2008泰國芭堤雅之旅 第三天 第二話 (酒店暢泳篇)

續 2008泰國芭堤雅之旅 第三天 第一話 (早晨靚酒店篇)

食完早餐，我哋就去咁靚嘅酒店泳池游水喇 ！出發！

多咗啲人係度游喇喎！

chiu san游咗一陣就上水坐喇，fung san就一路都無落水喎！淨坐！

我同vickie san就係泳池執啲雞旦花放咗係個頭度，哈哈，係香港我哋一定唔會咁做喇！yeah!!!!!!!!

游游吓，我哋俾仔撩呀，係bb仔呀，哈哈！個bb仔一啲都唔怕醜呀！係咁同我哋玩，又唱歌俾我哋聽，玩得好開心呀！

游咗成個鐘喇，我哋要出發去 shopping喇！bye~~~

2008泰國芭堤雅之旅 第三天 第一話 (早晨靚酒店篇)

續 2008泰國芭堤雅之旅 第二天 第三話 (情調海鮮篇)

嚟到第三日早晨，fung san同vickie san唔知醒，我同chiu san等佢哋食早餐嘅時候，就係酒店周圍行，影咗好多相，呢真係好靚，實在影咗好多，好想放上嚟，希望唔會悶襯大家！

我行行吓，去到酒店唬泳池，好靚咁喎，入去睇睇先！

嘩！池邊有幾間房係同泳池相連架，一出露台就可以跳落水喇！GOOD~

chiu san即刻忍唔住落去玩吓！

chiu san個樣爽死咗呀！

仲俾我執到一朵紅色嘅雞旦花，yeah好開心呀！

仲有一個bb嬉水池架！

食早餐嘅時候，又係度玩影相，又影咗好多！哈哈！

2008泰國芭堤雅之旅 第二天 第三話 (情調海鮮篇)

續 2008泰國芭堤雅之旅 第二天 第二話 (出海肉照篇)

出完海，返酒店梳洗一下，小休一陣，我同Vickie san去咗做spa兩個小時，chiu san同fung san又開始佢嘅PSP嘅作戰大計劃。兩小時好快就過咗，真係舒服到呢~~~ 好想再做呀！無相架，因為....... 太唔見得人喇，哈哈哈哈！

好！又係時候出發去食美味嘅午餐喇，今晚，我哋去食海鮮呀！yeah, 出發!!!!

我哋坐兩排車去到今次旅程最遠嘅地方食海鮮，個門口都已經好靚喇！間餐廳仲要係喺海邊，吹住海風食架！

仲有live band，雖然唔知佢唱乜，但呢度真係好有格調。

環境係咪唔錯先！

咁大個女第一次食「燭光晚餐」呀！好冧呀！

開餐喇！有咖喱炒蟹！

賴尿蝦！

魚餅！

我嘅至愛！冬陰公出場！

炒苦瓜苗， 一啲都唔苦架！

燒雞亦！

唔記得點整喇！不過係好好味嘅魷魚！

好滿足呀！好平、又好食、又好情調！玩咗成日水上活動，係度食返餐好嘅，真係嘆世界feel呀！

又係時候打度回酒店嘅時間喇。返到酒店房我哋四個仲玩咗飛行棋大行戰添呀！真係玩飽食醉呀！

游水

為咗減肥，又唔想食少啲，唯有做運動，難得今年泳池唔使錢入場，我就決定去游水~

星期日去咗chiu san屋企樓下啲私人泳池游，差唔多游咗成個鐘，感覺好爽呀！上咗上癮，星期一返返下工都決定放工去公共泳池再游，我哋又去咗粉嶺泳池游又成個鐘。游水嘅感覺太好喇，加上我本身好鐘意游水，開心死喇~

不過係公共泳池游真係有一個問題，真係太多人，啲人唔識游又亂咁游，成日亂咁撞，我真係怕佢哋撞死呀~~~

不過，希望今年我真係可以游多啲水，減到我啲肥肉，少少都好吖~~~

2008泰國芭堤雅之旅 第二天 第二話 (出海肉照篇)

續2008泰國芭堤雅之旅 第二天 第一話 (酒店早餐篇)

食完早餐, 諗住係酒店front desk問下bk local tour果度點去, 諗住明天出發, 點知一問之下, 如來酒店都有得bk, 而且時間啱啱好, 可以即刻上房攞返啲嘢就出發, 仲包晒所以接送同lunch, 正~~ 即join. 我哋就向陽光與海灘出發喇~ yeah~

專車送我哋去芭堤雅灘, 等船

首先我哋就係坐我身後呢啲船仔, 出到深水啲再轉大船員~~~

RELAX BEAR都有跟我哋出海架~

大家都好期待呀~~~

我哋就係轉呢架船架~~~

我啲攝影技術越來越好呀, 影到chiu san幾型仔~~

係船上, 我哋買咗package玩, 兩位男士, 玩滑翔降傘.....

水底漫步......仲有水上電單車同蕉蕉船, 我同vickie san就玩蕉蕉船~~

本來諗住影呢位外藉索女水底漫步後嘅收獲 - 手中袋魚, 點知佢太索嘅關係, 相機都揀咗佢驕人嘅身材嚟影~~~

玩完, 我哋就出發到目的地, 呢個沙灘 (好似係叫hard tien)水清沙幼, 真係唔錯, 不過無陽光~ 激死

不過一到步, 先行品嘗包埋嘅lunch, 俾想像中豐富喎, 有魚, 有飯, 有湯, 有菜, 有海鮮, 仲不停無應, 包你飽呀~~

食飽飽就去玩蕉蕉船同水上電單車, 因為我哋係四個一齊玩嘅關係, 影唔到相~~

之後, 就係自己時間, 不過只得返45分鐘~唔理喇, 幾大都游下水, 影吓暴肥嘅泳衣照呀~~ 下次都唔知仲著唔著得落呢件泳衣喇!!!

雖然唔係激玩, 但都好攰, 夠鐘喇, 我哋要回程喇~ 係時候返酒店梳洗一下, 去食餐好喇~~~

Today: Yesterday: