九龍城小曼谷

6 July 2007 (Friday)

嘉佩帶咗我呢個三步不離火車沿線嘅人去九龍城食嘢，我除咗以前去啟德機場同埋佢朋友屋企化妝整甲，我都無去九龍城行街或者食飯，哈哈，尋日我就做咗鄉下妹去九龍城自由行。

嘉佩帶咗我去[小曼谷]食泰國菜。

呢度環境唔係好優美，有啲大排檔feel，俾著平時嘅我，我一定會以貌取店而唔入去食。不過呢個世界從來唔可以以貌取店。因為原來真係幾好味，仲好多人排隊架！

兩個女仔，咁多嘢梗係食唔晒喇，飽到呢~ 是打包咗碟拼盆返屋企俾我細佬做夜宵。

唔浪費嘛！

我實在太大鄉里喇，九龍城廣場都無行過，於是去行一圈，不過都有啲收獲，因為原來呢度係有吉之島10蚊店架，順便買咗啲嘢！

我就係買咗呢個咁靚嘅盒同埋呢三包閃珠閃片喇！

返到屋企，我個妹仲攞咗呢個咁靚嘅白色盒俾我，woh，好靚呀！可以放啲細細件嘅嘢呀！正呀！