好瘦嘅聖誕老人呀

2007年12月14日 (星期五)

放工，chiu san陪我去旺角攞信用卡積分禮品，食完譚仔雲南米線，就返歸喇，chiu san 趕返屋企溫書呀！

經過旺角新世紀，見到佢個聖誕佈置，嘩！好開心呀，因為呢個佈置得都唔錯，我鐘意聖誕樹、聖誕老人、雪人。我覺得咁先有聖誕氣氛，其它果啲高檔佈置，有似好有藝術氣質，其實唔知佢想表達啲乜，一啲聖誕氣氛都無呀！真敎人失望呀！

見到聖誕老人，好興奮呀，影呀影！不過聖誕老人好搞笑呀，點解咁瘦嘅？唔通準備派禮物嘅工夫好辛苦，所以搞到咁瘦？哈哈！仲有個好大嘅透明裝飾球，啲人可以行入去架，自己都可以做埋聖誕裝飾之一，好特別呀！

隔離仲有啲聖誕樹同雪人添呀，啲雪人好可愛架！