行完沙灘，我哋係沙灘中間一條街仔行返出去。
原來呢度有小吃架！啲魚旦好鬼大粒架，仲好好味添！一串兩粒，5蚊一串！
呢度仲有長洲出名嘅小吃，名叫「雞屎騰」，聽個名都唔想食，加埋佢個樣，咪搞！
我哋仲食咗下面呢啲即炸薯條，用原個薯仔批出嚟，炸完出嚟，香到不得了呀！
仲有個任你搞嘅調味枱，我當然唔執輸，係咁落係咁落喇！
枱底下面又有一隻貓！佢唔怕我哋架，一味掛住瞓，睬我哋都傻呀！
行行吓，見到一間荒廢咗好耐嘅「長洲戲院」，入面連個頂都倒塌咗架！本來有影相架，不過氣氛太過嚇人，我已經delete咗喇！
chiu san話想去食出名嘅魚旦麵呀！係馬頭附近架！
啲魚旦又的確唔同啲喎！唔錯唔錯！
呢度係「玉虛宮」對住個足球場架！
chiu san又想食小吃，又返轉頭糯米滋，佢個胃真係勁大呀！
正準備返出香港，經過麵包舖，有新鮮旦撻仔出爐，「旦撻王子」chiu san又出動呀！見到都飽呀！
走喇走喇！
長洲之旅就咁圓滿結束喇！出返香港仲食呀！食晚餐呀！
沒有留言:
張貼留言