舊同學飯局

2007年10月30日 (星期二)

我約咗我係中學時候個best friend, Emma, 食飯。我同佢好耐無見喇，上一次同佢食飯，我諗都要數返至少4－5年前喇！真係好耐呀！我哋係msn就成日話出嚟食飯，講都講咗年幾兩年喇！哈哈！今次終於約得成！

話說有一次我同chiu san去Mega box同chiu san 女麻 女麻 食飯，係九龍灣撞見我呢個老朋友，可能係咁，就引發我哋約出嚟見吓嘅念頭喇！

真係好開心，雖然係從前嘅best friend，但到而家我都好想同佢再續情緣。(大家唔好唔會呀，係友情，唔係愛情)佢係一等一嘅好人，我從前唔係好識同人相處，無乜朋友，佢就差唔多係我唯一嘅知心好友，曾經好到話大個之後要一齊搬出嚟住。哈哈！果陣時我哋真係密友嚟架！諗起都令人好懷念！真係想攞返本紀念冊嚟睇吓！

尋日本來係約咗四個同學仔，呀！同學女先至啱！但溝通上出現問題，結果係我尋日仲以為係一齊去食飯，而事實係因為有一個同學唔得閑出席，變咗延期！我尋日差唔多3:00打俾Emma先知。真係有啲啲失望。但Emma竟然話，咁不如我同你兩個出嚟食囉。佢話怕我預咗出街，而無得出會失望，你哋話佢係咪一個好人。其實我就無所謂嘅，反正佢哋話下個星期再約過，不過我真係想同佢傾下偈。於是，我哋兩個就約咗係旺角食譚仔米線喇！yoyoyoyo，原來佢都鍾意食米線架！真係好喇！

我哋兩個好似有講唔完嘅話題咁，的確又係，我哋之間隔咗幾年無見，我又無同其他同學聯絡，我又唔知佢啲嘢，我又唔多知佢啲嘢，中間實在miss 咗太多 history喇！我諗我我尋晚係度惡補緊我哋之間錯過咗嘅經歷！嘻嘻！所以尋晚好開心，係咁傾係甘傾，傾到成10點幾，仲可以等埋chiu san放學添！

真係一個愉快嘅晚上呀！

本篇瀏覽人數：

今日一定係好日

今日覆診，醫生話我隻右手基本上同理論上係好番了，就連手托都不用帶
不過要睇下我好唔好彩，即係話我隻手回復得好唔好，不好的話．．．．
好的話就不會再甩

他說，其實是有方法去測試回復得如何，就係磁力共~震~震~~震~~~~~
不過，佢話只會給再甩戓者長期痛的人去震～震～～震～～～～～
我就唔洗去震~震~~震~~~~~住！

復診後，用盡我平生的功力，走回家吃過公仔面換杉趕返工，過程只係用了２０分中．．諗番我都替我個胃擔心．．．係吃面過程中，有２封係HKU寄比我的信，心諗一定係成績表，一打開果然!!再睇成績，完全估唔到的結果，超出我以為的成績都幾多，勁呀，開心呀！！！

到返學之後就係放學．．呀 VY竟然等到我放學，仲同我吃埋 Ｍ當當先一起回家，當時以經11:00了，辛苦了 VY大人~~等我咁耐，咁攰都等，呀VY果然好勁呀！！

甩臼 ─ 針救篇

2007年10月28日　(星期日)

chiu san甩臼之後，病情好似一直無好過，大家都開始擔心究竟會否好返。係呢個時候，我哋當然諗起我哋個好朋友，陳醫師喇！其實醫師唔一定係老人家呀，呢個陳醫師係新一代中醫師，係個後生女嚟架！

之前陳醫師幫過chiu san 治腰背痛，針救過一次，好work呀，差唔多有半年無再痛，咁當然，chiu san未斷尾就無再睇，所以而家又有啲痛咁囉！

所以我哋對陳醫師係絕對信任，所以就book陳醫師幫chiu san睇睇。其實上個星期六已經睇過一次，康復得非常快。睇完第一次，針咗第一次，chiu san已經係咁話鬆咗好多，隻手可以比之前提高好多，好開心呀，康復有望喇！

今個星期日又約咗陳醫師，再針針佢。今次同上次針嘅位置係唔同嘅，今次終於記得幫chiu san影底萬箭穿心嘅一刻喇，哈哈哈！今次chiu san變咗箭豬呀！

荃灣勁好味米線

2007年10月27日　(星期六)

等chiu san放工，我又幫人化完妝之後，chiu san陪我返家放底個化妝喼，我哋就出發去荃灣食我哋至愛吃嘅雲南米線喇！

其實返到我屋企，都已經2:30，跟住等車，坐車，去到間米線都已經差唔多4:00喇，今餐晏仔真係食得晏喇！不過最初以咁晏為唔使排隊，點知去到都仲要排兩三個，有幾好味，真係唔使講喇！

雲南米線　地址：荃灣四陂坊 (係條巷仔嚟呀！)

