美國嘅金莎

呢一盒係我喺美國嘅姑媽托人攞返嚟香港俾我哋嘅金莎。
我收到之後心裏不禁暗想，唔通美國製嘅金莎會好食啲？可惜我當時病緊，食唔到，於是叫chiu san幫我試吓。原來美國製嘅真係唔同啲，啲花生係細粒啲，中間個心又細粒啲，chiu san嘅評價係香港果啲好食啲。吓！唔係嘛！山長水遠由美國帶返嚟，竟然香港果啲好食啲？我唔信，可能chiu san口味獨特，我再問多個人，佢就係嚟我屋企教我細佬古箏嘅miss，佢係甜嘢都啱嘅，問吓佢專業嘅意見。miss嘅見解竟然同chiu san一樣，香港依然好味啲。

可能香港人同美國人嘅口味就係咁唔同喇，仲賣成USD8.8一盒，好貴呀！話雖如此，個miss一路教箏一路食，只係食剩2-3粒。到我病好就一粒都無剩，無得試lur！好彩我唔多好金莎，我鐘意食m&m多啲。