今年中秋，無玩蠟燭，無玩燈籠，因為今年chiu san甩臼，得返一隻手活動自如，無晒心機玩，亦都唔方便玩。本來plan咗去西貢玩，但係咁嘅情況下，我哋換咗地點，就係chiu san屋企附近嘅北區公園。
本來以為北區公園會少啲人，點知，係chiu san唔可以俾人撞倒嘅情況下，就覺得啲人多到不得之了。我一去到公園門口，已經講「不如返屋企算喇！」因為眼下人之多，實在好似撞到chiu san。不過chiu san係屋企發咗成日毛，佢想行吓，而且係中秋，我諗chiu san唔想我失望，所以更加唔想公園門口都未入，就打道回府喇！
其實周園都好有氣氛，好多人喺公園行，不過我一啲都感受唔到，因為我只係顧住chiu san唔好俾其它人或者我撞到，簡直係一步一驚心呀！係公園行咗一個圈，chiu san都話返屋企喇！係chiu san屋企坐咗陣，我就返我自己屋企喇！
今年天氣都好好呀！無落雨，唔凍唔熱，行得好舒服呀！仲見到個好圓，好光嘅月光添！其實中秋去邊都唔緊要，最緊要係同chiu san一齊。不過，最好係健健康康，唔好甩臼咁喇！chiu san多啲好返就好喇！
22/9/2007 (sat)
我同chiu san下午喺又一城睇完「戀愛大爆發」，chiu san就好開心咁去長沙灣同啲friend踼波，我就自己一個返屋企食飯。
大約9:30，我仲打緊NDS嘅時候，有一個不知名嘅來電，但把聲係chiu san，我仲以為佢啱啱踢完波所以打俾我，點知chiu san話我知，佢踢波俾人撞到飛起咗，佢入咗醫院，甩咗臼，真係俾佢嚇得半死，我問佢使唔使我去醫院，佢話要，我就即刻求其換件衫，就走落街坐的士去長沙灣明愛醫院，去到醫院，大約10:00去到急症室，我搵到佢啲friend，佢啲friend就帶我入去搵佢，見到chiu san都仲有精神同我講笑，個心即刻鬆晒，照咗兩次x光，證實無骨照，只係甩臼，醫生仲話係好少事，咁都安心啲。跟住我無得陪chiu san喇，因為醫生要幫chiu san拓返個臼上去，我就出返去大堂等，似等咗好耐咁，可能我心急，大約11:00醫生call埋我入去，完來已經完成喇，可以入去陪佢，等醫生幫佢做埋啲文件，咁就走得喇。終於大約11:30，出得院喇！見到chiu san周身損晒，真係心痛架，而家諗返起，如果我睇住佢俾人撞，撞到咁，我諗我打人都似，啲人都唔係踢波嘅！跟住又緊係坐的士同chiu san返上水喇，返到屋企都12點幾喇，好攰，幫chiu san消毒好傷口之後，就要瞓喇！不過成晚都瞓得唔好，發夢見到chiu san又甩臼，唉，無計喇，醫生話佢而家好易又再甩，要等星期一返去覆診同佢做返個托先好啲喎，仲俾咗兩個星期病期俾佢添！
3 Sept 2007 (一) 晴
一早返工，話晒都係第一日正式開學，多咗好多人一齊搭車，去到尖沙咀，發現咗一樣奇怪嘅現象，連尖沙咀都多咗好多人，仲要唔係學生，大部份都係上咗年紀嘅，有好多仲好兩夫婦拍住拖咁去尖沙咀。我就覺得好奇怪，今日開學日姐，但無理由會咁我一路行、搭船都有留意個天，我都好想睇吓A380係有幾大。等吓等吓，我返到公司都未見佢嘅蹤影，好彩我個位係窗口位，我返到公司，第一時間攞定個相機，關定放係枱，等佢經過。等咗一陣，聽到有啲聲，即刻攞起相機，好快，我就見到A380喇，即刻影底佢。佢飛得太快，我只係影得一張相咋，不過已經好開心喇！
