2009東京血拼之旅 第三日 (part 4 @ 築地外市場)

離開內市場, 我哋向外市場出發喇~~ 喂！呀叔，影相咋喎，唔使啤到咁行呀！未見過自遊行咩！

外市場又係咩都有得賣架！豆呀！魚呀！.....

仲有CHIU SAN最愛嘅玉子呀！

買咗玉子就繼續行，見到有豆漿賣喎！我哋又想TRY TRY佢！SO ~ 買咗一枝嚟試！留意，雖然已經係一月，但CHIU SAN後面仍有一棵聖誕樹喎！仲要係包魚刷聖誕樹！哈哈哈！

經過一間賣啲好靚菓子嘅舖頭，我哋又唔輸蝕喇！買咗一盒嚟試！

紀文由細食到大，對佢係情有獨中架！嚟到都係要嚟造防一下喇！

呢度好靚，仲有個綠色嘅電話亭！好日本FEEL呀！

呢啲立食嘅舖頭，上次都好想試，今次都係試唔到，因為實在太飽，仍然食唔落！好可惜，好想試！

我哋好鐘意行日本嘅便利店，基本上每經過一間，我哋都會入去巡視一下業務！哈哈！呢間係築地嘅LAWSON梗係有我哋留底嘅足蹟喇！

就咁，我哋就行咗築地一個早上喇，買咗咁多嘢，梗係要返酒店放底先喇！唔可以攞住啲食嘅周圍去架ma！

好！放底啲嘢，向我哋嘅下一站[代官山]出發！續............

2009東京血拼之旅 第三日 (part 3 @ 築地內市場

食完早餐，我哋係築地內市場逛一下先，我哋今次無造防真正賣魚嘅檔口喇，只係行吓買雜貨嘅地方。

呢日個天好藍，好好天呀！

雖然已經過咗拍賣魚嘅時間，但呢度仍然好繁忙，仍然不停有大車細車係度穿梭架！

我哋係幾條賣雓貨嘅街度行，哈哈，真係幾雜下架，包魚刷都有得賣架！

仲有好多食得嘅嘢賣，山葵呀，平過香港好多喎！

除咗食品雜貨，有幾條街係食壽司架！我哋就係喺其中一間食喇！不過唔係喺呢條街喇！我哋喺度拍照留念啫！哈哈！

其實仲有碗碟呀，刀呀，衫呀，水鞋等等！不過呢啲都係搵遊客錢嘅product，我又無乜興趣，所以都無買到嘢呢！

根據我哋上次迷路嘅記憶，築地除咗有魚市場，其實仲有蔬果市場嘅！所以呢度都有好多蔬果賣！

我哋此行目的除咗食壽司早餐，就係嚟買又平又好味嘅士多啤梨喇！1pack賣450yen咋，我哋買咗一盒，哈哈！即係4pack呀！喺香港太貴喇！我哋真係唔係好捨得買嚟食呀！

內市場差唔多行夠喇，我哋又要穿插喺啲大車細車間離間內市場喇！

唔知呢啲俾人放埋一邊嘅魚頭，係垃圾吖，定係平時用嚟湯嘅魚頭呢？睇落似垃圾多啲喎！

續.......

2009東京血拼之旅 第三日 (part 2) @ 築地早餐

嚟到築地喇！已經8:20喇！準備出發去食我哋嘅壽司早餐喇！

由駅行過去魚市場，路經呢個好靚嘅建築物，其實係唔知乜東東！

繼續向前行，早晨嘅築地，感覺好舒服呀！

對面碼路就係外市場喇！過咗外市場就係我哋要去食壽司嘅內市場喇！

到達外市場，心情已經好興奮！

外市場呢條街，係好多食嘢同買菜買海鮮嘅舖頭！但我哋無食，因為我哋目標為本，壽司為目標呀！

到喇到喇！係咪好多人排隊呢！哈哈！其實呢度有兩間我哋會食，一間要排，一間唔使排，我哋梗係食間唔使排架喇！嘻嘻！

我哋就係坐係呢張又長又窄嘅枱食壽司！唔會見無人坐呀，其實佢有兩個舖位，一邊FULL咗，佢見我哋入嚟，先開埋呢一邊俾我哋坐，我哋坐底一陣，呢邊都FULL埋喇！

樣子好吸引呢~~~~~真係好好味架！

就算係呢款，我都覺得十級好味！好想而家有得再食呀！

噢！MY LOVE呀！出場喇！好肥美嘅海胆呀！好好味呀！

可惜，影影下相，有個嬸嬸同我哋指手劃腳，我起初都唔知佢想講咩，後來先明白原來唔俾影相！吓！唔係吖嘛！咁好味又咁靚嘅嘢食，唔可以影返嚟回味一下？太可憐喇！唯有盡情食晒佢喇！

好豐富嘅早餐呀！我就係咁，就開始食滯咗喇！鳴鳴！

續...........