2007年10月28日 (星期日)
chiu san甩臼之後，病情好似一直無好過，大家都開始擔心究竟會否好返。係呢個時候，我哋當然諗起我哋個好朋友，陳醫師喇！其實醫師唔一定係老人家呀，呢個陳醫師係新一代中醫師，係個後生女嚟架！
之前陳醫師幫過chiu san 治腰背痛，針救過一次，好work呀，差唔多有半年無再痛，咁當然，chiu san未斷尾就無再睇，所以而家又有啲痛咁囉！
所以我哋對陳醫師係絕對信任，所以就book陳醫師幫chiu san睇睇。其實上個星期六已經睇過一次，康復得非常快。睇完第一次，針咗第一次，chiu san已經係咁話鬆咗好多，隻手可以比之前提高好多，好開心呀，康復有望喇！
今個星期日又約咗陳醫師，再針針佢。今次同上次針嘅位置係唔同嘅，今次終於記得幫chiu san影底萬箭穿心嘅一刻喇，哈哈哈！今次chiu san變咗箭豬呀！
好驚呀。。。 不過我老公話好想試。
回覆刪除[版主回覆10/31/2007 16:54:00]其實我都好想試，可惜無病無痛，無得試囉！