vychiu wedding 之 DIY 迎親牌

之前係esd wedding 有人整迎親牌迎親，我又覺得唔錯喎，有迎親牌影起相上嚟畫面豐富啲吖ma，於是我哋兩個又學人DIY。

最初買晒咭紙托底，紅色畫紙，同金色畫紙，都買咗成120蚊，有啲肉痛，以為DIY會好平。真係越窮越窮呀！但就係欠咗支棍。唔想再用錢買棍返嚟了。

所以，料一路買咗係度但就無動工。chiu san都有攞過啲花藍個啲幼身竹返嚟，但一路又未諗到點去包裝靚支竹。直至，我哋屋企樓下，有店舖開張，有又量花牌唔要，俾我發現花牌下原來有啲好啱用嘅木棍，人家3支棍支撐一個花藍，我見啲花藍無人理，花都謝晒，好似垃圾咁比人放係一邊，我緊係做咗個垃圾婆，執垃圾。

哈哈，就係咁，執到棍，我哋就可以即刻開工la，完成品都ok架，影出嚟嘅效果真係唔錯呀！

vychiu Weeding 之 男禮@君臨 / Couch Potato Menswear

距離BIG DAY仲有30日咋!!!

一路以嚟，我都想物色多一套男禮比我男友，雖然佢成日話一件由早着到晚就算。但我都想佢多件衫換架MA！

上年一早就已經係金都地庫間「君臨」做咗一套黑色燕尾架喇，兩次 PREWEDDING 都係着佢。係一件簡簡單單，又不失隆重嘅男禮。

早兩個星期，我喺Facebook 見到一間賣男禮嘅，款色並唔係一般禮服，我覺得好英倫feel，不過唔係度身訂做嘅，分size 即場買走嘅。我比男友睇一套酒紅色嘅男禮，佢都好鍾意，於是就去試身仲即刻confirm買埋添。係要再搵人改褲腳，不過都係小事，最緊要價錢唔係話好貴，配埋bowtie同馬甲都係唔使2000蚊，我覺得唔錯呀，出去租都要la，何況租都未必有啱心水嘅。

終於都唔洗佢一件衫着成日la，無理由我一日換咁多次衫，佢只係得一套吖ma。

vychiu Wedding 之 結婚蛋榚

距離BIG DAY 仲有38日！

日子漸近了，由倒數2年到今日38日，看似好漫長，但時間其實真的過得好快，尤其最尾這半年，要做嘅事一單接一單，好似好忙，好似完成咗好多嘢，但又好似有好多嘢未搞咁！

近日都終於，落實咗訂結婚蛋榚了。

呢個item，我年前已想訂了，但又考慮錢不多，結婚蛋榚又不平宜，動輒數千，而且似乎不是必要的。

但曾經一想過要有結婚蛋這念頭，就不能消去，找了一間自己十分喜歡的蛋榚店，但價錢當然不平宜。於是一拖再拖，仍想找一間又平又靚嘅蛋榚店。到了上個星期，CHIU SAN 說蛋榚一定要有的，都係揀我喜歡的一間，因為佢唔想我唔開心。於是就決定了及落訂了。

我哋揀咗 Phoenix Sweets，我係FACEBOOK果度搵嘅，我對佢哋精緻美麗嘅蛋樣吸引住，真係好靚好靚。又可以迎合返我哋嘅主題去設計一個我哋嘅蛋榚，我好期待我哋嘅蛋榚出世呀！

我真好開心，CHIU SAN真的乜都依我的，怕我不開心不滿意，要留下最美的回憶

多謝你呀！我真係覺得好幸福架！

收到第一份結婚禮物呀！

尋日同舊同事呀WING食飯，我耐無見佢LA, 我哋兩個雖然幾年無見，但總有不盡話題。哈哈。

佢雖然唔嚟飲，但我都比咗張餅咭佢LA, 小小心意。

佢送咗佢嘅心意比我，佢知我鐘意HELLO KITTY，送咗個咁靚嘅結婚相架比我。我真係好開心，因為我從來我預計到會有人送結婚禮物比我，收到嘅感覺係好窩心，thx my dear fried!!!

入好帖啦，可以炸人啦！

 前晚開始，為派帖作準備

首先係喺帖封加工，蓋印仔，做一個獨一無二嘅帖封。 ^^

跟住就係入餅咭，餅咭上星期我要再買咗轉，因為個GUEST LIST 出咗嚟，原來唔夠派 @@

昨天入回禮利是

封埋火漆，禮成。今日開始炸人啦！哈哈哈！