一路以嚟，我都想物色多一套男禮比我男友，雖然佢成日話一件由早着到晚就算。但我都想佢多件衫換架MA！
上年一早就已經係金都地庫間「君臨」做咗一套黑色燕尾架喇，兩次 PREWEDDING 都係着佢。係一件簡簡單單，又不失隆重嘅男禮。
早兩個星期，我喺Facebook 見到一間賣男禮嘅，款色並唔係一般禮服，我覺得好英倫feel，不過唔係度身訂做嘅，分size 即場買走嘅。我比男友睇一套酒紅色嘅男禮，佢都好鍾意，於是就去試身仲即刻confirm買埋添。係要再搵人改褲腳，不過都係小事，最緊要價錢唔係話好貴，配埋bowtie同馬甲都係唔使2000蚊，我覺得唔錯呀，出去租都要la，何況租都未必有啱心水嘅。
終於都唔洗佢一件衫着成日la，無理由我一日換咁多次衫，佢只係得一套吖ma。
沒有留言:
張貼留言