深水埗旺角行

今日我同chiu san去咗深水埗，為12月嘅電腦節作個預習！哈哈！我哋睇中咗一部laptop喇！等到時有無得再平啲！嘻嘻！

睇完laptop我哋就由深水埗行過去旺角！沿途都玩下相機咁喇！嘻嘻！

我哋係恭和堂買咗支13.5嘅豆漿，係貴咗啲呀，但都幾好味喎！唔似平時果啲溝水嘅~~

仲俾chiu san發現好古舊嘅恒生銀行，哈哈！好似返咗六、七十年代咁呀！

好耐無試過自拍合照喇！

行吓行吓，嚟到旺角郎豪坊喇！yeah！原來好近架咋！

呢度嘅聖誕佈置整好喇！好嘢，好靚呀！我前面呢舊係國際象棋嘅棋子嚟架！

跟住我哋去咗新世紀，呢度有好多白色嘅xmas tree呀，好開心呀！

我哋要繼續周圍去影聖誕佈置呀！yeah~~~

我買咗好多面膜呀

女人唔保好易無呀！但我都以家先開始行動呀！好似遲咗啲喇！

前一兩個星期，我無意中係"屈人寺"度發現啲9.9兩塊嘅面膜喎，我見我個鼻成日有脫皮嘅情況，就買啲嚟TRY TRY佢！

我就係買咗上面呢兩款喇！右邊MG果隻我覺得ok喎，連用三日，我鼻上嘅瘡瘡同脫皮現象好咗好多喎！而左邊果隻，係包埋一對眼膜，都係9.9兩pack喎！咁抵我梗係買佢喇！眼仔都好重要架嘛！

之前趙孫雲雲講過"我的美麗日記"好用喎！尋日都終於俾我搵到喇！起初我都唔知買邊隻好，咁啱xmas佢出咗box set，裏面有齊晒咁多款，我可以款款都try吓，試啱就買果隻，好好呀！

一個box set有兩盒，每盒有11塊！

仲送一塊"白金保濕面膜"呢！保濕啱晒我呀！

火車驚魂~~未定

尋日係chiu san屋企坐火車返家途中，就嚟去到火炭站嘅時候，突然火車響按，跟住就聽到"pong"一聲，因為我坐係第一卡，即使我係聽緊 ipod 都聽得好清楚，之後架車就慢慢停低咗喇，當時我好驚，好驚唔知撞到呢係咩，我即刻唔聽歌，等火車嘅廣播，我心裏諗千萬唔係係撞到個人呀，我會好驚架！

過咗幾分鐘，車長廣播喇，真係撞到人呀！好驚呀！新聞雖然不時都有啲咁嘅事，但親身經歷，原來係好好好好驚，我驚到手都震埋，但我見其它人就無乜咩，應該係我怕事同細胆喇，我仲要担心埋個車長，佢應該仲驚過我呀！我即刻打俾chiu san、媽咪，同KP，講佢哋知我好驚！

我當初以為有排搞喇，點知大唔使15分鐘，架車就開返去火炭站，轉另一列火車！當我離開咗火炭，我就唔驚喇！

到今日睇新聞，原來係撞到個六十幾歲嘅伯伯，俾火車撞到去路軌以外，急救一小時不冶。唉~~~

希望以後都唔好再有啲咁嘅事發生喇！

媽媽嘅薑蔥炒蟹

尋晚，媽咪整咗我其中一樣我最like嘅佢嘅拿手好餸俾我哋食，薑蔥炒蟹呀，好味架，我覺得媽咪整嘅薑蔥炒蟹係最最最最好味架！

本來炒咗兩隻，一家四口一人半隻喇，哈哈，呀B唔返嚟食，妹子唔舒服，哇哈哈，我差唔多食咗一隻多啲呀！好味到不得了呀，於是我尋晚只係食蟹，其它咩都唔使食喇！飽晒！YEAH，呢張相都係我食到得番一半嘅時候醒起未影相，將零星嘅蟹組合番咋！其實隻碟嘅另一半係吉架！HAHAHAHAHA！

我公司有個美女廚房

近日KT大人屋企買咗個焗爐喎，咁佢就發揮佢嘅煮食天份，差唔多日日都包我哋嘅早餐，有咩食？真係豐富到你唔信呀！

有芒果蛋榚！好多芒果呀！「賣飛佛」呀！

又有粟子蛋榚，哇哈哈！好香架！我唔太好粟子都覺得好好味呀！

呢啲麵包係咪好靚仔呢，唔係買架，係KT大人一手一腳整架，賣相一流呀！有吞拿魚味喇，午餐肉味喇，肉鬆香喇！雖然肉鬆味有啲硬，不過味道係OK架喎，尤其係吞拿魚包呀，又係「賣飛佛」呀！

有無見過咁多生果嘅果撻呀，哇哈哈，我真係超辛福呀！

仲有萍果批，其實仲有雞批，曲奇餅，心太軟，但我掛住食唔記得影相囉，哈哈！仲有PIZZA架，遲啲再POST返出嚟！

KT大人醉心於煮食，我真係大為佩服呀！兩日前佢整果撻時俾焗爐燙傷咗隻手，佢嘅高人男友即下令暫定食物生產呀，所以呢個星期唔會有得食住喇！不過整親係要休息下喇！美女廚房下個星期再重出江湖喇！

