好滿足嘅韓燒，忘記不快

尋日，我同chiu san兩個去咗尖沙咀漢洋苑食自助韓燒，好耐無食過喇，好開心，可惜無帶相機，影唔到嘅美好回憶，食完之後就將之前返工唔開心嘅忘記晒lur。

呢幾日返工真係唔係幾開心，多謝chiu san俾我發洩，我嘅發洩方法係喊。話說尋日放工，咩心機都無，好down，我以為自己好好戲，可以若無其事咁同chiu san去食韓燒，以為chiu san唔會知我唔開心，點知佢一見到我就問我做咩咁心機，就咁俾佢一問，我立即係尖沙咀五支旗桿下面喊咗出嚟，前後真係唔知有無兩秒，chiu san立即攞紙巾，問我邊個蝦我等等，我係條街度，仲要係勁旺嘅街度勁喊，chiu san都無理其它人嘅眼光，只係俾時間我喊同解畫咩事，如事者一路喊一路講一路行，就行到去金馬倫度食韓燒。

其實勁樣衰，不過我最唔忍得嘅就係喊，不過喊咗出嚟就會無事。

今日又係美好嘅一天喇！加油呀！