後來，睇新聞先知，雖然A380超級大架，但耗油量竟然比一架747少一成幾，嘩，好勁呀！如果我有生之年可以坐到呢架A380就好喇！
減肥第8日 3 Sept 2007 (一)
去到第8日，忍口忍咗咁多口，好似無咩好味嘅落過肚，好似好辛苦咁。咁啱chiu san想食UCC，而UCC又可以鋸扒，我可以食喎，於是我哋就去咗尖沙咀嘅新世界中心嘅UCC食飯喇！
一人有一個餐湯，好味呀
我哋一人要咗一個沙律，上面呢個係chiu san嘅，細碗啲，下面呢碗係我嘅，我就貪心啲，好高架！我都幾鐘意食嘅度嘅沙律，因為有我最鐘意食嘅車厘番茄，吞拿魚，同埋桃，所以就砌到咁高囉！
呢個係chiu san嘅，係雞扒，原來一個扒餐係有好多嘢，除咗頭先個餐湯，仲有多士(上圖左上角)，意粉，薯菜，一隻蛋，同埋一杯餐飲添。好滿足呀！
呢個係我嘅，係漢堡扒呀，成寸厚呀！果啲意粉我就有得睇無得食，因為我唔食得殿粉質，好想食呀！
雖然我好多嘢都無得食，不過我都食到好滿足，仲食唔晒個沙律添.....好浪費呀！我下次一定唔會整到咁大碗喇！
尋日，心血來潮學人整NDS Skin，整咗我最鐘意嘅kitty。哈哈，又幾靚喎，我同事見到都好鐘意，佢都用咗。既然整到，就幫chiu san整埋喇。佢鐘意小飛俠，又俾我搵到啲靚圖，又成功整咗一套。好開心呀，完來自己整咁有滿足感架！
1 Sept 2007 (Sat ) 晴
一早起身，食定我個減肥早餐，準備等chiu san放工，我哋訂咗票係金鐘AMC睇[五星級大鼠]。
本來呢期我無乜興趣睇戲，因為減肥中，唔可以食爆谷，飲汽水，咁睇戲都幾辛苦，今次只係因為chiu san想睇，所以都係睇咗。本來佢想睇[變型金剛]，不過時間唔係咁啱，先改睇呢一套[五星級大鼠]。可能係我對套戲無乜大期望，又或者呢套戲本身都唔，睇完出嚟，有一種「好彩有睇咋」嘅感覺，因為我覺得真係幾好睇。
其實諗真啲，如果現實有隻老鼠喺廚房出沒，我諗我已經嚇死咗，唔好話要去食佢整嘅嘢！好彩呢套係卡通片
呢個係雞年嘅時候，kitty又再份嘢，變成一隻好可愛嘅雞仔，仲出埋紀念郵品集添。裏面有紀念封、明信片、同埋郵票。當然全部都係kitty出品喇！仲有一個彷外國郵箱嘅儲物箱添！好可愛架！
31 August 2007 (Friday) 晴
終於成功忍口嚟到第五日，yeah！聽人講，去到第五日會輕5磅，咁我就放工屋企即刻磅一磅。
睇住個電子磅啲磅數跳下跳下，好緊張呀！yoy!!!!既然真係work，我即刻講俾我啲朋友知，因為佢哋都好想知係咪work嘅，我諗chiu san都好開心，因為有望回復當年佢識我嘅時候咁fit喇！
既然係work，我諗我一定可以忍到去12日，輕多2kg都好吖！
好彩咋，我真係唔記得咗呀，好彩咋！我啲水晶就ok，不過gel就...... ，從來未練過，仲要考埋花添，又無color gel，今次真係大鑊喇！又唔知邊度有又平又靚嘅color gel喎，不過好彩仲有啲時間，17/9先考，最好彩係我個朋友一口答應幫我做model咋！thank you 阿ca
！我係時候開始練習一下喇！
