麥當奴 Hello Kitty

麥當奴其實係一隻吸血鬼，
成日都出Hello Kitty 嘅玩具，又越出越靚喎！
搞到我成日都忍唔到手！
尤其係果兩隻西瓜kitty 同波羅 kitty呀！
可愛到呢~~~~

士多啤梨 Kitty

士多啤梨Kitty 又係多得朋友們嘅厚愛！

日本麥當奴 Hello Kitty

呢兩隻公仔，係chiu san 唔知係邊度搵返嚟，
係日本麥當奴嘅 Hello Kitty，好珍貴呀！
我連袋都唔捨得開呀！

鍾意Hello Kitty嘅我，令到chiu san使咗唔少錢呢！
有時佢見到我鍾意都會話買俾我，我都會叫佢唔好買！
我都有肉痛佢個銀包架！
但收到佢嘅kitty，我又覺得好幸福呀！

又係來自日本嘅 Hello Kitty

呢三隻係我個同事幾年前去日本時夾嘅，佢本身唔係鍾意Kitty 嘅。
事隔幾年識咗我，佢知我鍾意Kitty，於是佢就俾咗我。
嘻嘻，真係要多謝身邊嘅朋友對我嘅疼受。收到感覺好窩心架！

屋企人送嘅Hello Kitty

呢兩隻都算係年代久遠嘅kitty 喇，
係屋企人大時大節嘅時候送俾我嘅，
不過係幾時送就忘記咗lur！

我最愛的 Hello Kitty 造型

呢個公仔，係我同chiu san 係荃灣行街時咁啱見到，
而我又無呢款公仔，於是chiu san就買咗佢，跟我返屋企喇！

形象百變嘅KITTY ，經常帶給 fans 們驚喜。
但我最鍾意都係呢個最原始嘅造型，
而且我覺得呢個款係最耐見嘅！

我相信呢個造型都應該係最深入民心架喇。

喺日本返嚟嘅kitty呀！

呢對kitty係喺原宿買架，一見到佢哋已經覺得佢哋好靚，但唔捨得買，
但chiu san 二話不說咁揀咗最靚二隻去俾錢，好開心呀！

kitty 雜技團嚟喇！只識一種表演，[羅漢kitty]！
佢哋係喺新宿歌舞伎町嘅夾公仔舖夾返嚟架！細細隻咁，好可愛架！

呢隻係日本之旅最大嘅一隻，係喺池袋買架！好軟好舒服架！

呢個係喺路過嘅東京車站買架！係東京限量牌嚟架！
咁難得路過都見到佢，證明我同佢有緣有份，
所以我帶咗佢返嚟香港！

 

Hello Kitty 30 Years

呢個係 kitty 30 週年天使嚟架！好有紀念價值呢！

難得 kitty 30 年都咁受歡迎，證明 kitty係長青不老架！

身為 kitty 嘅 fans，30 週年咁大件事，一定要買返樣嘢紀念佢，於是我就買咗呢個 kitty 喇！

考期將近呀！

考期將近呀！昭chiu又要閉關溫書喇！現階段正藉如火如荼之際！

 

我的Hello Kitty

28 July 2007 星期六

因為chiu san 喺14-15 Aug要考試，我就無乜街去，要乖乖咁俾chiu san喺屋企閉關練功。所以星期六我喺屋企好鬼死得閑，於是周圍睇blog，俾我睇到人哋嘅blog，佢將自己嘅kitty放咗上去，好正呀！所以搞到我都心思思想跟住做，所以我將自己嘅kitty搵晒出嚟，唉~ 係要搵出嚟架，屋企地方細，唔可以樣樣都放晒出嚟display，所以全部嘅kitty都係櫃或者床底，唉~我覺得佢哋好可憐，好對佢哋唔住，我咁愛佢哋，但要佢哋成日不見天日，我又成日見唔到佢哋

