vy今年嘅第一份聖誕禮物

好開心呀！我已經收到chiu san送俾我嘅聖誕禮物喇！

係咪早咗啲呢！係呀！因為chiu san本來諗住等我返學嘅時候，自己偷偷地買，到聖誕先俾我嘅，但怕我自己會走去買咗先，所以chiu san就一早買定俾我喇！

係咩嚟？係我想買好耐嘅ipod nano囉！自從ipod nano出咗新款，我已經好想擁有一部架喇！我成日講話想買，我哋去睇過價錢，仲要平過之4G嘅好多，所以我就決定咗會買，但我無諗過chiu san會買俾我架，我諗住自己做makeup賺咗少少錢，買嚟獎勵一下自己，點知chiu san成日都叫我唔好買住，原來係想買俾我呀！哈哈！

尋日終於都同我一齊去買咗喇！不過，我哋尋日買完之後，諗住即刻义電即刻有得玩，點知，部機义咗成晚都未义完電，都心知不妙喇！都唔知义到幾時，唯有放底部嘢係chiu san屋企繼續义喇！我返到屋企，chiu san話我知，部機义完電喇，可惜，部嘢原來真係壞嘅，開唔到機架，要义住電先開到機呀！唔係吖嘛，咁搞法呀！點樣隨身义電呀！咁就梗係攞去換喇！

今日chiu san會攞返去換喇！真係麻鬼煩呀！哎呀！好想快啲有得聽呀！