某日經過Sanrio，見到啲好靚嘅利事封，有PC狗，連鴨仔都有呀！就係無Hello Kitty 呀！激氣呀！於是我就買咗PC狗同鴨仔，送俾我細妹同我同事。我細妹係鴨仔super fans嚟架，但佢又唔捨得用錢買佢啲product，佢男友又係個超級實際嘅人，打爆佢個頭佢都唔會玩鴨仔嘢俾佢，所以呢個責任就俾咗我呢個窮到痺嘅家姐喇！
佢見到個利事封好開心呀！因為今次呢個系列嘅利事封係幾靚呀！
PC狗又係好靚呀！
埋單時，個sales小姐問我加唔加錢換呢個Hello Kitty 吊飾，我本來見到個價錢就話唔換喇！點知chiu san就話換埋佢喇！原來凡惠顧，就只須加十幾蚊就有，於是我又換咗喇！好得意呀！大吉大利呀！
Kit Kat Helllo Kitty鎖匙扣，係chiu san喺公司唔知邊個同事盒朱古力度攞返嚟俾我架！
DORORO NDS筆，係我行行下街見到嘅，zoe嘅至愛呀，見呢個design幾得意，可以伸縮，又可以玩NDS，又可以當原子筆。一物多用呀！就買比佢喇！
人人都有禮物，開心過新年喇！
尋晚，欣賞咗一場十分好睇嘅演唱會，簡直係喜出望外呀！無諗過祖兒會演繹出一個咁正嘅表演，係超出我嘅期望！
我係坐山頂位，即係100蚊果隻呀。當然係遠到睇唔到佢個樣喇！所以影唔到相呀！不過，一向都唔係期待去睇佢個樣，只係去聽佢把滑到流嘅聲。
她沒有特別華麗嘅舞衣，沒有誇張嘅髮型，沒有絕頂嘅口材，亦沒有多變嘅妝容，但卻有真材實嘅料唱功嘅演。
她的舞衣，簡單得很，但亦不失禮呀！她可能明白歌迷入場，係想聽歌，所以她連換衫嘅時間都節省起來，著了一件相信只有她才能穿得上的超貼身舞衣，就在台上換衫，她真的換得好快呀！所以可以一歌接一歌。
不得不提，就是她的歌聲呀，現場比CD更動聽，會令我合上眼去細聽，佢唱慢歌，真係顯見佢嘅真功力呀，啲高音唱得好好，把聲真係無得頂，極度完美呀，比過往演唱會唱得更好呀。快歌，更加要讚一讚喇！今次嘅連場勁歌熱舞，精彩絕論呀！睇佢咁多場演唱會，就睇住佢進步，以前跳到好似抽根咁，會叫佢：「你唱歌吧喇！」而家淨係聽觀呼就知有幾得，仲要一路跳一路唱又無走音，依然係靚聲到暈呀！
Joey自知唔識講嘢，所以講得好少，不過都有講少少咁，但我相信講出唔少人嘅心聲。佢話有人話聽佢嘅歌，好似聽緊自己嘅故事，係喎，無錯喎，我都有同感呀！聽「未知」會諗起我以前返學參加歌唱比賽，有個小師妹唱「未知」，而我就敗給「未知」小妹妹，哈哈，很不甘心呢；「麻煩男友」我會諗起chiu san……哈哈哈！
Joey仲話，係fans比時間佢去成長，又係喎，無佢哋嘅支持，佢唔會有今日，無我哋嘅批評，佢唔會進步得咁快。佢初出道，我好唔鐘意佢架，鬼咩，咁多負面新聞，仲要有人話我個樣似佢，OMG！但時間耐咗，聽真啲，佢真係唱得好好喎！而且仲會越唱越好添！而且各方面都越做越好。漸漸，我喜歡佢喇！因為好似佢咁，先算係一個歌星。(做歌星至少要唱得)
多謝ZOE令我無錯過一場咁精彩嘅演唱會，亦都多謝JOEY嘅落力演出，令全觀眾全程投入。
同場加映搞笑版vy扮joey，唔笑死都嚇死你呀！
每位入場人士，都有一對捧捧同一枝星星電筒！
我哋4枝捧捧，完場後，經過連場激列作戰，得返一枝完整，一枝近乎無晒氣，另外chiu san嘅一對就變作一團膠！
追加圖片 (由zoe提供，佢同我同場坐400蚊架！)
我最鐘意呢隻歌呀！(攝氏四十八度，跳着野蠻的舞.......)
呢PART勁歌，令全場情緒高脹呀！
我最鐘意佢呢條裙呀！
謝幕喇！
安歌中呀！
今晚，我同chiu san會去睇Joey演唱會呀，好期待呀！本來我哋係無去買飛睇架，因為我哋要儲錢預備明年去日本，所以非必要嘅，我哋都唔會買，即使係我最鐘意嘅Joey，我都無諗住睇！
不過，zoe早前打俾我，話有兩張今日睇Joey嘅飛，有人買咗又去唔到，想讓出嚟，我本來都唔要呀，雖然唔知係幾多錢，但諗住應使得使嘛，點知zoe話請我睇，當新年禮物喎，我真係唔好意思呀，佢又睇，又要加埋我兩個張飛，好容吓喎！於是我應承咗佢先，到時睇吓點再請返佢食飯喇！
不過好開心，今晚我又再會Joey喇！
今日，又有好同事送我Hello Kitty 扭旦電話繩，佢俾我嘅時候，我仲以為係今年新嘢，因為我都未見過，但佢話我知呢個係舊嘢，係07年架，其實新舊都唔緊要呀，係靚kitty就好開心喇！佢送咗右三黃色小蜜蜂果個同右一藍色企鵝果個，好得意好靚呀！
今日，我又收到好朋友好同事嘅禮物喇！好靚呀！當然又係我最愛嘅kitty喇！我好鐘意呀，好新年feel呀！要多角度為佢留影呀！
想氹我開心，送kitty好過送「藍X曲奇」呀！
今天係我老豆的大日子，佢都悶左２年了，因為佢係退了休之人
佢參加了政府舉辦的顧員再部訓計劃的中醫的推拿及按摩，他說，共５０節２００個小時，上完後要考試，考得好可以去實習三個月，之後再去考治療師牌照
嘩！！好勁呀～～我爸爸果然係做到老，學到老。
因為佢係火車上背了佢今日的notes~~~~ O.O""
自問我真係唔得呢～～咁快．．背．．．．．左．．．．
哈哈～～爸爸果然厲害～～仲話考治療師牌照～～
同我考會計師牌差唔多姐～～
好~~溫書!!!!!
唔好問我幾時呀，我唔識答你哋加！
)
