去Zoe屋企唔係第一次，去佢屋企打邊爐，就真係第一次。我同chiu san5:30去到，人未齊，未食得，於是玩下層層疊先，玩咗兩round，好好彩，我都無輸到，嘻嘻！我哋玩得好肉緊呀！一跌，就大叫呀！好好玩呀！
開餐喇！好多好多嘢食呀，兩張大枱都放唔晒呀！我哋得9個人，但份量係十幾人嘅份量，人都癲呀！
睇吓啲菜幾多，Zoe話，佢只買兩種菜，但個阿嬸送多兩種菜俾佢，搞到有咁多，笑死，梗係食唔晒喇！
今餐好豐富呀！有蠔喇！不過原來無乜人食，差唔多係zoe一個人食晒！
有元貝！
有帶子！
有蝦，同象拔，好好味呀啲象拔！
食到咁上下，應該話啲嘢都唔知有無食到一半，我哋已經飽喇！為咗可以再戰象拔，我要起身行下先！見zoe個公仔櫃咁正，就梗係去影吓佢嘅公仔喇！佢個櫃乜都有啲咁，佢其實係鐘意哈母太郎.......
同埋軍曹。如果我屋企有咁多軍曹，我諗我一定發惡夢呀！哈哈哈！
影影吓！俾我見到一支kitty北海道限定筆！可惡！係佢同事去旅行送俾佢手信！支筆係佢手，有啲可惜呀！哼！佢都唔識欣賞嘅！
最後，今晚真係食到肚滿腸肥呀！咁凍嘅天氣，打邊爐就最好喇！
嘩！我最鐘意去到有咁多公仔的屋企！ 海鮮打邊爐, 正到點呢？我今晚又要打邊爐！ 天氣凍左好多, 著多件衫la~!知無！
回覆刪除[版主回覆12/31/2007 13:53:00]我都好鐘意見到咁多公仔，感覺好正！如果全部都係kitty我會好開心呀！我都好想有個咁嘅櫃俾我放kitty呢！
H A P P Y N E W Y E A R
回覆刪除[版主回覆12/31/2007 14:50:00]多謝!!!!!我都祝你甲甲越整越靚！
好多料呀！我最喜歡吃那杯生豪呀！正呀！原來你是ｈｅｌｌｏ咪咪的粉絲。
回覆刪除[版主回覆01/01/2008 21:17:00]Yeah!!! I love Hello Kitty
下次叫埋我去打邊爐
回覆刪除[版主回覆01/01/2008 21:17:00]好呀！你得閑就得喇！
哈哈! 希望你地滿意我安排的食物啦! 唔夠款下次可添加
回覆刪除天氣凍了，多添衣服