Happy New Year~~ Welcome 2008

vychiu 2007大事回顧

2007 vychiu 大事回顧

Jan 07~

vy開始學美甲。對vy嚟講，除咗化妝，好似咩都唔識咁，所以想再學一技之長。學到美甲，真係好開心，因為本身鐘意扮靚！雖然到現時為止，都未有客搵我做甲，但不時為自己美甲，都已經係一大樂事喇！

 

Feb 07~

vychiu's blog誕生喇！呢件都有一大事呀！因為呢個blog，vy識到好多朋友仔！因為呢個blog，vy開始寫日記！原來寫日記，係一件咁好嘅事！開心，可以同其它人分享，唔開心，寫完真係會開心返架！仲有娜娜幫我設計咗個咁靚靚嘅banner添！好開心呀！

 

April 07 ~

就係呢個月，就發生咗我同chiu san好重要嘅一件事。就係，我哋一齊實咗我哋嘅夢想，就係我哋嘅第一次日本東京之旅！諗返起，真係好開心。我仲好記得果一段聽錯嘅對白，本來去澳門變到去日本！我仲喊咗出嚟，果一刻我諗笑死唔少人呀！(有興趣睇返嘅朋支請登入：http://hk.myblog.yahoo.com/vy-chiu/article?mid=124)

 

May 07~

chiu san 轉新工呀！去完日本返嚟第二日，chiu san即刻返新工。

去完日本返嚟，受到個好開心嘅消息，竟然抽中居屋，可惜，計唔掂數，買唔成。

vy收到chiu san送嘅粉紅NDS呀！自此沉咪機海。

chiu san公公安詳地長眠了。

 

Aug 07~

每年呢個時候，chiu san總會同vy去澳門慶祝生日。今年都唔例外，都係去3日2夜，可惜chiu san有整整一日病咗，最尾果日一早就走人。不過都好開心。

vy開始咗講咗三年嘅減肥大計，成績理想，可惜一完成整個減肥計劃，又開始放縱，打回原形！哈哈哈！

 

Sept 07~

chiu san 在足球場上英勇甩臼，右手差唔多有一個月不舉呀！仲因為咁佢咁大個仔第一次要針炙呀！(>>>http://hk.myblog.yahoo.com/vy-chiu/article?mid=1755)

 

Nov 07~

vy腰傷，同chiu san一樣，初次賞試針炙。禍不單行，一向少病嘅vy傷風感冒了差不多三星期。

vy走去學人返學，仲要去上公司秘司課程。可惜一點興趣都無。真係攞嚟搞呀！

 

今年真係發生好多事，呢度無可能盡錄。真係有喜、有悲，不過人生就係咁架喇！可能年年都係咁過架喇，不過以前無寫底，又唔覺有咁多嘢發生咗，而家有喺呢，大小事都會寫底，就好似發生好多嘢咁囉。

 

打邊爐@Zoe Home

去Zoe屋企唔係第一次，去佢屋企打邊爐，就真係第一次。我同chiu san5:30去到，人未齊，未食得，於是玩下層層疊先，玩咗兩round，好好彩，我都無輸到，嘻嘻！我哋玩得好肉緊呀！一跌，就大叫呀！好好玩呀！

開餐喇！好多好多嘢食呀，兩張大枱都放唔晒呀！我哋得9個人，但份量係十幾人嘅份量，人都癲呀！

睇吓啲菜幾多，Zoe話，佢只買兩種菜，但個阿嬸送多兩種菜俾佢，搞到有咁多，笑死，梗係食唔晒喇！

今餐好豐富呀！有蠔喇！不過原來無乜人食，差唔多係zoe一個人食晒！

有元貝！

有帶子！

有蝦，同象拔，好好味呀啲象拔！

食到咁上下，應該話啲嘢都唔知有無食到一半，我哋已經飽喇！為咗可以再戰象拔，我要起身行下先！見zoe個公仔櫃咁正，就梗係去影吓佢嘅公仔喇！佢個櫃乜都有啲咁，佢其實係鐘意哈母太郎.......

