小虎妹與呀dee

可能呀MEE俾收監，
呢段時期，呀DEE最鐘意撩小虎妹玩。

平時小虎妹大多數時間都係扮RELAX CAT 架ma

而家呀dee閑來無事就會撩小虎妹一齊玩，明明一貓一層係度hea緊，
呀dee都要伸手落去搞小虎妹架喎！

小虎妹心情好時都會應下戰嘅

 

佢哋咁就會打起上嚟，不過小虎妹太斯文嘅關係，打鬥通常不過30秒，haha，小虎妹會自動走開。佢都算好忍讓啲小貓朋友。


小虎妹發揮大家姐本色：你個衰仔，係咪唔聽話，欠打呀你！要乖乖哋先得架ma！

小虎妹同呀dee一齊發現俾人影緊相，即刻係度chork個乖樣出嚟

 

呀mee你好返未呀

呀mee因為生癬仲未好返，仍然要坐監，陰公豬~~

無得出嚟玩，俾個咁嘅樣我睇囉！無呀，咩樣都無都出呀，你快啲好返就有得出嚟玩囉！

扮完慘樣咪又係度繼續係度玩度癲咗咁囉~~

 

小虎妹與細佬妹的相處

其實呀Dee 同呀Mee 加入咗呢個家庭，唯一而又令我最担心嘅，就係小虎妹接唔接受到佢兩個細佬妹。

第一日小虎妹真係好驚，驚到喱入梳化底，唔飲唔食唔去厠所，真係令我担心到死。我哋已經對新猫不理不啋，只理小虎妹，但佢仍然好驚。當時真係唔知小虎妹幾時先肯去食嘢，同埋去大便。

但最意想唔到嘅係，小虎妹嘅進度非常好，第二日已經肯食少少嘢兼遠望個籠入面嘅怪物。到第四日，佢終於肯去大便，真係放心晒囉。

跟住嘅進度都好好，今日已經一個月喇，除咗呀mee因為生癬要生監無得自由行，小虎妹同自由行嘅呀dee 相處得都唔錯，有時會你追我趕咁。有時睇住佢哋玩，真係好開心，寧願日日唔使返工睇住佢哋囉！

小虎妹真係怕怕哋啲猫仔架！

強迫下先影到合照，仲要好不滿添。

呀dee同呀mee玩，小虎妹就會睇住佢哋玩，唔會加入戰團

小虎妹，你知道嗎，你是最美的！

Prewedding 倒數中

仲有一個月零4日就出發去日本影 pre wedding 喇。時間真係過得好快，上年11月book呢個prewedding時仲話有排喇！而家就覺得：「嘩！乜下個月就係喇！」

不過，以我哋嘅性格，一早就ready好啲嘢喇！六月就book咗機票酒店，做埋男禮，租埋我兩條EG。今個月都同攝影公司開埋會喇，簡直係萬事俱備，只係等我減肥，哈哈
。
。
。

Remarks:
男禮：金都地庫「君臨」訂造燕尾一套
EG：尖沙咀金巴利道 
「Wendy-樓上舖」租2條 + 購自婚紗街WG一條
婚鞋：
金都地庫訂造每人一對
花球：淘寶訂咗2個

午睡時間

睇住佢哋懶洋洋嘅樣，我都變得好眼瞓囉！haha

 

 

猫仔已入屋三星期喇

唔經唔覺呀DEE 同呀MEE 入屋已三星期喇，不經不覺，佢哋大隻咗好多，同啱啱返嚟時細細粒差好遠呢。

上星期同佢哋睇醫生，呀MEE 生癬呀，所以要被隔離呀，要連食28日藥，希望可以快啲好返就可以放出嚟一齊玩喇！

 

 

小虎妹做咗家姐喇

兩隻猫b第一日返到屋企，小虎妹未能接受呢個事實，心情好不安，所以頭兩晚佢可以瞓大床。


頭兩日佢真係好驚架，要呢埋先夠担去睇下啲b

真係傻妹嚟，不過，小虎妹都好叻，好快就唔係好驚，有時仲想同啲b玩添。真係大個女喇！

三猫之家

2012年8月25日，我家多了兩隻猫仔，就係黑白色嘅呀dee 同黃白色嘅呀mee 呀！佢哋同小虎妹一樣，都係喺街被人執到嘅bb 猫，而家佢哋大約2-3個月大呀！

左: 呀mee, 右: 呀dee

經過一個多星期，小虎妹先可以同佢哋有少少嘅接觸。

入咗家門二個星期，呀dee由0.65kg 變咗1.0kg la！

呀mee 都有0.8kg la, 你哋要身體健康呀！ 

屋仔細細住咗二人三猫，hahaha，好熱閙呀！