2009東京血拼之旅 第四日 (第二回@再戰原宿)

我哋嘅血戰程式又再起動喇~~~

要過對面馬路行吓喇~~ 今次我哋唔過燈位，揀咗用橋過馬路！哈哈！因為上次嚟日本時無上過嚟，今次就好想上去行吓！影下相喇~~~

原來上到先知，係呢個角度望落去係咁靚架！我哋企係呢度影咗好耐相呀！因為實在好靚，不過我哋影得唔靚囉！

落咗橋向返原宿方向行，我哋行咗入一條巷仔呀！經過見到呢間舖，我眼望望，睇落好似好貴唔敢入去睇，chiu san見我心思思就叫我入去睇下，反正割引中，就入去睇睇！啲衫係幾靚喎！我都揀到啲嚟試，最後，我係揀咗件新到貨品嚟買，無折架！哈哈！我會記住呢間舖，因為啲衫我都好鐘意！

買到衫，笑晒口喇！我哋就繼續行下啲街仔，不過chiu san就唔多啱行咁喎，啲衫下下過千，買唔落手！

行行吓經過一間車仔檔，係賣便當呀，飲料咁喇！我又去買返支飲嘅先！我仲用日文問佢幾多錢，好彩我仲聽到佢講幾多錢啫！哈哈！

行吓行吓，又返到新潟館，今次無唔到野食，睇唔啱喇~~~

又經過表參道山，又入去行吓喇！又係得個行字，順便借個洗手間用喇~~ 嘻嘻！

又再行返入啲巷仔，chiu san終於都買都嘢喇！佢搵到佢喜愛嘅運動鞋牌子嘅專門店！買咗對鞋喇！yeah~~~

因為掛住買嘢，都唔係點想得影相，咁又返到竹一下通喇~~

係書見到有炒雪榚食~~好想一試，就去試喇！哈哈，都ok喎！係細杯少少囉！

食完雪榚，就向我心儀嘅舖頭出發喇~~~~

就係呢間喇！哈哈，我係呢度都買咗4-5件衫呀！我好鐘意呢間啲衫架！

咁我當然要係店前留影喇~~~~

血戰完原宿表參道，梗係要返新宿放底啲嘢喇~~~ 好重架！

返酒店途經中村屋，見到啲咖哩包一定要試下先得，好彩有試咋，真係好好味架！正呀！

2009東京血拼之旅 第四日 (第一回@再戰原宿)

嚟到旅程嘅第四日，我哋決定再戰原宿，哈哈，因為上次行原宿實在唔夠喉，我哋要再去血拼呀！

為咗有氣有力去血拼，我哋又去食牛肉飯呀！亦因為佢太美味，所以朝朝都去食！亦因為朝朝都去食，所以我成個行程都消化不良，HAHAHAHAHA~~~

食飽飽，就出發喇~~~今次我哋坐副都心線，喺表參道落車嘅~~~

係相廂入面影架！好掛住呢啲鐵路呀！雖則話個車廂係比香港嘅細，但比香港嘅舒服！不過啲車費就貴咗啲囉，真係坐得舒服都要付出代價！

到喇~到喇~ 又到咗原宿喇！YEAH！出發，開始血拼喇！

第一站就係ANGES B喇~~~~ 哇哈哈~~~~ 平時我都唔鐘意呢個品牌，不過一場嚟到，梗係入去睇睇喇~~~~ 其實呢度有兩層架，不過我哋只係地庫果一層睇~~~

哈哈~~~ 咁都比我揀到個袋喎~~~~就係我身後果個紅色嘅袋喇~~~ 個SALES話呢隻色係得表參道店先有架，就係因為咁，我就買咗喇~~~~ 哇哈哈~~~ 女人都係鐘意呢種人無我有嘅感覺架喇~~~~哇哈哈~~~

最重要係，呢度啲SALES真係會幫我攞住袋嘢，陪我行到去門口，跟住先俾返個袋我，再九十度鞠躬同我哋講多謝，HAVE A NICE DAY咁話喎！噢~~~ 感覺太好喇~~~ 仲有呀，原來係呢度買嘢，佢會即刻幫我哋退稅架喎！好方便呀！我會再嚟買架~~~