湯，真係好好味，好夠辣，我食中辣，好味，我仲未敢試大辣。最好係，最近仲推出我最愛嘅豬紅添。

chiu san食小辣。(其實佢唔係好食得辣，不過係辣先好味，所以照食，但不能越級挑戰)

家庭樂篇 - 沙角新廣發打邊爐

2007年10月23日 (星期二)

好難得阿vy可以一家人去打邊爐，今次終於等齊人，一齊去打邊爐喇！我哋去咗屋企附近嘅沙角邨大排檔，又係去食自助火爐。yoyoyoyoyo

呢度都幾抵食架，HKD48位，要任飲汽水就架HKD10位，湯底另計。有魚、蝦、蟹。今次我又食到好滿足呢！

又去皇城打邊爐

2007年10月20日 (星期六)

唔知點解，我今年好鍾意打邊爐，於是我哋又去咗皇城打邊爐喇！今次又係麻辣湯底，今次真係好辣呀，我好鐘意呀，chiu san就食得辛苦啲喇！

我哋今次兩個人都叫咗好多嘢吃呀！任叫任食就係咁架喇，叫多啲，吃多啲，咁先至抵呀！

第一次星期六嚟吃，原來星期六呢度嘅火鍋都好爆呀。差唔多全部都係嚟打邊爐，，簡真係坐無虛蓆呀！我眼見就得一、兩圍係食小菜，勁呀！真係好熱鬧呀！

就係得返chiu san無面大約10張枱係未有人坐，不過影完呢張想之後，好快又有幾枱坐底打邊爐喇！

又要返學喇

今日放工，chiu san陪我去金鍾報course，今次我唔係讀化妝，都唔係讀美甲，係連我自已都從無諗過我會報讀秘書課程。

我係HKMA報咗 Certificate Programme on Company Secretarial。雖然只係cert.，但對我嚟講，真係一大難題，因為我本身就唔鍾意讀書，否則就唔會讀到中七之後，一路都無認真去讀書喇！今次我自願去讀書，都真係嚇襯人，不過媽咪就安心咗，媽咪係咁喇，鍾意自己啲細路認真讀書喇！(係媽咪心目中，我永遠係細路喎) chiu san 都好開心，佢話會全力支持我咁話喎！

本身個course係有 3 part嘅，本來一次過報晒 3 part ，係平好多，只係要 6xxx，但我只報咗一個 course，要3xxx。一來我窮，二來我怕自己又無恆心，讀完 part 1 都已經唔想讀，所以為免浪費金錢，只好讀咗一 part 先，讀完一 part 再算吧！不過我而家又好期待可以返學，因為我可以睇到啲我唔識嘅嘢，感覺好新奇，快啲返學就好喇！11月中開學喇！如果我可以讀晒 3 part 仲好呀！

不過，我會努力架！

查理仔飯局

尋日同查理仔飯局，果然佢同前男友分手後, 飯局即刻密咗。

其實查理仔今個月尾生日，諗住同佢食飯興祝一下，但今期又無錢，好彩查理仔唔介意食平嘢，去咗尖咀食米線。仲有，反而我無準備禮物俾佢，佢買咗化妝品俾我。我有啲唔好意思呢！我啲朋友就係咁架，個個都好鍚我，成日請我食飯，送嘢俾我，可能佢哋知我窮喇！

其實我哋只在乎傾下偈，食咩都無所謂嘅！我哋講吓佢，講吓我，仲講吓佢家姐。家姐今年年頭結婚，而家已經有咗5個幾月喇，BB下年年頭出世喇！好開心，我哋兩個仲話唔知幾時先好似家姐咁幸福添！尋晚真係傾得好開心，可惜佢係灰姑娘，九點就要走人，返屋企同媽咪報到。咁我都係時候返屋企同周公子報到喇！咁我哋約定下次再傾過。

走嘅時候，攞個電話出嚟，諗住同周公子報到之前，先向chiu san報到，點知一睇，兩個chiu san嘅miss call，平時我同啲friend去街，佢都唔會打俾我嘅，打返俾佢，先知原來佢唔舒服，話唔等我瞓先。(大家唔好誤會呀，平時chiu san係會等我返到我屋企先瞓得安心，我哋唔係一齊住架！) 但到最尾，佢都係等我返到屋企，佢先瞓！

chiu san又放一個星期病假喇！

上個星期，chiu san其實只返咗一日工，因為返咗一日之後，佢隻痛手極痛，於是即日睇急症，點知醫生大罵：「你做咩仲返工呀！」於是又俾一個星期假紙佢，因為醫生話佢勞損呀！一定要休息呀！好彩醫生話佢甩臼位生返埋喇，照咗X光，仲話生得好靚添！chiu san將會放病假至25/10先返工。

唉~ 佢好擔心呀！一來，一定擔心隻手，因為唔知幾時先好返；二來，擔心份工，一個月有三個星期放病假，唔知老闆點諗。chiu san話預咗無咗份工，不過，又唔可以即刻搵工，包住隻手，點去見工呢~ 不過我覺得應該沒事嘅~

