雖然無咩啱行，但都想睇吓嘅個高尚住宅區嘅靚景，所以就繼續周圍行吓喇~~~
高級地方果然係又靚又靜呀！我都好想住係呢度呀！
睇書都有睇過，呢度係會有冰雕嘅，哈哈，我哋都見到呀，好得意呀，啲人真係咁有閑情雕冰，我哋又先可以咁有興緻影佢~~~
成街都係名店呀，過門不入，哈哈~~
好古色古鄉嘅屋呀，好特別呀！
呢度人少車少，仲周圍都係樹木，好舒服呀！
行下行下，就離開咗代官山，本來諗住行去惠比壽嘅，不過唔識行，仲唔知行咗去邊，哈哈！但又唔驚喎，我從來係日本，就係唔會有迷路唔識返酒店嘅感覺架喎！我好定喎！有路咪照行囉！
仲可以沿路影下相添，不過係攰啲囉，加快咗我哋斷腳嘅速度呀！哈哈！
行下行下，見到鐵路喇，得救喇~~ 有JR嘅地方，一定唔會迷路喇！
無錯，沿住鐵路嘅方向，我見到遠處嘅涉谷喇~~~ 我都覺得自己好叻，咁都行到去喎！唔好笑我呀！我哋真係差啲唔知自己係邊架！天寒地凍，腳又就斷，都搵到出路，真係好想讚下自己呀！哈哈~~~~
既然眼前就係涉谷，唔必迷路喇，腳又就斷，就梗係搵個地方坐一坐，食少少嘢休息下喇~~~ 其實我就已經食到想嘔架喇~~~ 不過我都係要食，此行以食同買為主架嘛，唔理咁多，食咗先講！我哋所謂食少少嘢，都係一人食一個咖喱飯囉，好飽呀，我都係食唔晒喇~~~ 有得坐我就已經好滿足喇~~~ 坐咗一陣，要向涉谷進發喇~~
續.......
沒有留言:
張貼留言