軽井沢Prewedding 之旅完成咗喇

Prewedding 軽井沢之旅終於都完成咗喇
要等一個月先有相睇，好心急呢！
攝影師好好人俾一張我頂住癮先呀，好靚呀啲紅葉！

新宿の天気

除咗軽井沢，我哋會出返東京，所以都要CHECK下天気，東京又無咁凍喎，涼涼地好好行吖~~

 

週間天気 - 東京（東京）

2012年10月18日 17時00分発表

日付	10月20日 (土)	10月21日 (日)	10月22日 (月)	10月23日 (火)	10月24日 (水)	10月25日 (木)
天気	晴時々曇	晴時々曇	曇時々晴	曇時々雨	曇時々晴	晴時々曇
気温（℃）	21 14	24 14	22 15	23 17	21 16	21 13
降水 確率（％）	20	20	30	50	30	20

※	この地域の週間天気の気温は、最寄りの気温予測地点である「東京」の値を表示しています。 http://weather.yahoo.co.jp/weather/jp/13/4410/13104.html

我的獨一無二婚鞋

昨天我己收到呀ming幫我整獨一無二，只係屬於我嘅婚鞋喇！
好開心呀，好靚呀！我嘅日本prewedding 有可以帶埋佢去喇！

點解係只屬於我嘅？因為有我個大名架！yoyoyo！大好きです。

軽井沢への鉄道交通

第一次去軽井沢，交通方面係要找找資料，由成田空港出發，要坐NARITA EXPRESS 去東京，再係東京轉長野新幹線去佐久(即軽井沢過一個站，prewedding公司包酒店就係呢度)。
prewedding公司介紹過啲資料俾我哋，呢個資料真係唔錯架！

就係JR關東地區通票 (http://www.jreast.co.jp/tc/kantoareapass/index.html)

3日pass 只需8000yen，仲包埋narita express 同長野幹線添，抵到爛呀！我第三日返出去東京又可以再坐返長野幹線同埋其它JR線，GOOD GOOD 呀！

價格

JR關東地區通票大人（12歲以上）兒童（6歲～11歲）

價格	8,000 日元	4,000 日元

使用範圍

• 連續3天

可乘坐的列車

在可使用地區內，均可不限次數乘坐以下路線的特快列車（包括新幹線在內）、急行列車和普通列車（包括快速列車在內）的普通車廂指定座席和自由座席。

• JR東日本線全線
• 東京單軌電車
• 伊豆急行線全線
• 富士急行線全線
• 上信電鐵全線
• 埼玉新都市交通（新穿梭）（大宮～鐵道博物館）

軽井沢の天気

資料來源：http://weather.yahoo.co.jp/weather/jp/20/4820/20321.html

係時候睇下軽井沢嘅天氣喇，原來無想像咁凍喎，
咁就唔使帶大羽絨去喇
影相果日都係7-19度，太好喇，唔使怕凍到起雞皮喇！

小虎妹被偷襲????

今晚三貓一齊開餐時，而小虎妹家姐今晚因為乖乖，chiu san俾佢食佢最鐘意嘅濕糧。


正當小虎妹家姐淘醉係濕糧之中嘅時候。。。。


突然間，身後閃出一個貓頭。。。

原來係為食mee係度裝裝貢，企到咁辛苦都要裝，其實搵緊機會偷食。

裝得咁辛苦，索性靜雞雞走上去望

家姐太專心係啲濕糧度，根本就無為意呀mee已經係身邊。哈哈哈哈！

最尾係點？家姐終於都發現呀mee 係身邊，即係hee 佢趕走佢囉！
其實呀mee 同呀dee 仲係小朋友，仲未會俾呢啲零食佢哋，所以佢哋成日想偷食家姐嘅零食。
其實平時小虎妹嘅干糧，佢哋都好有興趣，但因為大細貓糧有別，要分開餵嘅。當佢哋一偷食，chiu san都會又打又閙，小朋友係要教架，佢哋而家知唔得架喇，佢哋見唔到chiu san先會偷食！小虎妹啲干糧一來唔啱佢哋食，二來以佢哋嘅食力，小虎妹一定餓鬼死！
所以一定要制止。

 

淘寶 ● 婚鞋

仲有4日就出發去prewedding 喇，原來心情係會越嚟越緊張。

明天就會去攞朋友呀ming幫我加工嘅婚鞋。早前呀ming結婚佢唔着高跟鞋，自己買帆布鞋(內增高)加工變婚鞋，佢整得好靚架，本身無打算過着呢類婚鞋嘅我，又心郁郁想要。於是我係淘寶搵下搵下，又俾我搵到一對現成嘅帆布婚鞋喎。只係rmb39.90咋，於是問下朋友呢對得唔得，佢話夠平喎，返嚟仲可以幫我加工添。太好喇！下面係未加工之前嘅樣，相片來源自淘寶網。我仲未見過實物，因為對鞋都係朋友幫我淘連加工一手包辦，佢好勁呢！明天我會收到全新婚鞋喇，好期待呀！ 

http://item.taobao.com/item.htm?spm=a1z0k.1000775.1.14.70ade2&id=15656714074&_u=gk093hbc884