開始步跑喇

為咗減肥，我都運動咗好幾個星期喇，啲褲果然無咁緊喎，哇哈哈，有進展有進展，於是我決定開始跑步。

上個星期我終於買咗跑鞋，星期六第一次同chiu san係上水一齊跑呀，跑咗大約25分鐘喇，第二日對腳有啲痛呀！不過感覺良好，運動真係舒服，於是今晚再去跑過，今晚係返沙田跑喇，近近地ma，我都估唔到自己跑下又行下咁，又跑到30分鐘喎！yeah~~~

繼續努力呀！

好悶呀.....

好悶呀!!!!
點解我返邊份工,份份都係咁鬼hea!!!!點解!!!!!!!!

好QQQQQQQQQQQQQQQQQ悶呀！

日日靜坐到5:30，點解會咁咖！

今日見到貓仔呀，又見到日本人！好開心呀！

今日同chiu san去新城市行街，正當我係出發嘅途中俾我發現一隻黑色貓仔係行人路中間，或者近排愛上美眉嘅貓仔，我竟然放棄我原定嘅路線，走咗去隻貓仔嘅另一條路。

唔知係唔係我嚇親隻貓仔，隻貓仔跳咗入行人路邊嘅一間中學入面，我又入唔到去，隔住個欄，只好影佢相喇，aiya，無帶相機呀，好彩手機都有得影，但貓仔走得好快，影得唔多呀！

近啲先見到，呢隻貓仔係黑白色架！佢好似好怕我咁，我行去左邊，佢就行去右邊，我行去右邊，佢就行去左邊，激死我呀！不過佢一路望住我咪咪咁叫，好可愛架！

影影下，原來不遠處仲有另一隻架，不過佢就唔多活躍喇，一路都係坐係一邊咋！

黑色果隻活潑得多喇！周圍望架！

佢真係好得意呀！我今日行街嘅時候都不停睇返呢啲相呀！

睇完貓仔，係時候出發喇，chiu san等咗好耐喇！哈哈！同chiu san買咗件返工嘅裇衫，好嘢，終於買到喇！揀咗好幾個月架喇！就嚟啲返工衫爛晒架喇！yeah！今次出動真係大成功呀！

去到一田，chiu san話唔信香港而家經齊差喎，因為真係多人到行唔到咁濟，本來諗住行下超市，但都係多人到行咗一行，攞咗個牛奶布丁就去俾錢喇！呢個布丁唔平架，咁細個都要廿蚊架，但我聽人講過好好味好滑架喎！咁就要一試喇！果然，好好味架，真係好流架！去到日本要再食呀！

除咗好味嘅布丁，仲有架！今日去到citysuper見到我最愛嘅玄米茶呀！嘩！好開心呀，我哋係到睇睇吓，有個唔係講廣東話男人過嚟，原來係sales嚟架，同佢傾傾吓，嘩！原來係日本人嚟架，我仲用日本語同佢講咗句；「日本人？」佢話係呀！勁開心呀(請原諒我嘅崇日心，哈哈)，佢用國語，英文嚟介紹佢啲茶，仲有得試飲添呀，佢泡咗三種茶俾我哋飲，都好好飲架，最最最好飲嘅係佢喇！好飲嘅，都係有代價嘅，廿蚊一包，只有十個tea bag！

今日係開心嘅一日呀！

 

09東京之旅預備篇之 << 日 本 行 程 >>

------ 經過幾日連的研究，暫定日本的行程 ------

11 Jan 08 ñ	新宿
12 Jan 08	原宿 8 表參道及青山 8 涉谷
13 Jan 08	代宮山 8 恵比壽 8 六本木
14 Jan 08	Hello Kitty Land 8 池袋
15 Jan 08	橫濱 8 秋葉原
16 Jan 08	廸士尼
17 Jan 08	吉祥寺 8 下北沢 8 淺草
18 Jan 08 ñ	上野 8 新宿 8 羽田機場

時間係多過上一次日本之旅，但計劃行程總覺得時間得好小，都係唔夠時間去今次想去的地方，例如台場 L

所以暫定！

09東京之旅預備篇之 坐車路線篇

今日，chiu san係朋友嘅blog到找到一個很中用嘅website呀，http://www.jorudan.co.jp，係check由出發地往目的地嘅坐咩鐵路，又show 埋要用幾多時間，幾多錢，係邊度轉車，嘩，very good嘅有用資料呀，多謝朋友嘅分享呀，好有用呀！

咁有用，我梗係即刻試吓用喇，我就check下由築地去橫浜嘅路徑先！wor！佢仲有好多個乘車嘅路線俾我揀，但我梗係分秒必爭揀最快嘅路線喇！wakakakakaka！

再試下我最愛嘅Kitty Land，但上次唔夠時間去，今次我真係要好好將佢放入我哋嘅行程入面呀！去完Kitty Land再去吉祥寺好唔好呢？