vychiu 之二人三貓のblog: 5月 2009

2009年5月13日星期三

2009東京血拼之旅第五日 (第二回@南大沢OUTLET)

坐多一陣車，就去到南大沢駅，呢度同新宿又係好唔同喎，好少人，好似就係得一個OUTLET咁，咁當然唔係真係得一個OUTLET，不過第二啲地方我哋無留意到，又唔係一出駅就見到！而OULET就係一出駅就見到喇~~

咁大個MITSUI OULET PARK，係人都知呢度就係OUTLET喇~~~HAHA!!!!

真係好少人架，可能唔係假期喇，真係得小貓三四隻咋！不過人少都好，唔使逼喎~~~

不過呢度又唔係間間啱我哋行喎！於是又順便參觀下喇~~~呢度都有啲公園仔俾人行到攰坐坐嘅~~

仲有得玩跳飛機添，哈哈~

LEVLS，CHIU SAN俾呢度都花咗唔少時間架。

因為掛住SHOPPING，無乜點影相，我終於搵到我想買嘢嘅SHOP喇，哈哈，我都買咗一個袋一個銀包。我即刻開心晒呀！哈哈！本來我都唔覺我即刻開心返架，係CHIU SAN同我講，我買完嘢即刻笑返，我先知咋！哈哈！

我同CHIU SAN都仲有係其它SHOP買到嘢，哈哈，又係豐收呀！YEAH~~~

SHOPPING完，又要坐車返新宿喇！因為位置偏遠，好耐都無一班車，等車都等咗好耐！我就攰到死喇！CHIU SAN就周圍影相！

等到幾個字車，終於有車返新宿喇~~~~

續................................

2009年5月12日星期二

2009東京血拼之旅第五日 (第一回@Sanrio Puroland)

第五日~ 我哋準備去探我最愛嘅Hello Kitty，好開心，出發前，我哋先食早餐，又係去食咖喱飯呀，哈哈哈哈！

CHIU SAN嘅咖喱飯~~~ おいし

我嘅豚ご飯～～～

食飽飽，出發喇！

我哋係新宿西口果邊坐keio嘅京王線呀！有車前去Sanrio Puroland架！

坐咗好耐車，係車廂都瞓咗好幾轉，終於都到咗喇！最少有45分鐘車程呀！

不過我發現一樣嘢，就係架車無細路架喎，無理由架！無細路去睇KITTY架咩！？

唔理喇~~ 都到咗喇，我個心已經好急喇~

出咗閘，就見到KITTY係到迎接我哋喇！證明我哋無落錯車喎！

出咗車站，嘩！好凍呀，咁多日最凍係呢日，唔好睇佢陽光普照呀，其實凍到震呀，好彩有帶手襪同暖貼咋。不過見到呢個路牌，我已經好想快啲入去睇下喇！凍都唔怕喇！

途經嘅地方，都好靜，無乜人嘅，有好幽閒嘅感覺，仲有呢啲咁得意嘅藝術品，好寫意！

開始行到去Sanrio Puroland嘅直路喇！點解都好似無乜人，尤其係細路，我都係R晒頭！

人就唔多，但好多鴿子！

見唔見到我身後遠處嘅城堡呀！就到喇！但我開始担心喇！

終於都到咗喇！真相大白喇！是日休館呀！我唔制呀！我山長水遠坐咁耐車嚟到，休館呀！無晒心機呀，咩行程都亂晒喇，去迪士尼又趕唔切，去到都好晏喇！去其它地方？我哋又無帶旅遊書！天呀！我記得好清楚，當時我真係發晒脾四架，黑晒面，連CHIU SAN都唔想睬架，唉，我都唔想，我已經唔係好舒服，一心諗住睇KITTY會好開心，點知........ 鳴鳴鳴！

好彩，我有CHIU SAN係身邊，佢極力氹我，我記得附近好似有個OUTLET喎，佢就周圍問人個OUTLET係邊！可能呢度比較少遊客喇，啲日本人唔係好識英文，幾經辛苦先係CAFE問到個OUTLET係邊，於是CHIU SAN 就同黑晒面嘅VY再坐多幾個駅，最終我哋去咗南大澤OUTLET喇！

續..................