日本軽井沢Prewedding 整理清單

係時後要整返個日本軽井沢Prewedding 整理清單了！去日本唔係第一次，但今次比較緊張，始終係Prewedding之旅，得一次機會，又怕帶留嘢，又怕執留嘢返嚟！:p

主要都係要寫底for prewedding 用嘅清單

1. WG X 1; EG X 2
2. 男裝西裝 x 1 套 (西裝褸, 西褲, 白恤衫, 背心, BOW TIE x2)
3. 男鞋 x 1對; 女鞋 x 2對
4. 求婚介子 x1; 珍珠頸鏈 x 1; 珍珠耳環對 x 1; 水晶頸鏈 x 1; 閃石耳環 x 2對
5. 道具: 淘寶花球 x 2; 花車公仔 x 1對
6. 其它: 束腰褲; nude bar; 絲襪; 男裝黑色襪; 針線包; 扣針; 暖包
   
   以上已經一大喼了，以下其它去旅行必需嘅:

• 護照
• 機票
• 錢
• 相機
• 電腦
• 藥
• 旅行書
• 羽絨(因為軽井沢好涼吓，得10度以下)
• 插蘇

暫時諗到係咁多，諗到再加！

星期六晚就要出機場了，我約咗星期五下午去整水晶甲，夜晚就要去攞EG。星期六一早去整頭，做返啲color，啲黑髮出晒嚟喇，chiu san 都要cut cut 佢la。下午有時間就去做facial。之後休息下，食埋dinner 就出機場喇！其實心情都有啲緊張！ 而最掛心嘅係屋企果三隻傻豬貓，好彩有兩位朋友仔會幫手上嚟照顧佢哋，唔使佢哋去hotel，安心好多囉！

呀MEE專輯

呀MEE~~ 呢隻女比較難教，哈哈，可能同咗小虎妹比較。
呀MEE比較巴咋，一出聲就又大聲又長氣，但其實佢好細膽，可能咁，佢就叫得等別大聲。

佢最鐘意食，每逢放得進口嘅，佢都食，尤其係垃圾....貓砂.....，佢又在食貓砂喇...

可能係女仔嘅關係，比較細粒，而家仲係好纖細

仲係細PAT PAT 架

好似好鐘意飲水，成日都見佢係水機...

 
但未必係飲水囉~~~

呀dee 同呀mee 大個仔大個女喇

係時候post 下啲貓嘅近況喇
貓仔大得好快，望落去已經唔再係bb，身長直迫小虎妹嘅身長喇~~

個樣都唔再bb喇，大個仔大個女喇~~

呢張個衰樣係佢啱啱打完呵欠的樣子,wakakakakaka

呢張
小虎妹依然靚女高貴^^

唔知三隻傾緊啲咩呢，好似好認真呢，哈哈！

 

小虎妹病咗??!! 嚇死我喇

一連四日嘅公眾假期，可真忙得不得了。

假期第一天晚(29/9)，小虎妹嘔了一次黃色液體，當中沒有食物殘渣。
因為只嘔咗一次，當時都沒有太擔心。

第二天中午(30/9)，佢又嘔多一次，仲要成朝無食過嘢同飲過水。後來仲發現佢張床仔有嘔吐物，應該夜晚瞓覺時又嘔過。

即時就好擔心，即刻同佢去睇醫生。

可惜睇完仲擔心咗，個醫生一檢查完一輪，話唔知點解會嘔，一嚟就話要入院抽血照x ray先check 到咩事，仲要同佢打鎮定劑。我當時個心一沉，唔想對佢做咁多嘢，唔想佢入院，佢會以為我唔要佢架ma。於是醫生提出第二個方法，話暫時打止嘔針同水針，等佢24小時內唔嘔同怕佢脫水所以打水針。陰公小虎妹！仲開咗啲止胃酸嘅藥同易消化嘅糧俾佢。但睇完醫生之後，佢一路都無乜精神。當時我真係好擔心，醫生咁講，我又唔俾佢留院檢查，怕佢會誤醫後會好嚴重，但我又覺得個醫生講嘅嘢唔可信，因為我覺得佢唔鍚小動物。擔心到返到屋企係咁喊。我真係唔知點算好。

1/10，小虎妹一路都無嘔喇，不過無胃口，精神好返少少，餓咗18個小時，先肯食少少，真係擔心到我死咁滯。當晚佢都肯食少少，可惜食得太急又嘔，之後又唔肯食。

後來有朋友話，動物可以食靈芝孢子會對動物有幫助，於是我諗住一試。

直到今朝，佢終於有胃口肯自己食嘢喇。我哋又真係去買咗靈芝孢子俾佢試。之後佢精神又真係好返晒，做返平時佢會做嘅嘢，例如去曬太陽，不時打啲貓b，有時又會喵我哋。即刻放心咗好多喇。

小虎妹，你要身體健康呀！