第二站，再戰KIDDY LAND，又同KITTY影相呀！嘻嘻~~ 不過都睇嘅多，買嘅少，因為實在太多喇~~~ 花多眼亂，根本唔知買咩呀~~~

今次仲有chiu san嘅至愛呀！勁多添呀~~ chiu san好開心呀，又係花多眼亂~~ 最終都買到公仔呀！好開心呀~~~

買咗一陣，行咗一陣，影咗陣相，隻腳又好攰喇~~~ 要搵地方坐喇~~~ 唯有又食，哈哈~~ 雖然未餓，都唔理喇~~~~ 照搵食~~ 俾我哋係表參道發現咗「平祿壽司」！就入去try try喇~~~~ 我哋本住求其一間都好食過香港嘅宗旨，放胆去試喇~~

哇哈哈~~~ 睇樣都知結果，係唔錯架！下次去表參道都會返嚟食~~~

休息咗一陣，又要出發喇~ 繼續我哋嘅血拼之旅喇~~~

續.........

2009東京血拼之旅 第三日 (最終回 @ 新宿)

經過一日不停係咁行，終於返到新宿喇！我哋去咗西口食牛扒餐，上次嚟食過，勁回味，今次都一定要再食喇！

今次嚟到，一樣咁多人，舖仔細細，都係坐滿人嘅，頭盆係沙律，佢啲沙律汁真係勁好味架！勁正！

再嚟一客粟米忌廉湯，又係無得彈之作呀！

呢度嘅坐位全都係bar 枱，廚師就你前為你服務喇，好正架！紅磚嘅廚房好有feel架！

主菜嚟喇！見到都流口水呀！好味到呢~~~~~~~~~~又厚又多汁！好味到唔係筆墨可形容呀！

再跟靚仔一個！點牛扒啲汁嚟食，好好味架！

呢個就係餐牌喇！我哋係食特選嘅！細食嘅，唔好order咁厚嘅扒呀，因為最細嘅都好夠份量架！女仕們最好食細細份喇！

食完牛扒，打道回道喇！經過新宿地下商場，又俾我買到件褸喎！哈哈！係時候返酒店喇，再行，會死係新宿架喇！係攰死呀！

呢日嘅收獲可真係少喇！係涉谷嘅ABC MART我哋買咗兩對波鞋，係築地就買咗士多啤梨，玉子燒，兩個和式眼鏡盒，燒魷魚，係代官山就買咗條裙，兩個鴨仔占板仔，兩個好靚嘅可摺衣架仔，係藥房買咗三支BODY LOTION。

係築地買嘅，不過唔好味嘅，貪佢幾靚買咗！得個樣！

終於都完成咗三日嘅行程喇！可以話第三日我已經打柴，攰到發晒皮四，又攰，腳又痛，仲有五日呀！都係早啲瞓，儲足精神，明天繼續呀！好彩晚晚都有浸溫泉粉啫！都可以補充返啲！

2009東京血拼之旅 第三日 (part 7 @ 涉谷)

千山萬水，行到腳斷咁滯，下午3:30終於到咗涉谷喇~~~

過咗條橋，就到涉谷駅喇~~~呢度好多巴士站，下次都好想試下坐巴士~~~

到咗喇，梗係要係地標影個相留念喇~~~

嚟到涉谷，我都係主要行百貨公司~而係百貨公司入面我哋又無影相，所以無得POST出嚟~~~

呢度隻狗狗~~ 又係必影景點，哈哈~~~

可能因為太攰，得個行字，買唔到嘢~~~

其實涉谷啲衫真係太潮喇~~ 根本就係可遠觀不可玩呀~~~~ 可謂大開眼界嘅~~

行吓行吓，空手而回，我哋下次係咪唔使再嚟涉谷呢，得個行字！

我哋就係呢個入口坐車返新宿喇~~~

攰到死咁滯，7:00打道回新宿喇~~~

續............