忙~

好耐無寫blog喇！因為近來好忙，忙到無時間寫blog, 搞到日本嘅blog半年都寫唔好！

首先，我同chiu san 5 月開始係日本化文協會學日文喇！目標係想考級，係日本公司返工呀！哈哈！我真係崇日到不得了呀！一個星期返兩晚呀，我哋學得好開心呀！哈哈~~~

淨係返日文，係唔會晒啲時間嘅，另一件事，算係我同chiu san嘅一件大事呀！我哋呢一兩個星期日忙夜忙嘅，係我哋終於都置業喇！其實我哋都係決定得好突然，由睇樓樓決定落訂，前後都係一個星期嘅事。

好開心我哋就嚟有我哋嘅溫暖窩，八月先交吉呀！好期待呀！好想快啲收樓，跟住仲要搵裝修，買家具等等有好多好多嘢，好想呢一日快啲到呀！

仲有一樣嘢呀！一向好代表我嘅面上兩粒墨，我又係5月脫咗喇！其實都有啲唔捨得架！不過反正早晚都要去脫，都係年紀唔太大嘅時候去脫喇！個疤會快啲好吖ma~~~

今晚唔使返學又無乜嘢搞，所以可以一連寫到兩篇blog囉~~~ 希望我可以keep住寫返blog喇，好多嘢就嚟唔記得晒喇~~~~

2009東京血拼之旅 第五日 (第三回@新宿豬扒飯)

行完南大沢嘅OUTLET，攞住咁多戰利品，梗係要返酒店放底晒再出戰喇~

返到新宿，我哋放好啲嘢，又經過我哋日日都經過嘅一間係西口果邊食豬扒嘅舖頭，之前都有聽聞過日本嘅豬扒好好味，今次我哋就決定入去試下。

入到去，我哋一人一個SET，雖然己經我真係消化不良到見到都想嘔，但係仍然好想識TRY TRY。

ORDER 咗之後，我哋就有一枱嘅配料。搞到我哋頭都大埋，都唔知點食嘅~

於是我哋周圍睇人哋點食，有樣學樣，人哋渾漿我哋又渾，哈哈！原來係點豬扒食架！

有菜沙律架！仲要係任食，食完可以想再食？可以叫佢再添架！如果你係大食嘅話，
好抵呀！我哋又有叫佢再添喎！哈哈，勁貪心呀！但又食得晒啲沙律喎！因為啲沙律加埋啲漿汁係好好好好味架！

等咗一陣，主角上場喇！豬扒飯上場~~~~

呢舊豬扒，真係好好味，同我係香港食果啲好唔同架！一啲都唔油，唔覺太熱氣架！勁好味呀~~~好懷念呀~~~

雖然，我係食唔晒，但真係好味到不得了，而家諗起都好想再食一次。下次再去都一定要去再食呀！

食到飽到嘔咁，又要開始起行，續繼行斷腳！