。將來有自己屋企，我一定會俾佢哋重見天日，唔使瞓床底、櫃入面咁可憐。

其實我已經順便為佢哋每人影咗一張相，不過整理需時，我會係不久嘅將來，將佢哋介紹晒俾大家認識。放住一張亂到不得了嘅kitty晒馬相俾大家睇吓先。

夏日消暑良品

今年chiu san至愛消暑良品呀！

夏日閃橙

呢個款，已經差唔多做咗成個星期喇！而家先至放上嚟，可能已經無第一二日咁靚喇！又係漸變底加內藏花，咁次嘅內藏花我自己就幾滿意，除咗手指尾，哈哈，失敗咗，但又唔想拆，因為果日天氣好熱，做完之後個人成身汗呀。

與查理仔共晉晚餐@海港城魚一丁

23 July 2007 (Monday)

好難得，好耐無，又或者可以話從來無試過，我同查理仔兩口子撐枱腳食晚飯。

查理仔，我嘅好朋友之一，係極要好嘅朋友，數數手指，識咗6年，從未兩個人出去食飯，真係好怪咁，咁當然有原因喇！以前因為佢男朋友唔鍾意佢同自己朋友出街，只可以同佢去街，果陣時約佢，真係難過登天，識咗咁多年，真係出嚟食飯嘅次數(一大班人)，唔多過5次，唉~~

今日嘅查理仔，唔知話佢好彩定唔唔好彩，回復單身，而且不乏追求者，感情嘅嘢就係咁，話嚟就嚟，話走就走，無話好唔好，因為有嘅時候又煩，無嘅時候又會自己攞嚟煩。Anyway，查理仔今日終於回復自由喇！從今以後，我就有返個friend喇！

今次我同查理仔去咗尖沙咀魚一丁食，因為我哋好準時放工，6:00已經到咗魚一丁，唔使等位，真好。我唔係好記得啲菜叫咩名喇，不過都幾好味呀！係個蟹腳麻麻哋，仲要$120得四隻腳，我下次一定唔會再叫。

其實我哋唔係至在食啲咩，只係至在傾吓偈，咁就過咗一個好開心嘅晚上喇。之後我哋去咗page one，我真係買咗本Harry Potter第一集嚟睇添！英文架，我好擔心自己可唔可以睇晒！

CHIU san 的 relax bear

佢哋就係我哋係日本帶返嚟嘅朋友仔喇，佢哋而家住係chiu san屋企，晚晚同chiu san一齊孖舖架！

呢隻成日睇書，由朝睇到晚！好勤力呀！

呢隻就仲搞笑，明明係一隻bear，但就係度扮兔仔。見到佢就熱喇！

呢隻就最鐘意玩遙控鴨仔，不過影唔到就鴨仔添！

我嘅考試作品呀!!!

呢排好忙，今日終於可以放啲噴槍考試嘅作品出嚟俾大家睇喇！
大家覺得點呢？

呢個係夏天！

呢個係和式！

唔知大家睇唔睇出呢？

好忙嘅一個星期

今個星期，好忙

。日日返工都好似打仗咁忙；放工之後，星期一考噴甲；星期二唯一一日陪chiu san食飯；星期三細佬生日要同佢食飯慶祝；星期四約咗好耐無見嘅朋友食飯吹水；星期五同朋友慶祝生日。就咁呢個星期就係咁忙到癲咗，仲比平時使多咗。唉~~~ 今日終於可以寫吓blog，睇吓blog喇！

不可不提嘅係，同朋友慶祝生日，我哋去咗尖沙咀美麗華商場嘅[上壽司]食，呢到啲嘢食都ok喎，環境都ok架，如果唔想排隊食壽司，去呢到都係一個好嘅選擇，雖然唔係好味到識飛，不過呢個價錢，要排隊去食[元気]，大家不如去識吓[上壽司]，因為好味過[元気]n倍！

去唔去到澳門呢~~~??

話說每年的8月份，我同VY大人都係過澳門走一轉，去氹仔的山度士餐廳吃東西，山度士好味道呢．．．．．．
今年可能去唔到了，因為要重讀一科，本身的資金要去交學費！！！！！！

鳴～～～