2009東京血拼之旅 第二日 (part 7) @ 池袋 & 新宿

嚟到係池袋嘅最後一站喇~~~ 就係JEANS MATE喇，JEANS MATE係度度都有，不過池袋呢間就係24小時嘅！啱晒我哋喇，我哋啲時間好唔夠用架！

其實行到呢個時候，我對腳好似唔係自己咁嘅，直頭係行到斷腳呀！但仍然唔會放棄血拼嘅時間架！

係JEANS MATE我反而唔係買到好多嘢，我買咗一件冷衫，一條CHIU SAN幫我揀嘅牛仔褲，CHIU SAN就係為咗買牛仔褲而嚟嘅，所以佢就無咗兩條牛仔褲喇！又買咗買件衫喇！好開心架！斷腳都可以好開心架！哈哈哈！

係時候回程喇！回程又經過夾公仔間嘢，我哋梗不死心喇，CHIU SAN又夾過！

登登登登！夾到喇夾到喇！YEAH YEAH YEAH~~~仲要咁大隻，好開心呀！

好喇！真係要回程喇！去搭JR返歸喇！我哋今次終於見到傳說中嘅貓頭鷹喇！哈哈！

哈~~~已經嚟到日本時間10點喇！

等車嘅時候，睇到對面對架車個廣告喎，有女皇份架！仲有阿部寬添呀，兩個好都好LIKE架！又會咁啱一齊拍廣告添！

好難得我攰到就死咁都仲笑得咁燦爛！

返到新宿，發現未食飯喎！哈哈！去搵嘢食喇！因為太攰嘅關係，就係駅嘅附近求其搵間嘢嚟食喇！

我哋入咗呢間有咖哩飯嘅舖頭。CHIU SAN梗係叫佢最LIKE嘅咖啡飯喇！我就叫咗個豕肉飯！我想話，你估唔到佢咁好味，真係好好味！可惜我哋唔記得影佢個舖頭嘅門口，只可以講到，佢係開係新宿東口附近間博多拉麵果條巷仔入面一間唔多起眼嘅頭。

我哋又order多個啤酒，扮晒日本人！哈哈！

你睇CHIU SAN攰到差啲笑唔出喇！

但一見咖啡飯就..........哈哈！

食飽飽，終於都返酒店喇！

拖住攰到爆兼差啲斷咗嘅腳返到酒度，都要攞返晒啲血的印記出嚟欣賞一番喇！
呢日嘅公仔戰利品！好可愛呀~~~~我覺得！

呢日嘅戰利品，多到我自己影相嘅時候都嚇一跳呢！

第二日終於都完喇！