班車，鳴鳴鳴鳴鳴... 正當我唔知點好嘅時候，chiu san就話咁坐鐵路喇~~ 於是我哋就去坐JR喇~~ 因為諗住去迪士尼唔使帶書，唔係好記得點轉車去迪士尼，好彩JR嘅路線圖好清楚，我哋都好順利咁去到舞浜駅！

到咗喇到咗喇！好興奮呀，其實好奇怪，我唔係鐘意迪士尼，但去過一次就好鐘意去迪士尼玩，每次去日本，都好想再去迪士尼玩一次！

米奇嘅PASSPORT呀，好大好靚呀！

廿五周年呀！好期待入面啲紀念品呀！

呢日天氣好好，影啲相都靚啲架！

本來諗住帶腳架去影夜晚嘅花車巡遊，可惜，入面係唔可以帶腳架喇，唯有去用LOCKER喇！

我張PASSPORT呀！如果係米妮我會開心啲！

入咗場喇！廿五周年個門口都靚啲架！入到去第一件事去行SHOP先喇！

廿五周年有好多紀念品呀！花多眼亂呀，樣樣都想買，但想買一個自己鐘意嘅人物又見到係廿五周年嘅紀念品！因為都幾凍，我就買咗呢個暖耳仔嘅！哈哈！未玩先SHOPPING，真係未玩先興奮呀！YOYOYO~~

今次我哋仲壓咗好多金幣呀，好開心呀，一見到就壓~~

我哋仲買咗呢本嘢入起佢哋添呀！YEAH~~都係廿五周年架~

chiu san仲好開心咁係度玩其它game添呀！好多都係啲懷舊game嚟架！平時好少會玩到架！

我哋到完shop就行返出去諗住開始玩喇！見到有人排隊影相，我哋又見幾靚咁喎！又唔多人排，我哋又去影喇！我哋好少二人照架！今次終於有張似樣嘅合照喇！

其實今次我哋玩得唔太急架！慢慢行，經過一架車仔買小食喎，我哋又走去try try，小小雞同鴨講下，我成功買咗小食喇！

就係chiu san手裏食物，我已經唔記得係咩喇，但好好味架！哈哈！

續..............

無事忙

呢排無事忙咁，話好忙又唔係，好得閑又唔係，總係無晒啲時間。

學日文總算用多咗時間，又要溫書又要做下工課咁。放工，返到屋企，好多時又會走咗去玩facebook。到放假，就同chiu san去睇定新屋企傢俬。

就嚟收樓喇，日子越近，個心就越興奮，但同樣，又會越擔心，因為買樓嘅擔子的確好重，但又好開心，哈哈，好矛盾呀！

2009東京血拼之旅 第五日 (第四回@上野秋葉原)

食飽飽，繼續行程喇~~~ 我哋坐JR去上野買手信，今次一定要買返上去嚟日本唔記得咗買嘅冬菇茶呀！

其實呢個位都幾靚喎，上次嚟唔係坐JR，所以無參觀過呢個車站，今次就覺得好新鮮，日本果然次次嚟，次次新鮮呀！哈哈！

今日係特別凍架，嚟到上野，真係凍入心呀，要即刻帶返對手襪呀！我仲要放個暖包入去添，真係好凍呀！

因為呢日我哋中途無返酒店，無帶旅遊書出嚟，想去嘅地方一味靠記憶，行呀行呀，最終都去到我哋要去買手信零食嘅地方！哈哈~~

仲有上面呢間小店我一定要嚟架！因為我淨係係呢度搵到冬菇茶賣咋！我一買仲買咗好多添呀！我好鐘意飲架！

買完一人兩大袋嘅手信零食之後，我哋就去秋葉原，因為我想買龍珠俾我個妹呀！去到秋葉原，係LOCKER放低啲手信先！

越夜就越凍呀！又大風喎！無書嘅指示下，又係亂行，不過仲衰過上野，因為入咗黑，呢度又橦橦大廈又一樣樣咁，試過亂咁上，原來係買AV嘅，激死呀！

搵下搵下，都係搵唔到我想買嘅龍珠PRODUCT喇！但俾我買到我好想要嘅一本GAME書喎！哈哈，係WII嘅ANIMAL CROSSING呀！但當時我係仲未買WII架喎！哈哈！未有機，先有GAME書！KA KA KA！

行咗條大街兩轉都搵唔到，對腳又攰到就斷，要搵個地方坐坐先得呀！我哋就入咗MOS BURGER求其食啲嘢，其實只係想坐下啫！CHIU SAN又攰又好似有啲唔舒服喎，今次就又我嚟出去買嘢喇！

CHIU SAN就話啲檸茶好難飲，HA HA，我就要咗個湯，都係好一般！

個包都唔係好記得咩味，因為攰到咩都無晒味覺咁滯！

秋葉原嘅最後一個景點，就係呢間SHOP喇，係駅附近好易搵，又多嘢睇，我哋好鐘意裏面啲嘢喎！

今次仲有CHIU SAN最鐘意嘅RELAX BEAR，咁大隻放係門口，開心死佢呀！

今次我哋係秋葉原，有一個奇遇呀！呢度有好多女仔著晒女僕衫係街派嘢，有一個企咗一個好當風嘅位，啲衫又少布，又薄，成對腳都露晒出嚟果種呀！我哋見到佢企係上面張相嘅馬路邊派嘢，仲派到喊唔停。梗係喇，咁凍，著到咁少，唔凍死都出奇喇！我哋經過佢兩次，終於忍唔住，俾咗一包紙巾佢，因為佢凍到流晒鼻水都無得清理。仲俾咗個暖包俾佢！雖然言語不太通，但佢都好開心咁講THANK YOU！

為咩呢，搞到咁可憐！

行完秋葉，係時候打道回府，去攞返啲行裝先！

返到酒店，幾攰都要影返啲戰利品呀！

攰到咩都做唔到喇~~ 早啲休息明天再戰吧~~~