尋日，發生咗啲小事，令到自己好唔開心，係我睇自己睇唔開？我小器？係我嘅問題嗎？
事，真係好小，但引發一連串問題出嚟，但可能係屋企人，我就太介懷了。你愛的人我一定要喜歡嗎？係自己屋企唔可以有情緒起伏嗎？對住自己憎嘅人唔可以黑口黑面？係我無修養！就當全部都係我嘅問題吧。要我改？我就改吧！不過我需要時間。
不可能叫我一下子接受吧！我憎嘅人，一個星期帶返嚟兩三次！我能笑住歡迎嗎？無表情，俾人話黑口黑面。唉！係我EQ低，我都想一家和陸，俾啲時間我喇！
唔開心，個人容易老呀！我都唔想老得咁快呀！哈哈！(苦笑中)睇嚟，我今日開始，要重新做人喇！要去學習唔去憎身邊每一個人，學習去控制一下自己嘅情緒！我始終愛你們的！
唔好唔開心啦！ 唔係每一個人我地都會中意，不過我地都要對住。 對住你唔中意的人，真係可以練下 EQ架！ 其實只要令到自己開心一點去對住這個你唔中意的人。 你會覺得自己好叻的(我自己認為)
回覆刪除你對住佢黑口黑面，自己又唔開心，仲要比家人或其他人認為問題於你。唔係要你假，不過可以有更好的方法去面對。 不過呢樣野好深.....都好抽象，好難用文字解比你知。
點都好，有時唔可以比唔好的情緒去控制自己的行為，咁你會好過一點，快樂一點！
[版主回覆12/21/2007 14:27:00]你講得啱呀！我會學習控制自嘅情去控制自己嘅行為喇！不過要慢慢來的。我沒事喇！我係想找個地方舒發吓咁囉！
其實我同你都一樣的，唔鐘意就會黑面的，所以成日得罪人都唔知囉，不過人大咗就會慢慢明白，慢慢改，實有一日可以改到的，唔好唔開心呀
回覆刪除[版主回覆12/21/2007 14:28:00]而家無咁唔開心喇！係喇，要慢慢改呀，我相信我一定克復到嘅！
我也有過同類的經驗，我嘗試找出憎那個人的原因，後來發覺她其實也有優點，我憎的只是她經常上來，佔用了屋企的一些角落和空間，我憎恨的是我在沒有選擇的情況下被迫與另一個人相處，我未能習慣在屋企這麼私人的空間裏多了個「外人」，自覺活動空間少了，生活被影響了，屋企沒有以前那麼寧靜了，又被迫要保持自己的儀容，被迫要笑住跟她打招呼。某程度上你是沒有問題的，嘗試找出「討厭」的原因，找個機會表達出來，讓人知道。
回覆刪除