今日好開心呀

今日下畫，有個電話打嚟，係個女仔嚟喎，佢問我認唔認得佢喎，話我半個月之前同佢化過妝架，講講吓，我就知佢係邊個喇，係之前個新娘個伴娘呀！

一開始，佢想我send返啲相俾佢哋，梗係無問題喇！我每次都會影底啲相做profile架嘛，俾返佢哋當然no problem喇！跟住佢就同我講，佢會兩年後結婚呀！恭喜晒呀！到時想搵返我幫佢化喎！仲話如果到時我換電話號碼或聯絡，一定要話返佢知咁話！

我真係好開心呀！經過上個星期一個不開心經歷，我一直耿耿於懷呀！不過，今日收到呢個女仔個電話，簡值好似得到解脫咁呀！果種開心，我唔識講呀！曾經有過唔少伴娘話會搵我化，包括呢個女仔，不過佢係第一個會打返嚟book定我幫佢化妝嘅！得到別人嘅認同，真係好開心呀！

總之就好好好好開心喇！