買咗新電話喇~

買咗喇~買咗喇~ 好開心呀，終於都換咗新電話喇，係N73呀，雖然係舊款，不過係新色，好似話係今年九月先出嘅銀影白色。

不過，trade 咗部舊嘅SX813真係有啲唔捨得，因為我果時真係好鍾意佢先換佢，我到而家都仲覺得佢幾靚，又無壞。可惜人真係貪新忘舊，有新嘅梗係想換新嘅，trade 佢果陣，真係好唔捨得，但佢值$1000呀，再遲啲唔值咁嘅價錢喇！無理由大拿拿成千蚊唔要ma。

個電話用咗3日喇，都仲未熟習到，因為我從來無用過Nokia嘅機，而且又鬼咁多function，有排玩呀！不過好開心可以用kitty 嘅wallpaper 同用 王菲嘅聆聲。因為以前部SX813係無得玩wallpaper，同埋用mp3聆聲係要用有版權嘅，咁即係要錢買，咁即係唔使玩囉！而家有好多嘢玩呀！

烏冬

某個星期六及日，我同ｖｙ大人去了上水廣場吃

入到去，原先好多位，一坐底，全店滿座，我地有ｄ運仔!!

一睇賣相，討好唔到我地之外，吃落又真係好普通~~

呢個係最貴而又最mama地的牛肉烏冬．．

彈牙的凍烏冬，好味，正!!

入口的感覺有ｄ似係日本吃果ｄ，但係冇咁好味～～

呢個ｄ湯其實係憲汁，幾好味咖

埋單大約１００，２個人，唔洗加一，正!!低吃!!

不過唔好以為我地咁大吃，只不過係去吃２次的相加埋一齊炸!!

皇城酒樓打邊爐

今日放工之後約咗chiu san 同嘉佩去打邊爐，其實係因為前日我突然好想好想打邊爐，於是即刻send sms約嘉佩打邊爐，去邊度食嘢我一向最無主見，於是嘉佩就提議去大家都就腳，又平，又可以任飲任食嘅皇城喇！(皇城地址：沙田娛樂城4樓)

台長的N73，另到vy大人想換電話的主某

這個是就是台長

左手夾野!!!!!!!!!!!!

我覺得真係幾平，$48一個人，食物任點，汽水任飲，雪榚糖水任食，我哋三個人埋單都唔使$220，真係幾抵(其實我都唔知加咗咩費，變到一人要$70)。

我哋大約由7:30食到10:00咗右，因為佢無限時間，我哋一邊食，一邊傾偈，都幾開心，雖然無啲貴嘢食，不過只在乎打吓邊爐，傾吓偈咁。汽水任飲，梗係勁飲，我哋一人都飲咗3-4枝呀，今次真係飲飽食醉呀！

我哋食吓傾吓，知道嘉佩換咗新手機，係Nokia N73，雖然唔係新機，但佢都話ok好用，而且佢係數碼通用舊Sony Ericsson trade in ，簽年半約，都只係補$160。嘩！好抵呀，搞到我即刻想換機呀，不過我部 Sharp 未必值咁多錢，不過應該都係補幾百蚊到，等我得閑都去問下，反正我都唔想轉去其它台，簽約對我嚟講，都無咩問題。襯部機都仲值啲錢呀時候，拿拿臨 trade 咗去，換部新機先！仲有我最鐘意嘅粉紅色添！快啲換就好喇！

覆診

chiu san 尋日終於去覆診喇，係甩臼之來，第一次覆診。

chiu san自從甩臼位無痛之後，就無帶手托喇，因為佢覺得自己應付到，見佢之前同我去bbq無帶手托嘅相，仲以為佢好返添！

尋日覆診時，醫生叫佢要成日帶住個手托，因為怕個甩臼位埋得唔好，將來就會好易再甩。chiu san 聽到就更係嚇死，即刻話日日帶住個托喇！不過醫生仲話，以後要盡量避免踢波呢類咁嘅運動，我估呢類運動碰撞大，甩過嘅地方好易再甩。chiu san梗係唔開心喇，佢咁鐘意踢波，就等同如果我無咗把聲，叫我以後唔好唱歌一樣難受。醫生仲話，chiu san咁甩法，成舊骨向後移，佢啲肌肉撕裂得好厲害咁話，我聽到都覺得痛呀！

醫生今次敎chiu san做兩款康復嘅運動，一日做4次，每次做40下。之前個中醫朋友話，做呢類運動，係以防將來會有「肩周炎」咁話。今次chiu san就好乖咁做個乖病人，準時做運動。一定可以好快好返架！

覆完診之後，chiu san到而家都仲係好無心機，一來佢唔可以再踢波，二來佢好怕再甩臼，三來帶住個托，搞到佢背脊、左肩都痛埋，因為個托係借背脊、左肩嘅力去托住隻右手，等佢唔晒用力。搞到佢返工都做唔到嘢~ 唉~

其實，一定會好返嘅，雖然係唔係以踢潻，不過最緊要係健健康康，行得走得，就已經幸福過好多人喇！仲有呀，chiu san，我只想你開開心心，唔開心嘅事一定會過去嘅，好嘅唔好嘅事，我都會陪喺你身邊，一齊度過架！我支持你呀！加油呀！