同埋軍曹。如果我屋企有咁多軍曹，我諗我一定發惡夢呀！哈哈哈！

影影吓！俾我見到一支kitty北海道限定筆！可惡！係佢同事去旅行送俾佢手信！支筆係佢手，有啲可惜呀！哼！佢都唔識欣賞嘅！

最後，今晚真係食到肚滿腸肥呀！咁凍嘅天氣，打邊爐就最好喇！

Happy 2008!!!

My New Blog Banner!!!!

祝各位朋友仔

Happy New Year!!!!!!

聖誕BBQ

聖誕節，梗係要大家一齊聖誕快樂喇！唔可以淨係自己去玩，留底媽咪一個係屋企悶架嘛！於是我哋舉家去大埔燒烤王燒殘廢BBQ喇！由於屋企人不願上鏡，所以唔post佢哋啲相出嚟喇！

超多人呀，我同chiu san到跑，我細妹已排緊隊買票，我仲要接佢力，差唔多排咗成個鐘，先買到票咋！

排隊時，悶悶地，影吓相時間會過得快啲呢！

呢個火，差唔多燒咗兩包炭，先至有得攞嘢食呀！

有得食喇有得食喇！我哋叫咗個五人餐呀！成為338大元吖！

好味呀！可惜chiu san燒嘢食途中，因太熱，除咗外套，於是成晚鼻涕長流呀！

平安夜 ─ vychiu甜蜜篇 之二

行到6:15，都仲未夠鐘食嘢。事關我哋訂咗[一生任食]7:00，於是去[一生]對面個商場行吓，哈！又俾我哋見到靚裝飾。好靚呀！

但個商場無乜嘢行，行咗15分鐘，都係上去[一生]，睇吓可唔可以早啲入座。結果係唔得，要等呀！於是我同chiu san就係呢個空閑嘅時間，把玩一吓我哋嘅頭飾喇！我個雪人係咪好可愛呢？

chiu san嘅鹿角呀！

chiu san話我帶鹿角襯啲喎！

chiu san帶雪人又好似好睇啲喎！

終於有得食喇！唔好見下面咁多位，只因為未夠7:00，一陣會全場爆呀！

聖誕佳節，每人送特飲一杯！好嘢，平時呢兩杯嘢想飲係要俾錢呀！

好好味嘅魚生呀！日日都有得任食就好喇！

我哋食到9:00，要閃人喇，因為我哋買咗9:50嘅飛係AMC睇Golden Compass呀！等咗好耐喇！終於有得睇喇！妮歌好靚呀！可惜佢戲份太少了！

平安夜 ─ vychiu甜蜜篇

今日有得早放，我係中環等chiu san，由於只係4:30，於是我哋決定由中環行去銅鑼灣喇！

 

我哋由中環太子大廈出發，第一站：中環。今年無聖誕老人村喇！好失望，變咗啲宗教團體係度唱聖詩。

今年無大聖誕樹喇，極度失望，呢棵假嘢，一啲都唔靚呀！

天未黑已經有人係度唱喇！

個像都係度聽呀！

啲聖誕花好靚呀！我梗唔執輸，影返張相喇！

下一站：金鐘Pacific Place

下面隻V手其實係chiu san架，但攞嘅位置好似我隻手咁！超搞事呀！

我哋每次合照，都睇唔到背景架！因為全部都係自拍架！

好多人排隊呀！唔知有咩睇呢！？我哋好八卦咁企咗一陣，無去排呀！咁多人，我同chiu san一定唔會排，除非有金執喇！

終始俾我見到聖誕老人喇！不過係廣告板，唉~ 好過無喇！我好想見到聖誕老人呀！

經過agins b.，嘩！好靚呀！好閃呀！

我哋行呀行，行過灣仔，就行到銅鑼灣喇！係Time Square 影咗好多相呀！

待續..............................