昨天CHIU SAN帶咗呀DEE 去太平道睇醫生LA呀dee 星期六（2/11）開始排尿有問題，先係尿有粉紅血色，再排尿困難，今日終於睇咗醫生，而家要驗尿再等結果，而家食住呢隻消炎藥先。
Dee 呀Dee ， 你要飲多啲，再多啲水呀！你唔飲我就餵你飲架啦！
)影，佢哋嘅服務，我哋好滿意，相簿又靚，油畫又靚，個個都好nice，又唔hard sell。未決定搵邊間影嘅朋友，不防考慮下picasso喇，唔錯架！
我推介呀！
 |
| 等我不範一下有幾大個先！ |
兩輯preweding， 東京+香港終於都收相啦！
上年十月嘅東京prewedding 真係等到頸都長埋，要等埋香港今年三月果輯，昨日先一齊攞到手，真係望穿秋水呀！
三本相簿同兩副油畫，質素唔錯，我尤其鍾意兩副油畫，因為我真係好鍾意呢兩張相架！
不過仲爭兩張簽名布同埋所有相嘅soft copy，等多一個星期左右就可以攞埋啦！
今次淘寶，主要係買啲big day用嘅濕碎嘢。
買咗啲對聯啦，敬茶用紙杯啦，仲有囍字貼牆裝飾。囍字貼我買咗兩套，圖示為一套。啲囍字貼比想像中靚，我同chiu san都好鍾意呀。
距離big day倒數仲有84日
前日，Oscar Wedding 俾咗個backdrop 嘅draft design我哋睇啦！我真係要讚一下Oscar 同佢老公嘅心思同design，真係合晒我哋嘅心意，一打開個file，我真係“嘩！”咗出嚟架，我從來無諗過出嚟嘅嘢，完全係我嘅心意，靚到不得了，話係draft，但整體design都無乜嘢係要改，只係logo 個名我哋俾咗啲commet，同埋加返我家三貓入去，呢個係我之前無request嘅，唔關佢哋事。
見到個咁靚嘅backdrop，我真係好心急想見到真身，同埋好期待photo corner嘅design。
日子漸近，我哋都仲未選擇photo corner上面嘅相 ，要快手啲啦！
另一方面，成長片段嘅相，我哋大致上都揀咗一堆出嚟，但仲未仔細認真咁揀要邊幾張，成條片得24張相，我哋都變咗有選擇困難症。
睇嚟要加把功喇！
去伊甸園辦擬結婚通知書之前，因為我要去佐敦買嘢，買完嘢，我哋去咗恆豐中心食拉面。
唔知係咪因為已經差唔多三點嘅關係，唔使點搵位就有位。
第一次嚟，花多眼亂，六間咁多喎，好彩我對博多拉面情有獨中，無選困難嘅出現，KAKAKA。
入到去，每人有個白色牌仔，俾你ORDER 嘢食用嘅。ORDER咗嘢食，拉面店會俾另一個牌你嘅。咁就可以返位等，等到個拉面店俾嘅牌仔震，就可以去攞拉面。走嘅時候，先至去出口，攞住白色牌仔去俾錢的。
呢度真係似係日本食嘢，好自助，茶水都係免費自助嘅。啲師父都係日本人，但我都係聽唔明佢講乜，真慘，讀咗4年幾日文，乜都聽唔到。
總括嚟講，我覺得好好味呀，Chiu san佢果碗佢直頭大讚呀！
下次要再嚟呀！
